2 Petero 1:2 - Samburu

² Metoponiki Nkai ntae munyani o seriani, ipuopuo kue aayielou ninye o Yeso Laitoriani lang.

2 Petero 1:2 Referans Kwoze

2 Petero 3:18

Kake entubulu taatua munyani o yielounoto e Laitoriani o Laitejeunoni lang Yeso Kristo. Metaa nkisisa nenye, taata o ntarasi! Aamin.

Lpilipi 3:8

Ee kedede, kaiken nenia baa pooki ajo ne pecheu tankaraki inia nara ne tipat too pooki, naa kore inia nara ne tipat naa yielounoto e Laitejeunoni Yeso Laitoriani lai. Kore tankaraki Kristo naiturrayie pooki naata apa, naiken ajo ketuwuana nkik payie atum Kristo metaa lalai,

Yoana 17:3

Naa ana nkichon nemeiting nchere payie kiyielou ltung'ana, iyie Nkai nabo ake nadede, neyielou Yeso Kristo ilo lirriwua.

1 Petero 1:2

Etegelua apa ntae Nkai Papa te yieuna enye eitisiny ntae ta Ltau Sinyati payie irukuruk Yeso Kristo neituk ntae lodo lenye. Meiputa ntae munyani o seriani.

Yuda 1:2

Metoponari taatua ntae lng'ur o seriani o nchaman.

Rroman 1:7

Kairoroki ntae pooki ootii Rrom, oacham ꞉Nkai neipoto metaa sinyat lenyena. Metaa munyani o sotua naing'uaa Nkai papa lang o Laitoriani lang Yeso Kristo tenebo o ntae.

Luka 10:22

Kaaitarasaka Papa lai, ntoki pooki apik nkaina ino. Meatae hoo loyielo ajo ng'ae Nkerai mara Papa ake, nemeatae sii loyielo ajo ng'ae Papa mara Nkerai ake, o ilo oyieu ꞉Nkerai neibalakinyie.

Mbolunoto 1:4

Naa nanu Yoana oigeroki ana nkanisani sapa naatii nkop e Asia: Metaa tenebo o ntae munyani o sotua oing'uaa Nkai, ilo otii taata, netii apake, nelotu kenya, neing'uaa sii ltauja sapa ootii tekue lorika lenye le nkitoo,

2 Petero 2:20

Kore tanaa keilanya apa mbaa torrok e ana kop inia kata payie eyielou Laitoriani o Laitejeunoni lang Yeso Kristo, neitoki nenia baa torrok aarruach nerrek ninche, naaku kerroyo oleng netiu te siedi alang netiu apa tekue.

2 Petero 1:8

Naa kore tanaa iatata kuna pooki, nebulaa taatua ntae, naaku miakuku ltung'ana oaachal lemeiu lng'anayio laa asat supati, kake iyielouu Laitoriani lang Yeso Kristo oleng.

2 Petero 1:3

Keichoo iyioo Nkai pecheu to ngolon enye ntoki pooki nayieuni te nkichon, neichoo sii aitoki iyioo ntoki pooki nayieuni payie kitum aaturia Nkai to nkoitiei naiting'id ninye. Naa kore nkoitiei nikitumie inia, naa yielounoto e ilo oipoto iyioo te nkitoo o to ngolon enye.

2 Lkorinto 4:6

Kore Nkai natejo, <> naa ninye ake naitowong ltauja lang payie eibalie yielounoto e nkitoo e Nkai naong'u to nkomom e Kristo.

2 Petero 1:5

Naa kore tankaraki ana bae, entonyok entoponiki nkurukoto inchi lwuenet supat, niponikiki lwuenet supat yielounoto e rerei le Nkai,