2 Lkorinto 9:2 - Samburu

² Amu kayielo ajo iyieuu oleng payie iretret ninche, naa tankaraki inia payie arrep ntae tekue ltung'ana le Makedonia ajoki, <> Naa nyuata inchi nainyoyie ltung'ana kumo le Makedonia metaasa inia.

2 Lkorinto 9:2 Referans Kwoze

2 Lkorinto 8:10

Ana nduata ai tana bae! Kore te elde ari apa oichunye, naa mara ake itang'asutua aaret sinyat le Nkai, kake ntae lekue oaata yieuna niasiesie inia. Naaku entonyok naa taata endipa ilo siaai metaa kore napa yieuna niatata, nintabayaya te nkiririkinoto ee ntokitin niatata.

2 Lkorinto 8:8

Majoito taa nchere eji meata ajo miasias inia, kake kore payie alikita ntae nyuata ee lkulie naa payie atum atetema ntae asipu tanaa kedede nchaman inchi.

2 Lkorinto 8:24

Naaku entoduaa ninche nchaman inchi, payie edol nkanisani neyielou aajo kedede rrepeta nikirrepita ntae.

Lburania 10:24

Maing'urai sii nikinko payie kerretena likae o likae aaitoduaaya nchaman nikias supati.

1 Lkorinto 16:15

Iyielolo naa aajo kore Sitepanas o nkang enye, naa ninche apa ltung'ana lekue ooibelekenyete aairuk Laitoriani to nkop e Akayia, neitaitua ate tankaraki nkisiaayiare ee ltung'ana le Nkai. Kalej naa ntae lalachera o nkanachera ainien,

1 Ltesalonike 1:7

niakuku ntae nkitanyanyukoto supat taa lairukok le Yeso Kristo pooki ootii mbat e Makedonia o lootii atua mbat e Akayia.

2 Lkorinto 8:19

Namara ake inia apeny, kake ketegelutua ninye nkanisani payie eirukurukore iyioo kinapita nenia nkichoorot e reto naatipikaki iyioo nkaik maing'ura, payie eisisi Laitoriani nedoli aajo ikiyieu nikiret ninche.

2 Lkorinto 7:4

Kaitieu airorie ntae katukul, nang'idare sii ntae oleng. Kore natining'o naipirita ntae naa kaitogolo nanu naiting'id katukul, too kulo sinaitin lang pooki ootumuto iyioo.

2 Lkorinto 1:1

Kore ana palai naa nanu Paulo eing'uaa, oara te yieuna e Nkai, Lkipaaret le Yeso Kristo, ilo Aitejeunoni oanyutae apa, neing'uaa sii lalache lang Timoti. Ikiroroki nkanisa e Nkai nati Korinto o sinyat pooki ootii nkop e Akayia.

Asat 18:12

Kore era Galio larikoni kitok loo Rroman oitore nkop e Akayia, neinyuototo Lyiaudi tanaboicho aarare Paulo, neyau tekue nkiguana

Asat 24:17

<

Rroman 15:26

Amu kore ltung'ana le mbata e Makedonia o Akayia naa ketachamaitie aaitai sotua o lolo aisinak sinyat otii Yerusalem.

2 Lkorinto 7:14

Katerrepa apa ntae tekue Tito, neitu kintamtam nkop. Kake kore ana nikitilikita chiaake ntae sipata, naaku kore inia rrepet naipirita ntae nikitilikita Tito naa ketaa kedede.