2 Lkorinto 7:3 - Samburu

³ Majoito taa ana adung'oki ntae nkiguana amu katejo apake tekue nchere, irara ltung'ana le tipat oleng tee iyioo metaa ikiwueni tenebo kinchu nikinang nebo.

2 Lkorinto 7:3 Referans Kwoze

1 Ltesalonike 2:8

nejia sii etiu nchaman kitok nikitachama ntae, metaa mara ake Lomon Supati le Nkai aapeny kiyieu nikincho ntae, kake abaki ltauja lang, amu itaa le tipat oleng.

2 Lkorinto 13:10

Kore payie aigero kuna baa ewuon alakuaniki ntae, naa payie eaku mapi tanatum ntae, amu kore nkitoria naaichoo Laitoriani naa payie aitubulunyie ntae namara payie aarie ntae.

2 Lkorinto 12:15

Kaichooyo ntokitin pooki naata tankaraki ntae te ng'ida, nanang ntae. Amaa, keaku nchaman inchi kini ta nanu tankaraki nacham nanu ntae oleng?

2 Lkorinto 11:11

Aanyo payie mayieu reto inchi? Aa ijoijo macham ntae? Keyielo Nkai ajo kacham ntae!

2 Lkorinto 7:12

Naaku kore abaki inia palai naigero, mara tankaraki ilo oitarroyie tanaa ilo oitarrokaki, kake kaigero payie itumtum aatisipu tekue Nkai aajo itijing'aitie iyioo katukul.

2 Lkorinto 3:2

Ikiparru ntae taatua ltauja lang oleng, naa ntae mpalai ang naning'u neisom pooki ng'ae.

Lpilipi 1:7

Keichiaakino sii tanaparraa ntae aiko inji tankaraki nikichamcham oleng. Kore abaki tanaa jila atii tanaa ang'orito Lomon Supati tanaa aitodoluta sipata e lolo Omon, itang'ara ana munyani e Nkai tenebo o nanu.