2 Lkorinto 3:7 - Samburu

⁷ Kore lning'o musana naa keata apa nkitanapat naaisiayieki Nkai, naaigeroki too soito dapachi. Kore payie eichoruni neibalunye apa nkitoo e Nkai, abaki eirokicharita wong'an e inia kitoo to nkomom e Musa, kake kepi apa oleng ana metaa meidim ltung'ana le Isirael aatukurraki ninye nkonyek. Amaa pasa tanaa nejia ewua wong'an e nkitoo e inia kisiaayiere nayau lkiye,

2 Lkorinto 3:7 Referans Kwoze

1 Lkorinto 13:10

Kake kore teneibalunyieki mbaa pooki e Nkai, naaku meng'or aitoki yielounoto o naibon ang.

Rroman 10:4

Amu Kristo nkiting'oto ee nkitanapat, paa kore pooki ng'ae oiruk neikeni aajo loosipat.

2 Lkorinto 3:6

Keidimie ninye iyioo mataa laisiaayiak lo lning'o ng'ejuk, lemeirichakino nkitanapat naaigero kake Ltau Sinyati eirichakino. Amu kore nenia kitanapat naigero naa lkiye eyau, kake Ltau Sinyati oicharu nkichui ng'ejuk.

2 Lkorinto 3:3

Keibala nchere irara ntae mpalai naing'uaa Kristo. Kore payie eigeri inia palai aaimunyie nkisiayiare ang, naa eitu eigerieki lkalamu kake ltau le Nkai naichu eigerieki, namara too soito dapachi eigero kake taa ltauja loo tung'ana.

Rroman 4:15

Amu kore nayau nkitanapat naa ngoro e Nkai, kake kore nemetii nkitanapat naa meitoki egili.

Rroman 7:10

nakurru ajo kore inia kitanapata nayiere naayaki nkichui, ninye naayaka lkiye.

Asat 6:15

Kore lolo pooki oowueni taatua inia kiguana, nekurraki nkonyek Sitepano, nedol nkomom enye etuwuana ne lmalaika.

Rroman 7:22

Amu kang'idakino nanu taatua ltau lai nkitanapat e Nkai,

Lburania 9:4

Inie etii lperere la lasar le saabu opejieki ntokitin naarropil o sanduku lo lning'o le Nkai oimulumularita ꞉saabu. Kore atua ilo sanduku netii moti e ndaa naing'uaa chumata naji mana, o sobua e Aron natubulakita ntilita, o soito oare dapachi lo lning'o.

Rroman 5:20

Kake keotuo nkitanapat payie eponunye ng'oki. Naa kore inie neakunyie ng'oki kitok, neborei munyani alang ng'ok,

Rroman 7:5

Kore apa ewuon eitore iyioo mpukunoto torno e ltung'ani, neinyoyie ꞉nkitanapat ng'uarrat torrok metaasicho taatua rubat ang, aaiu lkiye.

2 Lkorinto 3:8

kebaa sa wong'an e nkitoo e nkisiayiare e Ltau Sinyati!

Lgalatia 3:10

Amu kore lolo pooki oisilig asat ee nkitanapat, ketii taabori ldeket, amu keigero ajo, <>

Lgalatia 3:21

Amaa, keibooyo ꞉nkitanapat lekutukie le Nkai? Meibooyo katukul! Amu tanaa keichoruaki apa nkitanapat naaidim aaichoru nkichui, anata duo eikenakaki ltung'ana sipat tankaraki naibung'a nkitanapat.

Lburania 3:3

Kake ketoduaaki nchere kore Yeso, naa keiririkino nkanyit kitok alang Musa, ana ake payie eiririkino lachetani le nkaji nkanyit kitok alang inia aji natecheta.

Lburania 12:18

Eitu ipuonunu neti ldonyuo, anaa ng'oji neiyupuyup nkima, anaa ng'oji neti nkidis namismis, anaa neti naimin narok, neitu ipuonunu neti lkutati sapuk ana neikuna ltung'ana loo Isirael to ldonyuo le Sinai.