2 Lkorinto 13:3 - Samburu

³ Mapal naa ntae tankaraki iyieuu sipsip nchere, keiro Kristo taatua nanu. Mechal Kristo teneoch tanaa teneret ntae, kake keata ngolon taatua ntae

2 Lkorinto 13:3 Referans Kwoze

Matayo 10:20

Amu mara ntae ooiro, kake Ltau le Papa linchi oiro taatua ntae.

2 Lkorinto 12:12

Kataasa siaai lai pooki te ng'iriata taatua ntae, naa kore mbaa naaitodolu aajo kara lkipaaret odede le Yeso, naa mbaa naataasa Nkai taatua ntae. Ketaasa mbaa naaing'asicho o naaitodolu ngolon enye.

Luka 21:15

Amu kaicho nanu ntae rerei liwolielie o ng'eno, paa meata abaki lobo loo lolo oarare ntae oidim aibooi ntae, tanaa oitooliki ntae.

2 Lkorinto 10:4

Kore masaa ang nikinyayie larrabal naa mara masaa ee ltung'ana, kake keata ngolon ta Nkai nikindakie neogol ee lmang'ati le Nkai. Nikindakie mparrunot e sapare,

2 Lkorinto 2:10

Kore pooki ng'ae lipalikiki ntorrok naataasa naa katapalika sii nanu. Amu kore inia natapalika tanaa keatae sa ntoki nayiari napaliki, natapalika tekue Kristo tankaraki ntae,

2 Lkorinto 2:6

Kore inia wochoto natang'amaitiei lkumo linchi aajo keichiaakino payie etum ilo tung'ani, neitemeito ninye aaiko nejia, naa keitiemu ninye inia.

1 Lkorinto 7:40

Naa kore to nduaata ai, keng'ida ninye teneitu eitokini aayem. Naa kajo sii nanu Ltau Sinyati le Nkai laatutayie matejo kuna baa.

2 Lkorinto 9:8

Naa keidim Nkai aichoo ntae munyani pooki nalang inia niyieuu, paa kore taa mbaa pooki nkata pooki, naaku iatata inia naitiemu ntae katukul, niatata nalekunye nindimdim aataasie siaai pooki supat.

2 Lkorinto 10:1

Kejo lkulikae linchi, <> Kaomon naa nanu ꞉Paulo ntae to mborron o to supaticho e Kristo,