2 Lkorinto 13:2 - Samburu

² Kore apa payie aisabaki ntae nkata e are, katilika lolo oaasita ng'ok ana apake naasita tekue o ntae lkulikae pooki, naitoki taata aigil ajoki ntae abaki matii nanu inie makoon, nchere kore tanaitoki alotu nitii naa mapal ntae.

2 Lkorinto 13:2 Referans Kwoze

2 Lkorinto 1:23

Kaitache tekue Nkai payie elimu ninye sipata naaipirita, naa tanaa medede ana, neya nkichui ai. Kore payie eitu achukunyie Korinto naa tankaraki namayieu naitanyamal aitoki ntae.

2 Lkorinto 13:10

Kore payie aigero kuna baa ewuon alakuaniki ntae, naa payie eaku mapi tanatum ntae, amu kore nkitoria naaichoo Laitoriani naa payie aitubulunyie ntae namara payie aarie ntae.

1 Lkorinto 5:5

enchoo ele tung'ani Chitani meitiemio sesen lenye payie eitejeuni ltau lenye ta mparri e Laitoriani.

2 Lkorinto 12:14

Kore naa taata, katerretene payie alotu aisabaki ntae nkata e uni. Namaaku nkirochi taa ntae, amu kore nayieu naa mara ntokitin inchi kake ntae. Kore chiaake naa mara nkera eyiere payie eitengelaki ntoiwuo ntokitin, kake ntoiwuo eyiere neitengelaki nkera enche.