2 Lkorinto 12:2 - Samburu

² Kore apa larin tomon o oong'uan ooima, netii ltung'ani obo le Kristo otowuapayie ꞉Nkai aya nkop e ng'ida. Mayielo tanaa ketarrapuaki apa aaya eata sesen lenye tanaa keikonyi atuwuana keidetdet.

2 Lkorinto 12:2 Referans Kwoze

Asat 22:17

<

Mbolunoto 4:2

Kore ake te inia kata etuwuana kaidetidetita to ngolon e Ltau Sinyati, naa ng'ura, nadol lorika le nkitoo owuenitae etii chumata.

1 Ltesalonike 4:17

Kore ake tesiedi inia, kore iyioo ooichu ootung'ayieki, newuapari aailiepie tenebo o ninche taatua nkidisin, payie kinang'are Laitoriani to loing'ang'e, naaku ikiboitiere Laitoriani ntarasi.

2 Lkorinto 11:11

Aanyo payie mayieu reto inchi? Aa ijoijo macham ntae? Keyielo Nkai ajo kacham ntae!

Mbolunoto 12:5

Neiu inia tomononi layieni, ilo laa ninye olo aitore ltung'ana pooki le nkop te nkitoria nagol. Newuapari inia kerai aitung'aa meu, neyae neti Nkai o netii lorika lenye le nkitoo.

Lburania 9:24

Amu eitu ejing Kristo Ng'oji Sinyati aisul pooki naitibira nkaik ee ltung'ana, inia nara ake nkitanyanyukoto e inia nadede, kake ketijing'a ninye chumata, payie etum taata achomo tekue Nkai eliki ninye mbaa ang.

Epeso 4:10

Kore ilo laa ninye otodoyie alo lodo le nkop, naa ninye ake aitoki oiliepa arepaa keper e keper pooki, payie etum ninye ataa meata nemetii.

Lgalatia 5:6

Amu kore tanaa ira le Kristo Yeso, meata tipat kitumurataki anaa eitu. Kore ntoki naata tipat naa inia kurukoto nikindimie tachama lkulie.

Lgalatia 1:22

Kake kore nkanisani e Kristo natii Yudea, naa maayielo nanu to nkomom.

2 Lkorinto 5:17

Naaku kore tenetii ltung'ani atua Kristo, netaa ntoki ng'ejuk, echomo napa musana, nelotu ng'ejuk.

Rroman 16:7

nirorokiki ltung'ana lo lorere lai, Andironika o Yunias o lolo ooteenaki tenebo o nanu, nera sii ltung'ana oaayanyiti taatua Lkipaareta, naa ketii apa ninche atua Kristo tekue nanu,

Rroman 8:1

Naaku kore taata, merekure eatae nkiguana torno too lolo otii atua Kristo Yeso.

Asat 14:6

Kake kore payie eyielou inia, neisig aaya ltauja lenche, nepuo lkerenket le Lisitira o Derbe o nkopi naamanita inie, naatii mbata e Likaonia,

Yoana 6:56

Kore ꞉pooki ng'ae oanya sesen lai, nemat lodo lai, naa kewuon taatua nanu, nawuon sii nanu taatua ninye.

Luka 24:51

Naa kore emayianita ninche, neorere, neiliepieki aaya chumata.

Mbolunoto 1:10

Kore ta mparri nabo e Jumapili, netuwuana kaidetidetita to ngolon e Ltau Sinyati, naning tesiedi nanu ltoilo otuwuana le mowuo.

2 Lkorinto 13:5

Entisipu ate tanaa itii atua nkurukoto nadede. Entetem ate! Amaa, miyielolo aajo keti Yeso Kristo atua ntae? Tanaa miyielolo, naaku eitu iimiim inia temata.

2 Lkorinto 5:21

Amu kore ilo leitu eas ng'oki, neitaa ꞉Nkai lasar lo ng'ok ang, paa kore aimu ninye nikiaku iyioo loosipat tekue Nkai.

1 Lkorinto 1:30

Tankaraki Nkai payie itii atua Laitejeunoni Yeso, neitaa ninye ng'eno aang. Amu kore te inia nataa Yeso, nikitum iyioo sotua oipida o Nkai, nikiaku ltung'ana lenyena sinyat oaatalakuaki,

Rroman 16:3

Eroroki Pirisila o Akuila naasita siaai le Kristo Yeso tenebo o nanu.

Rroman 16:9

nirorokiki Urbano naasita siaai le Kristo tenebo o iyioo, nirorokiki sii sotua lai lacham oji Sitakisi,

Rroman 16:10

nirorokiki Apeles ilo oatasaanaki nechamari taatua Kristo, nirorokiki lolo le nkaji e Arisitobulo,

Lburania 4:14

Naaku kore amu ikiata Laitainoni kitok la lasar oiliepa aim keper ajing chumata, Yeso Kristo Nkerai e Nkai, maibung'a naa aitirrichaki inia kurukoto nikilimu aajo ikiata.