2 Lkorinto 11:2 - Samburu

² Ituwuanana ntae ana ntito naichooyieki meyema lpayian obo, naa kore ilo payian naa Kristo. Naaku, mayieu hoo ltung'ani olotu aitopong'oo ntae, amu Nkai naatipika lom, matolomo ntae payie mindapachariri ake aaing'uaa ilo payian oichooki ntae, kake payie ichamcham ninye apeny.

2 Lkorinto 11:2 Referans Kwoze

Yoana 3:29

Kore loyemicho naa ꞉ilo orikito nkaibartani, kake kore lchapukerra naa keitache ainining'icho, neng'ida tenening ltoilo lo loyemicho. Naa nejia etiu ng'ida ai, naa ketoboreyia.

Lkolosae 1:28

Ninye kilikoo, kintaarriyian nikinteng'en ltung'ani pooki te ng'eno pooki payie kintaa ltung'ani pooki metaa ltung'ani lemeata ntioto tekue Nkai taatua Kristo.

Lpilipi 1:8

Keyielo Nkai ajo kedede tanajo kacham ntae oleng te inia chaman e Yeso Kristo, nayieu nadol ntae.

Rroman 7:4

Lalachera o nkanachera, nejia sii itiuu ntae. Kore ta mbata ee nkitanapat, naa ituata eitutumokaki ntae sesen le Kristo, payie eaku merekure irara loo nkitanapat kake itaa le likae, le ilo otipiwua taatua lootuata payie kitum aaiting'ida Nkai.

2 Lkorinto 4:14

Ikiyielo aajo kore Nkai naitipiwua Laitoriani Yeso aitung'aa lootuata, keitipiu sii ninye iyioo kitii atua Yeso neyau iyioo inie netii ninye tenebo o ntae.

1 Lkorinto 4:15

Amu kore abaki duaake tiniatata laiteng'enak 10,000 taatua Kristo, meatae lotiiwua ntae taatua Kristo Yeso, kake nanu otiiwua ntae taatua ninye payie aliki apa ntae Lomon Supati.

Lgalatia 4:11

Kaurie ajo, katonyua aisiaai ntae pecheu.

1 Ltesalonike 2:11

Kore aitoki ana niyielolo, meatae lobo linchi leitu kimbung ana neiko menye teneibung nkera enyena.

Mbolunoto 14:4

Kore ninche naa ltung'ana leitu eitarruoo ate aasai nkulie aitok, kake keirukurukore Lkuo leker ng'oji pooki nechomo. Keinyieng'uaki ninche taatua ltung'ana, ana ltung'ana lekue oichori Nkai o Lkuo leker.