2 Lkorinto 10:4 - Samburu

⁴ Kore masaa ang nikinyayie larrabal naa mara masaa ee ltung'ana, kake keata ngolon ta Nkai nikindakie neogol ee lmang'ati le Nkai. Nikindakie mparrunot e sapare,

2 Lkorinto 10:4 Referans Kwoze

2 Lkorinto 6:7

Nikilikoo Lomon le Nkai oodede to ngolon enye, kimbung'uta lalem o long'o e sipata e Nkai, era masaa ang nikinyayie larrabal.

1 Lkorinto 2:5

payie meaku ng'eno ee ltung'ana eitacheyie nkurukoto inchi, kake ngolon e Nkai.

1 Timoti 1:18

Kaaichoo naa iyie Timoti nkerai ai ana kitaarriyiana te risioroto ee rereii le naibon likimpirita iyie, paa kore iparraa ninche, nindim atama ilo arrabal supat loo Lomon Supati,

Rroman 13:12

Echomo nkuarie anyikaa netaa keikenyu, matuburkuchu naa asat e naimin, nikinchop masaa e wong'an.

1 Ltesalonike 5:8

Kake kore amu ikira le mparkiji, mataa loaaparricho aaitibiraki! Maichopo naa nkurukoto o nchaman ana nchuret e lgoo, nikinchop sii siligi le njeunoto ana nkopiyia e senkei.

2 Lkorinto 4:7

Ltung'ana ake oaachal kira iyioo ootuwuana motioo ee nkulupo, kake keichooki iyioo ana toki e tipat, payie eibalai ajo kore ana golon nemeitoki eitinyunyukieki naa Nkai eing'uaa mara iyioo.

Rroman 6:13

Niminchocho sii rubat ee seseni linchi eaku masaa niasiesie ng'ok, eji paa too ntorrok easichereki. Kake kore naa ntae ootuata netumo nkichui, eitai ate aisiaai Nkai, ninchocho rubat inchi eaku masaa naasichereki too sipat.

2 Lkorinto 3:5

Mikindim hoo aataparrai nikinko tinikias ele siaai eji atuwuana nkidimata ang kiasie, kake kore nkidimata ang naa Nkai eing'uaa.

Lburania 11:30

To nkurukoto apa etuurori sunta e lkerenket le Yeriko, payie eman ltung'ana loo Isirael aaigilu mperot sapa ana natiaka ꞉Nkai.

2 Timoti 2:3

Naa tama sina tenebo o nanu ana sikarii supat le Kristo Yeso.

Asat 7:22

Neiteng'eni Musa taatua ng'eno pooki ee Lmisiri neaku jartan to nkuroroto neatakanu taa asat.

2 Lkorinto 13:10

Kore payie aigero kuna baa ewuon alakuaniki ntae, naa payie eaku mapi tanatum ntae, amu kore nkitoria naaichoo Laitoriani naa payie aitubulunyie ntae namara payie aarie ntae.

1 Lkorinto 9:7

Itining'o aikata sikarii olak koon teneas siaai loo sikarini? Keatae ltung'ani oun lchampa, nemenya lng'anayio le ilo champa lenye? Anaa keatae ltung'ani oaramat ntare, nememat kule enche?

2 Lkorinto 10:8

Kore abaki tanaa kaikonyi aaikarrie nkitoria naichoo iyioo Laitoriani maitubulunyie ntae namara nikiarie ntae, madol hoo anyit.