1 Lacham lainien, emiiruk ltau pooki, kake entisipu ltauja payie iyielouu tanaa Nkai eing'uaa, amu ketijing'a nkop ꞉loibonok kumo le sapare.
kake entetem ntoki pooki, nintirrichakiki aaibung inia supat.
Kake keatae apake loibonok le sapare taatua ltung'ana le Isirael, ana napuonu sii laiteng'enak le sapare atua ntae kenya. Kore lolo tung'ana naa keyaki ntae nkiteng'ena e sapare nayau mutai, neany abaki ilo Aitoriani oinyieng'ua ninche, neyaki ate mutai nairrachu ninche asioki.
Keibalunyie ꞉Ltau Sinyati aipidaki nchere kore taa ng'amat e siedi naa keing'uaa lbata nkurukoto, neirukurukore ltauja oaasapicho o nkiteng'ena ee lairiruani.
Amu ketijing'a lasapak kumo nkop lemeibalunyie aajo kore Yeso Kristo naa keyewuo era ltung'ani katukul oata sesen. Kore ilo naa lasapani nera loiba Kristo.
Enchoo loibonok le Nkai oare anaa okuni ooichooki lkilikuai oing'uaa Nkai eibonicho, kore lkulie tung'ana pooki nesipu nejoitoi.
Nakera, etaa nkata e nkiting'oto ana, naa kore ana nitining'o aajo kore ilo oiba Kristo naa kelotuta, eidipa naa taata lkumo ooiba Kristo aaotu. Naa ana oitiei kiteyielounyie aajo ketaa nkata e nkiting'oto.
<
Nejoki ninche, <, naa, Emirukurukore ninche!
kake kore ltung'ana torrok o lasapak naa kepuo ake kue aarroyo oleng, esapicho, nesapi sii ninche.
Neicho likae nkidimata naasie ne nking'asia, kore likae neicho nkichooroto e naibon, neicho likae nkidimata naorie Ltau Sinyati o lairiruani, neicho likae nkidimata nairorie too nkulie kutukie naaidimie ninye, neicho likae nkidimata nalimunyie nejo nenia kutukie.
Kayielo ajo kore payie alo aing'uaa ntae, naa kejing'u suyiani oonyecho atua ntae, lemepal inia boo.
Naa kore kenya inia kata tinikijoki ꞉ltung'ani, anaa emiiruk inia.
Naa kore apa Lyiaudi le Berea naa ltung'ana ooning'u mbaa aalang le Tesalonike, netang'amaitie rerei le Nkai te yieunoto kitok, eing'uraa Lkigerot Sinyat mparri pooki, payie eyielou tanaa kedede inia najoito Paulo.
Emimen naibon e Nkai,
payie minchocho meigusugusie ntae mparrunot tanaa eituria ntae mbae najo etabawua inia parri e Laitoriani, eji atuwuana iyioo eing'uaa, pee era te ltau, tanaa te rerei, tanaa ta mpalai.
Lacham lainien, mara nkitanapata ng'ejuk aigerokita ntae, kake musana niatata apake ta ng'asunoto. Kore inia kitanapata musana naa ilo rerei lindipa aatining.
Lacham lai, miduaaya ntokitin torrok kake toduai supati. Kore ilo oas supati naa le Nkai naa kore ilo oas ntorrok naa eitu eyielou ꞉ninye Nkai.