1 Yoana 1:8 - Samburu

⁸ Kore tinikijo mikiata ng'ok, naa ate kisapita nemeti ndedei atua iyioo.

1 Yoana 1:8 Referans Kwoze

Rroman 3:23

Amu etaasa pooki ng'ok, nelau nkitoo e Nkai,

Yakobo 3:2

Amu kore tee iyioo pooki, ikias ake mbaa kumo naapong'o. Kake kore ilo lemeitopong tee rereii oojo, naa keisula neidim sii airrita koon too nkulie oito pooki.

1 Yoana 2:4

Kore pooki ng'ae ojo, <> nemeibung nkitanapat enyena naa kesapicho, nemeti ndedei atua ninye.

1 Yoana 1:10

Kore tinikijo eitu kias ng'ok, nikintaa ninye losapicho, naaku meti rerei lenye atua iyioo.

Lgalatia 6:3

Naa kore tenedol ltung'ani koon ajo kera toki, nemeitoki era, naaku koon esapita.

Yakobo 1:26

Kore tenejo ltung'ani kera ltung'ani oyielo Nkai, kake nemeirrita lng'ejep lenye, koon ake esapita naa kore inia najo keyielo Nkai naaku ake pecheu.

1 Timoti 6:5

o nchankar nemeichunye naing'uaa ltung'ana oaatarroitie nkuechi nemokure eata ndedei. Kejo ninche kore tiniyanyit Nkai naa nkoitiei naduporeki.

1 Lkorinto 3:18

Emisap ate! Kore tenetii lobo linchi ojo keing'en tana kop, oi eng'as aaku lmadai payie etum ng'eno nadede.

2 Yoana 1:2

nikicham ninche tankaraki ndedei nawuon taatua iyioo, netii tenebo o iyioo ntarasi.

1 Yoana 1:6

Kore tinikijo ikiata nchula o ninye nikipuoito taatua naimin, naa ikisapicho nimikiasichere ndedei te nkichon ang.

Yakobo 1:22

Naa entaa loaas ana nejo rerei le Nkai, namara ake looning apeny rerei, amu isapsap ate tiniasias inia.

2 Timoti 3:13

kake kore ltung'ana torrok o lasapak naa kepuo ake kue aarroyo oleng, esapicho, nesapi sii ninche.

3 Yoana 1:3

Naa kating'ide oleng payie eyau lkulie alachera lkilikuai ejo ira ltung'ani oning ndedei o ninkunari taatua ndedei.

2 Petero 2:13

Kore mion natum ninche naa inia nalaaki ꞉Nkai ninche tankaraki ntorno nataasa. Kecham ninche aataas mbaa naaiting'id seseni lenche eitache ndama. Kore tininyanya ndaa tenebo, nepik ntae rachat torrok, neitam ntae anyit eiting'id ate taa saparia enche.

Yoana 8:44

Kore ntae naa irara nkera e papa linchi Chitani, niyieuu niasias mbaa naang'uar ninye ataasa. Kore ninye naa larani apake ta ng'asunoto oar ltung'ana metuata, nemeitache ta mbata e ndedei, amu metii ndedei atua ninye. Kore payie esapicho ninye naaku mbaa naatiu te ninye eiro, amu lasapani ninye nera aitoki menye saparia.

Rroman 3:10

ana nejo Lkigerot, <

1 Yoana 4:20

Naa kore tenejo ltung'ani, <> neiba lalache lenye, naa losapicho. Amu kore pooki lemecham lalache lenye otoduaa, meidim atachama Nkai neitu edol.