1 Timoti 6:18 - Samburu

¹⁸ Ntanapa ninche metaasa supati, neparakuonu taa asat supati, neaku looleng neng'arichere lkulie.

1 Timoti 6:18 Referans Kwoze

Lburania 13:16

Mirikino ias supati tanaa ing'arichiere lkulie, amu kore asat naijo nenia naa lasar oiting'id Nkai.

1 Yoana 3:17

Amaa, tanaa keata ltung'ani ntokitin e ana kop naaichiwue, nemeing'urrie aicho lalache lenye oata sina, kaji eiko nchaman e Nkai tenetii atua ninye?

Rroman 12:8

Kore ilo oitogol lkulie, nchoo eitogol te inia kichooroto enye, naa kore ilo oichooyo, nchoo eichooyo ta ltau supat, kore ilo oitacheki lkulie ta nkanisa, nchoo eitacheki to nyuata, kore ilo oing'er, nchoo eing'er te ng'ida.

Tito 3:8

Keisiligai kulo omon, naa kaaitaarriyian payie ilikoo te mpijan, paa kore ꞉lolo ooiruko Nkai, nenyok aas supati. Kore kuna baa naa keisupati too ltung'ana neret ninche.

Tito 2:14

Keichorua koon anang iyioo payie elaku iyioo too ntorrok ang, neituk iyioo payie kiaku ltung'ana lenyena le tipat oonyok aas mbaa supati.

Luka 12:21

Naa nejia etiu ltung'ani oiteng'elaki koon ntokitin kake mara ninye parakuoni ta mbata e Nkai.>>

Lgalatia 6:10

Naaku kore ewuon kiata nkata, mataasaki ltung'ana pooki mbaa supati, nelusoo lolo likira nabo to nkurukoto.

Rroman 12:13

Entang'ar ntoki niatata o lolo sinyat lemeitoki eata, niakuku looitoomon lomon taa nkajijik inchi,

1 Timoti 5:10

Netisipuaki aajo ketaasa mbaa supati: keitubulua nkera enyena aitibiraki, neitoomono lomon ta nkang enye, neituko nkejek ee sinyat le Nkai, netereto lolo oaata sina, netonyuaa aas ntoki pooki supat.

2 Lkorinto 8:9

Amu iyielolo ntae munyani e Laitoriani lang Yeso Kristo, laa kore abaki era parakuoni netaa laisinani tankaraki ntae, paa kore aimu sina lenye neitaa ntae parakuo.

2 Lkorinto 8:12

Kore tanaa keichooyo ltung'ani ta ltau supat, naaku keng'amaroi inia kichooroto enye teneitai te nkiririkinoto e inia naata, namara te nkiririkinoto e inia nemeata.

1 Lkorinto 16:2

Kore ta mparri e Jumapili, kayieu neiwuang'ie ltung'ani pooki aiteng'el nkuti ropiyiani te risioroto ee ropiyiani naatang'amayie, paa kore tanabau naaku indipa aaiturrurru nenia ropiyiani.

3 Yoana 1:11

Lacham lai, miduaaya ntokitin torrok kake toduai supati. Kore ilo oas supati naa le Nkai naa kore ilo oas ntorrok naa eitu eyielou ꞉ninye Nkai.

Yakobo 2:5

Eng'ura ja lalachera o nkanachera ainien nacham! Amaa, mara ketegelua ꞉Nkai laisinak tana kop metaa lparakuo to nkurukoto, neaku lootum nkitoria enye naitayia Nkai lekutuk ajo keicho lolo oaacham ninye?

Asat 9:36

Kore apa te Yopa naa keatae nabo e naaiteng'eni naji Tabita, naa kore ana arna to nkutuk ee Lgirriki naa keji Dorkas. Ketaasa apa ninye asat kumo supati, neret loomena nkata pooki.

1 Petero 3:11

Keyiere payie meitoki aas ntorrok, kake payie eas supati, neyiaya seriani, nenyok aing'oru.

Asat 11:29

Nechamaa looiteng'eni aajo kerewaki lalachera o nkanachera enche naatii Yudea reto, nemeata tee ninche lemeitai te nkidimata enye.

Asat 10:38

Kore ana likoroto nitining'o naa keipirita Yeso le Nasaret, neikuna Nkai payie egelu ninye to ngolon e Ltau Sinyati. Ketamanayie apa ninye aas mbaa supati, neichiunyie lolo pooki ooitoria ꞉Chitani, amu ketii Nkai tenebo o ninye.

Matayo 5:42

Kore likiomon, nchoo, nimirriny sii ꞉ilo likiyieu nikisilen.

Luka 3:11

Newoliki ajoki, <>

Epeso 4:28

Nchoo metaa meitoki ilo opurruchio apurrucho, kake nchoo eisiaaicho taa nkaik enyena, aas siaai supat payie etum atang'arie ilo otong'orika.