1 Timoti 6:17 - Samburu

¹⁷ Kore lolo parakuo taata tana kop, ntanapa payie meimer tanaa epik siligi lenche parakuoicho naaiting, kake payie epik siligi Nkai, naichoo iyioo ntoki pooki aitiemu te leng'on payie king'idakino.

1 Timoti 6:17 Referans Kwoze

Asat 14:17

kake keitodolua ake koon nkata pooki easita mbaa supati. Keichoo ntae nchan naing'uaa keper, neiteleng larin neitiemu ntae ta ndaa, neiput ntae ng'ida ltauja.>>

1 Timoti 4:10

Kore tankaraki inia, ikiasita siaai to nyuata o te nkinyinyiret, amu Nkai naichu etii siligi lang, laa ninye Laitejeunoni loo ltung'ana pooki, neisul too ꞉lolo ooiruk ninye.

Matayo 19:23

Nejoki ꞉Yeso looiteng'eni lenyena, <

Tito 2:12

Naa keiteng'enita iyioo inia munyani matany mbaa nemetii uriata e Nkai o ng'uarrat e nkop, payie kibik kitem mbaa, nikiwueni te sipata nikiurie Nkai tana kop,

Lkolosae 3:16

Enchoo rerei le Kristo metowuana taatua ntae te garsisicho, inteng'enana, niutaroro taatua ng'eno pooki, niranyrany sinkoliotin le Nkai o le nkisisa o looing'uaa ꞉Ltau Sinyati, aaranyaki Nkai iatata nache.

Luka 19:2

Netii apa ltung'ani oji nkarna Sakayo. Kore ninye naa lkitok laa laitalakunok le kodi, nera sii parakuoni.

Rroman 11:20

Kedede inia, keteng'eruaki ninche tankaraki nemeata nkurukoto, naa irubakino iyie tiniwuon taatua nkurukoto. Minkar, kake tuureicho!

2 Timoti 4:10

Amu kore Demas, naa kaatung'ayie alo lkerenket le Tesalonike, tankaraki nacham mbaa e nkop. Nechomo Keresekenes nkop ee Lgalatia, nelo Tito nee Dalmatia.

1 Timoti 6:13

Kore tekue Nkai naichoo ntokitin pooki nkichui o tekue Kristo Yeso oitayia limunoto supat tekue Pontio Pilato, kaaitanap iyie

1 Timoti 1:3

Kaareki ajoki iyie payie ibik te lkerenket le Epeso, ana naatiaka apake aloito Makedonia, payie intanap lbata loo tung'ana teinie pee meiteng'enicho nkiteng'ena e sapare,

1 Ltesalonike 1:9

Amu kore lolo tung'ana, naa keimakita ninkuna payie ing'amaa iyioo o ninkuna tinimbelekenyakinono Nkai, ning'uaa nkaitok e sapare, payie itumtum aaisiaayia inia Ai naichu nedede,

Epeso 5:5

Enteyielo katukul nchere, meatae hoo ltung'ani ololoito anaa loas nkulie boita e sesen torrok tanaa loas mbaa e anyit tanaa ltung'ani olibo, otum mpaach te nkitoria nara ne Kristo nera ne Nkai. Kore ltung'ani olibo, naa laisiaayiani laa nkaitok e sapare.

Asat 17:25

Nemeitaki ꞉nkaik ee ltung'ana ninye toki eji atuwuana keata ntoki nemeata, amu ninye naicho pooki ng'ae nkichon o nkiyeng'et o ntokitin pooki.

Asat 14:27

Kore payie ebaki ninche inie, neiturrurru nkanisa pooki tenebo, neliki ntoki pooki naitaasa ninche ꞉Nkai, neliki aajoki, ketoboloka ꞉ninye lkulie oreren nkoitiei payie etum aairuko laitoriani.

Marko 10:24

Neing'asia looiteng'eni lenyena too lolo rereii lenyena. Kake nejoki ꞉Yeso aitoki ninche, <

Matayo 27:57

Kore payie emutu nelotu ltung'ani garsis oing'uaa Arimataya, oji Yosep, oataa apa loiteng'eni le Yeso.

Matayo 6:32

Amu kore nenia pooki, naa keirrana loreren lemeyielo Nkai aayiaya. Kake keyielo ꞉Papa linchi le chumata ajo, iyieu ntae nenia pooki.

Tito 3:6

ilo oichoo iyioo Nkai te leng'on kitok aimu Yeso Kristo, Laitejeunoni lang.

1 Timoti 5:21

Kaaitanap iyie katukul tekue Nkai o Kristo Yeso o lmalaikani oogeluno, payie iimbung kuna kitanapat, nimidung mbae nimisip, nimiata ngela.

1 Timoti 3:15

Kake kore tanaimalmala, niyielou te inia kitaarriyiana neiko ltung'ana tenewueni ta nkaji e Nkai. Ninye naa nkanisa e Nkai naichu, lng'ope o nkitamanyunoto e ndedei.

Matayo 12:32

Kore pooki ng'ae oiro rerei torno te Nkerai e Ltung'ani naa kepalikini, kake kore pooki ng'ae oiro rerei torno ta Ltau Sinyati, naa mepalikini tana ng'amata anaa ta ng'amata nalotu kenya.

Luka 3:11

Newoliki ajoki, <>

1 Timoti 6:9

Naa kore lolo tung'ana oong'uar payie eaku parakuo, naa kedoki atua ntemat o rruachet ee ng'uarrat kumo e madai naaricho, naayaki ninche lkiye o mutai.

2 Petero 1:11

Amu teinia oitiei eicho ntae ꞉Nkai entijing nkitoria nemeiting e Laitoriani o Laitejeunoni lang Yeso Kristo pecheu.

Matayo 25:16

Kore ilo oichooki lbenia imiet, nelo nabokata aasichere payie etumie dikir. Kore laaduo imiet, neponikino lkulie imiet te keper.