1 Timoti 3:16 - Samburu

¹⁶ Keng'amaa pooki ng'ae nchere kore neiko ꞉ltung'ani teneyanyit Nkai naa keisudoro, nera netipat oleng: /keibalunyieki ninye era ltung'ani, neibalunyie ꞉Ltau Sinyati ajo loosipat, nedol ꞉lmalaikani. Nelikori taatua loreren, neiruki to nkop, neiliepieki aaya nkitoo e chumata.

1 Timoti 3:16 Referans Kwoze

Yoana 1:14

Neaku ilo Rerei ltung'ani nemany atua iyioo. Nikidol nkitoo enye, inia kitoo natum ake ꞉nkerai nabo inoti ta Papa lenye. Naa kebore ninye munyani o ndedei.

Lburania 1:3

Kore Nkerai e Nkai naa ninye naitelioo nkitoo e Nkai, netiu to mpukunoto enye ana ake netiu Nkai, naa ninye oibung'uta ntokitin pooki to ngolon kitok e rerei lenye. Kore payie eidip aitibira nkoitiei naitukorieki ltung'ana ng'ok, newuon ta nkaina e tetene e ilo Ooisul pooki.

Marko 16:19

Kore pee eidip Laitoriani Yeso airorie ninche, neyai aailiepie chumata. Newuon ta mbata e tetene e Nkai.

Rroman 16:25

Meeichori inia Ai ake nabo ng'en naidim aichoo ntae ngolon, nkisisa te Yeso Kristo! Keidim ninye aitogolo ntae ana neiteng'en ntae likoroto ai ee Lomon Supati, inia likoroto naipirita Kristo Yeso, ndedei nemeidimai payie eyielouni kake neibalunyieki taata. Keisudoro apa too ntowuon o ntowuon, kake kore taata, naa keibalunyieki neiteyieloki loreren pooki too lkigerot le naibon, ana naitanapa ꞉Nkai ee ntarasi, payie etum ninche aatining Nkai teneiruk Lomon Supati likilikorita. Metaa nenye nkisisa ntarasi, Aamin.

Luka 24:4

Kore ake ewuon eing'aing'ai ninche tankaraki inia bae, nedol ake inia kata ltung'ana oare ooitachoo tabata ninche ooichopito nankan naaitintil.

Lkolosae 1:23

Keasai inia tanaa intachoo ake taatua nkurukoto ang aaitirrichaki, nimingusgus, nimiwuangwuang aaing'uaa siligi oicho ntae lolo Omon Supati litining'o. Kore lolo Omon Supati naa ketilikoyieki apa aaliki ltung'ana pooki otii nkop, naa kore nanu Paulo nataa laisiaayiani loo lolo Omon Supati.

1 Yoana 1:2

Kore inia kichui naa /keibalunyieki, nikitoduaa, nikilimu, nikilikoo sii aajo nchere ninye nkichui ee ntarasi natii apa tenebo o Papa, neinyiaka sii aipung'oki iyioo.

1 Petero 3:22

ilo oiliepa alo chumata, newuon ta nkaina e tetene e Papa etii lmalaikani o lolo oaata nkitoo o lolo oaata ngolon taabori ninye.

1 Petero 1:12

Keibalakinyie ꞉Nkai ninche nchere kore nenia naaing'oruta naa mara tankaraki ate kake tankaraki ntae. Netamakita sii ntae lolo ootilikita ntae Lomon Supati to ngolon e Ltau Sinyati oirriwuaki te chumata, nenia baa. Kore sii lmalaikani keyieu netum sapipiyiet ee nenia baa.

Lkolosae 2:2

Kanyokita payie etumi aaitogolo ninche ltauja neibung'a tenebo te nchaman, netum ltung'ana sipata nadede naing'uaa ning'unoto nadede, neichori ning'unoto ee mbae e Nkai naisudoro, naa Kristo taa inia.

Lkolosae 1:27

Keyieu apa Nkai payie aibalunyie newua inia kisudoroto enye e nking'asia too ltung'ana loo loreren, kore inia kisudoroto naa nchere kore Kristo oamanya atua ltauja linchi naa ninye siligi linchi le nkitoo nalotu.

Lkolosae 1:6

Kore kulo Omon Supati netabakita ntae. Naa kore ana neiuta lng'anayio nebularita to nkop pooki, nejia sii ake etiu taatua ntae. Nejia apake etiu ang'asu mparri ekue nitining'o, nining'ung'u katukul naipirita munyani e Nkai nedede.

Luka 22:43

Neipung'oki ꞉lmalaika eing'uaa chumata aitogol ninye.

Matayo 3:16

Kore ake payie eipatisi Yeso, neipung'u taatua nkare. Nebolo chumata, nedol ꞉ninye Ltau Sinyati le Nkai edou ana nkutukurruk, newuenie ninye.

1 Yoana 3:5

Naa iyielolo ntae aajo keibalunyieki apa Yeso payie eoru iyioo ng'ok ang, nemeata ꞉ninye ng'oki.

Lburania 12:2

Kore naa kikuetita, maimariria Yeso ilo oatang'asua neitabaya nkurukoto ang, laa kore peedol inia ng'ida natipikaki tekue ninye, neng'iri lkiye to lmusalaba neitu edol anyit. Kore taata naa kewuenita ta mbata e tetene e lorika le nkitoo le Nkai.

1 Timoti 3:9

Keyiere payie eibung inia dedei naisudoro, naibalunyieki to nkurukoto emusoo aajo meata nakurrieki.

Yoana 20:12

nedol lmalaikani oare ooichopito nkilani naaibor, ewueni to ng'oji neperie apa sesen le Yeso, ewuon lobo to ng'oji neing'orita apa nkue, newuon likae to ng'oji neing'orita nkejek.

Matayo 1:23

<> Kore inia arna naa <>

Mbolunoto 7:9

Kore aitoki payie eich nenia baa, nadol lturrur kitok, lemeata ltung'ani oidim aikena, eing'uaa nkopi pooki o loreren pooki o lochon pooki o nkutukie pooki naairori, eitachoo tekue lorika le nkitoo o tekue Lkuo leker. Neichopito pooki nkilani naaibor, neibung'uta sura e lcheni oji ltunkai taa nkaik enche.

1 Petero 1:20

Kore apake ninye, naa ketegeluaki ewuon eitu eng'asu ꞉Nkai aitibir nkop, kake /keibalunyieki taata ta ng'amata e nkiting'oto tankaraki ntae.

Lburania 7:7

Kore metii kerkei, ltung'ani kitok oamayian lkini.

Epeso 6:19

nikiomonokiki sii nanu, payie aaicho Nkai rerei lajo nkata pooki nabol nkutuk ai airo, natum atilikoi te mpijan mbaa naaisudoro ee Lomon Supati,

Epeso 1:9

Eibalakinyie iyioo yieuna enye naisudoro ana natudung'o ninye apa te Kristo.

Lgalatia 4:4

Kake kore apa payie ebau nkitabaroto e ng'amata, nereu ꞉Nkai Nkerai enye natiiwua ꞉nkitok. Neini metowuana taabori nkitanapat e Musa,

1 Lkorinto 15:47

Kore ltung'ani lekue oji Adam, neing'uaa apa ninye nkop neitibiraki te nterit, naa kore ltung'ani le oare laa Kristo naa chumata eing'uaa.

1 Lkorinto 2:7

Ikiimaki ng'eno e Nkai too nkoitieii nemening'u ltung'ana pooki. Ketegelua Nkai inia ng'eno ewuon eitu eitibir ana kop, payie kitum iyioo aatijing atua nkitoo enye te inia ng'eno enye.

Rroman 10:18

Kake kaiparu, eitu sa ening ninche? Ketining'o dei, amu kejo Lkigerot, <>

Asat 20:28

Naa entodol naa ate o mboo pooki ee nkerra naatipika ꞉Ltau Sinyati nkaik inchi payie irritata, aaku lchekuti le nkanisa e Nkai nainyieng'ua to lodo le Nkerai enye.

Lgalatia 2:8

Amu kore ꞉ilo oidimie Petero metaa Lkipaaret loo loomurata, ninye sii laaidimie nanu mataa Lkipaaret loo loreren.

Rroman 9:5

Neing'uaa sii ninche ꞉lmakui lang Abraam o Isaka o Isirael, lolo ooing'uaa abaki ꞉Kristo ta ntalipa, ilo oara Nkai naaisul pooki, meterrepi ntarasi! Aamin.

Asat 10:34

Neng'asu Petero airo ajo, <

Rroman 8:3

Kore apa inia toki nemeidim nkitanapat e Nkai aataas tankaraki nachal ꞉mpukunoto ang torno, neas Nkai. Naa ana etaasa Nkai, ketalakua iyioo to ngolon e ng'oki natii atua sesen lo ltung'ani airriuu Nkerai enye nayewuo eata sesen oinyunyukore mpukunoto e sesen loo ng'ok, payie etum ataa lasar ooitayiaki tankaraki ng'ok ang.

Asat 14:27

Kore payie ebaki ninche inie, neiturrurru nkanisa pooki tenebo, neliki ntoki pooki naitaasa ninche ꞉Nkai, neliki aajoki, ketoboloka ꞉ninye lkulie oreren nkoitiei payie etum aairuko laitoriani.

Yoana 16:28

Papa apa aing'uaa nanu, nayewuo nkop. Naa kore aitoki taata, kaing'uarita nkop aloito netii Papa.>>

Yoana 13:3

Neyielo Yeso ajo keichoo ꞉Nkai ninye meitoria pooki toki, neyielo abaki ajo keing'uaa netii Nkai, netaa payie elo netii ninye.

Luka 24:51

Naa kore emayianita ninche, neorere, neiliepieki aaya chumata.

Mbolunoto 17:7

Naajoki ilo malaika, <

Mbolunoto 17:5

Neigeri to nkomom enye nkarna nemeitoki nayielo neji, <>

Lburania 8:1

Kore mbae e tipat ee kuna nikijeito naa ana: Ikiata laitainoni kitok la lasar otowuana te chumata te tetene e lorika le nkitoo e Nkai naaisul pooki.

2 Ltesalonike 2:7

Amu kore inia golon naisudoro e ntoki pooki nemeichiaakino naa keasicho taata, kake kore ilo oibooyo inia, naa keiboorita ana metabaki nkata naiwuang'ieki.

2 Ltesalonike 1:10

Kore kenya nenia baa naa keasai tenelotu Yeso inia parri, meichoo ꞉sinyat lenyena ninye nkisisa neicho lolo pooki ooiruko ninye nkanyit. Naa itii sii ntae inie amu iruko mbaa nikitilimutua naaipirita ninye.

Asat 1:19

Neyielou ltung'ana pooki le Yerusalem ana, neng'amaki ilo champa nkarna naji to nkutuk enche Akeldama, nautu ajo Lchampa lo lodo.

Yoana 17:5

Papa, kore naa taata, iliepieki teinie nitii, te inia kitoo apake naata tenebo o iyie ewuon meatae nkop.

Yoana 15:26

<

Yoana 6:62

Oo sa tinidoldol Nkerai e Ltung'ani eiliep alo chumata naing'uaa apa?

Luka 2:32

inia wong'an nimbalunyie too loreren pooki, o nkisisa too ltung'ana linono le Isirael.>>

Marko 16:5

Nejing nkurarei, nedol lbarnoti owuon ta mbata e tetene neichopito nkila naibor naado, neing'asia ninche oleng.

Marko 1:13

newuon te inie mperot artam etemita ꞉Chitani, neboitiere ng'uesi e soro, neisiaaita ꞉lmalaikani ninye.

Matayo 28:2

Kore ta nkata nabo, nelotu nkikirikiroto kitok e nkop, amu lmalaika la Laitoriani otodowua eing'uaa chumata, nelo inie netii ilo soit neibeleleng'oo, newuenie.

Matayo 13:11

Newoliki ꞉Yeso ninche ajoki, <

Matayo 4:11

Kaa hae, neing'uaa ꞉Chitani ninye, nepuonu lmalaikani le Nkai aaisiai ninye.

1 Petero 3:18

Keitamaki naa Kristo sina nkata nabo tankaraki ng'ok, kera ninye loosipat netanang'a ltung'ana lamara loosipat, payie etum atirikoki iyioo Nkai. Ketua ninye te sesen kake neitipiuni ltau,

Rroman 10:12

Amu mepaacha ltung'ani loo Lyiaudi o loo lkulie oreren, ilo Aitoriani ake oara Laitoriani loo pooki, naa keicho mayianat enyena pooki ng'ae oipot ninye.

Rroman 3:4

Nakaiting'o! Kera Nkai asipani, abaki era pooki tung'ani lasapani, <>, ana naigero too lkigerot sinyat.

2 Lkorinto 1:19

Amu kore nkerai e Nkai Yeso Kristo otilika ntae ꞉Silpanas o Timoti o nanu lomon lenyena, eitu elotu aaku <> o <> Kake taatua ninye eimie Nkai ntoki pooki ajo <>,

1 Petero 1:21

Kore tankaraki inia nataasa ninye, naa iruko Nkai naitipiwua ninye taatua lootuata neicho nkitoo, payie eaku kore nkurukoto o siligi linchi, naaku atua Nkai etii.

1 Yoana 3:8

Kore pooki oche aas ng'ok naa le Chitani, amu kore Chitani naa keasita ng'ok apake pee eji ninye ilo. Kore payie /eibalunyieki Nkerai e Nkai naa payie eitarruoo siaai e Chitani.

Luka 20:44

< Aji naa eiko ninye teneaku layieni lenye?>>