1 Timoti 3:1 - Samburu

¹ Keisiligai ele rerei, nchere kore teneyieu ltung'ani neaku larikoni le nkanisa, naa siaai supat eyieu.

1 Timoti 3:1 Referans Kwoze

Tito 1:7

Kore tankaraki nara larikoni le nkanisa laing'urani le siaai le Nkai, meata ajo meaku ltung'ani lemeata nakurrieki, namara ltung'ani laa koon ake echam, nemerrirriu asioki, namara lamerani, nemeipatipata, nemeata lubo ee ropiyiani.

Asat 20:28

Naa entodol naa ate o mboo pooki ee nkerra naatipika ꞉Ltau Sinyati nkaik inchi payie irritata, aaku lchekuti le nkanisa e Nkai nainyieng'ua to lodo le Nkerai enye.

1 Petero 5:2

Errita mboo e Nkai natung'aka ninye ntae entaa laing'urak. Naa kore iasitata inia, eng'ura ninche, mara ana nayieunyieki ntae te ele siaai kake tankaraki nichamaa ilo siaai ana nayieu Nkai, namara sii payie itumiemie ntoki kake tankaraki nichamcham aaisiaayia ninche.

1 Timoti 1:15

Naa kesipa ele rerei neisiligai, neichiaakino payie eng'amari nchere, keyewuo Kristo Yeso nkop payie eitajeu ltung'ana loo ng'ok, naa nanu ojool lolo pooki.

1 Petero 2:25

Amu ipuoitoto apa kitala ana nkerra, kake kore taata naa imbelekenyakinete Lchekut linchi, ilo Airritani oirrita ntae.

Lburania 12:15

Entodol payie meti ake ltung'ani lemeikenakini munyani e Nkai, niminchocho ebulu ntanai torno e mion e ngoro naitanyamalicho, nerroyo ltung'ana kumo ta sayiet enye.

2 Timoti 2:11

Kore ele rerei naa keirukoi: Tanaa ikituata apa tenebo o ninye, naa ikintoki kenya aaichu tenebo o ninye.

1 Timoti 4:9

naa rerei ilo oirukoi, neichiaakino neng'amari pii.

Lpilipi 1:1

Kore ana palai naa keing'uaa Paulo tenebo o lalache lang Timoti oaara laisiaayiak le Yeso, ilo Aitejeunoni oanyutae apa. Ikiroroki sinyat pooki le Kristo Yeso ootii Pilipi, tenebo o larikok o laisiaayiak le nkanisa enche.

Luka 15:10

Naa kajoki ntae, nejia sii etiu, kore teneirriidu ltung'ani obo loo ng'ok, neng'ida lmalaikani le Nkai.>>

Tito 3:8

Keisiligai kulo omon, naa kaaitaarriyian payie ilikoo te mpijan, paa kore ꞉lolo ooiruko Nkai, nenyok aas supati. Kore kuna baa naa keisupati too ltung'ana neret ninche.

Epeso 4:12

payie erreteni sinyat meisiayia Nkai, neitubulu sesen le Kristo,

Asat 1:20

<<

1 Petero 4:15

Enchoo metaa meatae hoo lobo linchi oitami sina tankaraki nara ltung'ani oricho anaa lopurrucho anaa laasani loo ntorrok anaa ltung'ani odoki mbaa nemeata nejo.

1 Ltesalonike 5:14

Lalachera o nkanachera, ikilej ntae! Eng'odia lolo lemeyieu neas siaai, entogolo lolo ootigilete ltauja, niretret loaachal tee seseni, ning'iriri too ltung'ana pooki.

Rroman 11:13

Naa kairorie naa ntae ltung'ana loo lkulie oreren lamara loo Lyiaudi. Kara nanu lkipaaret linchi, naa kore tankaraki inia kang'idare ilo siaai lai lo lkipaaret,