1 Timoti 2:7 - Samburu

⁷ Kaaitaaki lalikoroni o lkipaaret payie atum atilikoi inia limunoto. Naa kesipa najoito mara sapare, kaaitaaki laiteng'enani loo loreren payie aiteng'en ninche nkurukoto o ndedei.

1 Timoti 2:7 Referans Kwoze

Asat 9:15

Kake nejoki ꞉Laitoriani ninye, <

2 Timoti 1:11

Kaategeluaki mataa lalikoroni o Lkipaaret o laiteng'enani loo lolo Omon Supati.

Rroman 9:1

Kairorita mbaa naadede amu kara le Kristo namajoito sapare amu katumuse naiteyielo sii Ltau Sinyati.

Rroman 15:16

mataa laisiaayiani le Kristo Yeso payie atum atabaki ltung'ana loo loreren, nalikoo Lomon Supati ana neas laitainoni la lasar teneitai lasar, payie eaku ltung'ana loo loreren nkichooroto nang'amaa ꞉Nkai, eitisinyaki to ngolon e Ltau Sinyati.

Lgalatia 2:9

Kore aitoki payie eyielou munyani naaichooki nanu, Yakobo taa o Kepa o Yoana, lolo ooyieloi aajo kera lng'opeta, naang'amaa nanu o Barnabas, eitodolu aajo iking'ar ele siaai, payie kipuo iyioo aabaki loreren, nepuo ninche netii loomurata.

Lgalatia 1:20

Naa kore kuna naigerokita ntae, kajoki ntae tekue Nkai nchere mara sapare.

Lgalatia 1:16

payie aaboloki mateyielo Nkerai enye, paatum atiliki loreren Lomon Supati lenyena. Kore inia kata, neitu ayiaya nkitaarriyiana nabokata to ltung'ani,

Rroman 11:13

Naa kairorie naa ntae ltung'ana loo lkulie oreren lamara loo Lyiaudi. Kara nanu lkipaaret linchi, naa kore tankaraki inia kang'idare ilo siaai lai lo lkipaaret,

2 Petero 2:5

Neitu sii epal ltung'ana otii apa ana kop lemeurie Nkai eitu edung'oki nkiguana torno, kake keirrita Noa ilo oara lalikoroni loosipat, o lkulie tung'ana sapa inia kata apa payie eicho nkare metumuta nkop.

Lgalatia 3:9

Naa inia paa kore lolo oaara le nkurukoto, nemayiani tenebo o Abraam oata nkurukoto.

2 Lkorinto 11:31

Keyielo Nkai nara Papa la Laitoriani lang Yeso Kristo, ilo oisisi ntarasi, ajo masapicho.

Rroman 10:14

Naa aji eiko ltung'ana teneipot ilo leitu eiruk? Naa aji eiko teneiruk ilo leitu apake ening? Naa aji eiko tenening tenemeata lalikoroni?

Asat 26:20

Kore tekue nang'asu aliki ltung'ana ta Damasikas, naitoki te Yerusalem o te Yudea pooki o too Loreren, payie eirriidu neibelekenyakino Nkai, neas mbaa naaichiaakino too ltung'ana ooirriidutua.

Asat 22:21

Kake naajoki ꞉Laitoriani, >>

Asat 14:27

Kore payie ebaki ninche inie, neiturrurru nkanisa pooki tenebo, neliki ntoki pooki naitaasa ninche ꞉Nkai, neliki aajoki, ketoboloka ꞉ninye lkulie oreren nkoitiei payie etum aairuko laitoriani.

Yoana 7:35

Neipara larikok loo Lyiaudi aajokino, <

Lgalatia 2:16

Naa ikiyielo aajo meikenakini ltung'ani aajo loosipat tekue Nkai tankaraki nairukurukore nkitanapat, kake to nkoitiei e nkurukoto taatua Yeso Kristo eikenakini. Tankaraki inia, ikitipika sii iyioo nkurukoto ang atua ilo Aitejeunoni Yeso payie eikenakini iyioo sipat to nkurukoto taatua Kristo, namara tankaraki nikirukurukore nkitanapat e Musa, amu meatae ltung'ani oikenakini sipat teneirukurukore nkitanapat.

Rroman 1:9

Amu Nkai naisiai chiaake ta ltau lai alikoo Lomon Supati le Nkerai enye, nayielo ajo mapal maipot ntae mparri pooki to nkomono ai.

1 Lkorinto 9:1

Amaa, keatae sa ntoki naaibooyo payie maas nayieu? Mara nanu Lkipaaret la Laitoriani? Amaa, eitu adol nanu Laitoriani lang too nkonyek ainien? Amaa ntae, mara lng'anayio le siaai lai lataasa taatua Laitoriani irara?