1 Timoti 2:10 - Samburu

¹⁰ kake taa asat supati, naairirikino ꞉ntomonok naajo keyanyit Nkai.

1 Timoti 2:10 Referans Kwoze

1 Petero 2:12

Entewueni to nkoitiei supat taatua lolo tung'ana lemeyielo Nkai, paa kore tenedek ntae aajo irara laitarruok, neisis kenya Nkai tankaraki nenia asat inchi supati, ta nkata e nkisabakinoto.

Mbolunoto 2:19

Asat 9:36

Kore apa te Yopa naa keatae nabo e naaiteng'eni naji Tabita, naa kore ana arna to nkutuk ee Lgirriki naa keji Dorkas. Ketaasa apa ninye asat kumo supati, neret loomena nkata pooki.

2 Petero 3:11

Naa kore amu keidakieki kuna tokitin pooki aaiko inji, meata ajo miakuku ltung'ana oowueni te sinyaticho neurie Nkai,

Tito 3:8

Keisiligai kulo omon, naa kaaitaarriyian payie ilikoo te mpijan, paa kore ꞉lolo ooiruko Nkai, nenyok aas supati. Kore kuna baa naa keisupati too ltung'ana neret ninche.

Epeso 2:10

Amu ninye oitaa iyioo nikitiu taata, aitibir iyioo taa nkaik enyena kitii atua Kristo Yeso payie kias asat supati, nana apake naaitibiraka iyioo mataas.

Tito 2:14

Keichorua koon anang iyioo payie elaku iyioo too ntorrok ang, neituk iyioo payie kiaku ltung'ana lenyena le tipat oonyok aas mbaa supati.

Asat 9:39

Neinyuototo Petero neirukurukore ninche. Kore payie ebau, neitidiri lgilata le nkaji e keper. Nepuonu nkoilia pooki nkalo ninye, eichirita neitoduaaya nankan naapaapaacha naaitibira Tabita ewuon apa etii tenebo o ninche.

1 Timoti 2:9

Nayieu sii ntomonok neisikarra aaitibiraki ta nkanyit o te nkiririkinoto. Namara te nchatata ee lpapit tanaa ta saabu tanaa taa masaa naagol nkinyiang'a tanaa taa nankan naagol nkinyiang'a eisikarra,

1 Timoti 2:11

Naa enchoo meiteng'eni ntomonok egira aainining'icho neitodoyio ate katukul.