1 Timoti 1:19 - Samburu

¹⁹ imbung'uta nkurukoto niyielo ta ltau lino ajo miata nikikurrieki. Ketii lbata ootabarakita aany inia dedei naibala taa ltauja lenche, neidakie nkurukoto enche.

1 Timoti 1:19 Referans Kwoze

1 Timoti 3:9

Keyiere payie eibung inia dedei naisudoro, naibalunyieki to nkurukoto emusoo aajo meata nakurrieki.

Mbolunoto 3:10

<<

1 Timoti 6:9

Naa kore lolo tung'ana oong'uar payie eaku parakuo, naa kedoki atua ntemat o rruachet ee ng'uarrat kumo e madai naaricho, naayaki ninche lkiye o mutai.

Tito 1:9

Meata ajo meibung akurraki nkiteng'ena nadede ana naiteng'enaki, payie eidim aitogolo ltung'ana ltauja te inia kiteng'ena nadede, neitodol lolo ooibooyo ndedei ajo ketopong'ori.

Mbolunoto 3:8

Lburania 3:14

Amu ikiata sotua tenebo o Kristo, tinikimbung aaitirrichaki inia sipata nikiata apake tekue payie kiruk ninye, ana metabau nkiting'oto e nkop.

2 Timoti 4:4

Keiken nkiyiaa enche payie meitoki aaning ndedei, neinining nkatinin nemedede.

1 Yoana 2:19

Keipung'o ninche taatua iyioo, kake mara apake lkulalang. Amu tanaa kera lkulalang, anata etii tenebo o iyioo. Kake keipung'o aaing'uaa iyioo payie etumi aateyielo aajo mara pooki ng'ae oara lalang.

1 Timoti 6:21

naa kore lbata, netopong'ori aaing'uaa nkurukoto tankaraki nairukurukore inia ng'eno. Metaa munyani e Nkai tenebo o ntae pooki.

1 Timoti 1:5

Kore yieuna e ana kitaarriyiana ang, naa payie eipung'u nchaman naing'uaa ltau supat o ltau oyielo ajo meata nakurrieki o nkurukoto nadede.

Lgalatia 5:4

Etoorieki ntae Kristo, ntae oonyok aayiaya meikenakini sipat to nkoitiei ee nkitanapat. Iterriate, nilamlam munyani e Nkai.

1 Lkorinto 11:19

Meata nchere payie meatae lturrurri taatua ntae amu te inia ake elioi ajo ng'ae etachamayieki.

Mbolunoto 3:3

Entaparru naa ndedei naiteng'enaki apa ntae nitang'amatie, embung'a inia nirriididu. Kake kore tanaa minyuotototo, kalotu nitii tana lapurroni nimiyielouu hoo nkata nalotu.

Matayo 6:27

Naa amaa taa ntae, ng'ae eirrana oidim neponiki nkichui enye saa nabo?

1 Timoti 6:12

Tama larrabal supat le nkurukoto ang, nitilimua teinia limunoto supat nintayia tekue ltung'ana kumo, nimbung'a inia kichon ee ntarasi nikimpotokaki apa.

2 Timoti 2:18

Ketung'aitie ninche ndedei near nkurukoto ee lkulikae, ejoito keidipa mpiunoto ee lootuata ataasai.