1 Timoti 1:17 - Samburu

¹⁷ Metaa nkanyit o nkisisa ntarasi o ntarasi no Lkinkii loo ntarasi, ilo lemeye nemelioo laa ninye ake apeny Nkai, Aamin.

1 Timoti 1:17 Referans Kwoze

Yuda 1:25

ilo laa ninye oara Nkai aang nabo, nera Laitejeunoni lang taatua Yeso Kristo, nenye nkisisa o nkitoria o ngolon o nkitoo, apake eitu eitibiri nkop o taata o ntarasi! Aamin.

Mbolunoto 19:1

Kore payie eidip ilo malaika kitok airoro, naning ltoilo otuwuana lo lturrur kitok te chumata ebuak ajo, <

Mbolunoto 17:14

Kerare ninche o inia ng'ues Lkuo leker, kake kemir ninche ꞉Lkuo leker. Kemir amu kera ninye Laitoriani laa laitoriak, nera Lkinkii loo lkinkii naa kore lolo ooirukurukore ninye naa lolo ooipoto netegelua ꞉Nkai, neisiligai te ninye.>>

Lkolosae 1:15

Kore Nkerai e Nkai naa nkitanyanyukoto nalioo e Nkai nemelioo, ilo oing'uaa Nkai ewuon apake eitu eitibiri nkop naa ninye oitore ntoki pooki naitibiraki.

Mbolunoto 19:16

Kore nkarna naigero te nkila o te nkupes enye naa ana: <>

Rroman 1:23

Neitapaach nkitoo e Nkai nemeye aikata o nkaitok e sapare naainyinyukore ltung'ana ooye o nkueeny o suom anaa ng'uesi naaye.

Mbolunoto 19:6

Naitoki aning ltoilo otuwuana ltoilo loo ltung'ana kumo oobuakita, tanaa nkuroto ee nkariak e naiurraur tanaa ndarat e nkukurrukurroto ojo, <

1 Yoana 4:12

Meatae aikata ꞉ltung'ani otodua Nkai. Naa tanaa ikichama maate, newuon Nkai taatua iyioo, neitabayieki nchaman enye taatua iyioo.

Yoana 1:18

Nemeatae hoo obo otodua Nkai aikata, mara ake inia kerai enye nabo inoti. Netii tenebo o Papa lenye, naa ꞉ninye apa /oibalunyie.

Matayo 6:13

Naa mincho iyioo kijing atua ntemat, kake talaku iyioo te Ilo torno.>

Mbolunoto 15:3

neranyita sinkolio otuwuana otaranya apa laisiaayiani le Nkai oji Musa, aaranyaki Lkuo leker ejo, <

Mbolunoto 7:12

nerany aajo, <>

2 Petero 3:18

Kake entubulu taatua munyani o yielounoto e Laitoriani o Laitejeunoni lang Yeso Kristo. Metaa nkisisa nenye, taata o ntarasi! Aamin.

1 Petero 5:11

Metaa ngolon nenye ntarasi o ntarasi. Aamin.

Lburania 11:27

To nkurukoto etung'ayie ninye Misiri meurie lkinkii le inia kop, neng'iri ana ltung'ani otoduaa ilo lemelioo.

Rroman 11:36

Amu kore ntokitin pooki naa ninye eing'uaa, naa ninye sii eichiwue naa ninye etiyie ntokitin pooki peetii. Metaa nenye nkisisa ntarasi, aamin!

Rroman 2:7

Kore lolo oong'iri eas supati, nenyok ayiaya nkitoo e Nkai o nkanyit o nkichon naruk talip, neicho ninche nkichon nemeiting.

Rroman 1:20

Kore apake payie eitaini nkop, kore inia pukunoto enye nemelio, aa ngolon ee ntarasi o mpukunoto e aaicho enye, naa kesipuni, neyielouni too ntokitin naaitayia ninye. Naaku meata neiko ninche tenejo meyielo Nkai.

Matayo 28:20

ninteng'ening'en ninche meibung'a pooki naitanapa ntae, naa katii nanu tenebo o ntae mperot pooki metabaki nkiting'oto e ng'amata e ana kop.>>

Matayo 25:34

<

Yoana 5:44

Aji inkoko ntae tinirukuruk ooichooro rrepeta maate, niminyoknyok aang'amaa rrepeta naaing'uaa Nkai, inia ake nabo nadede?

Rroman 2:10

Kake keicho ꞉Nkai nkitoo enye o nkanyit o sotua ltung'ani pooki oas supati, keicho ang'as Lyiaudi tekue neitoki loreren lamara loo Lyiaudi,

Lburania 2:7

Intodoyie ninye taa lmalaikani te nkiti kata, ninchopoki nkopiyia e nkitoo o ne nkanyit,