1 Petero 5:1 - Samburu

¹ Kore ara nanu lpayian le nkanisa, nara sii lobo oata sipata naipirita sina oatama apa Kristo, nara long'arieki nkitoo naibalunyieki kenya, kaitaarriyian naa taata lpayiani linchi le nkanisa ajo inji:

1 Petero 5:1 Referans Kwoze

Luka 24:48

Naa ntae lasipak o lalikorok loo kuna baa!

Mbolunoto 1:9

Kore apa nanu Yoana oara lalache linchi taatua Yeso naa katanapa sina oitamitae ntae, nara sii le nkitoria e Nkai tenebo o ntae, nikiting'iria tenebo. Kaawaki apa lkuran oji Patimos tankaraki rerei le Nkai o sipata e Yeso natilikoyie.

2 Yoana 1:1

Kore ana palai naa keing'uaa lochi payian arrarri. Kairoroki nkitok nageluno o nkera enyena nacham katukul, namara nanu ake apeny oacham, kake kecham abaki lolo pooki ooyielo ndedei,

1 Petero 5:4

Naa kore kenya tenelotu Lchekut Kitok, nitumutum nkiraoni e nkitoo nemomuta aikata.

1 Yoana 3:2

Lacham lainien, kore taata naa ikira nkera e Nkai, naa ewuon eitu eibalunyieki nikitiuu kenya. Ikiyielo aajo kore tenelioi Yeso, naa ikitiuu ana ninye amu ikidol ninye ana netiu.

1 Petero 1:7

Kesipuni chiaake soit omiri oji saabu teneimieki nkima, naa keidim saabu nerroyo, kake kore nkurukoto keata tipat oleng alang saabu. Kore kuna temat niimaa, naa itumtum payie esipuni nkurukoto inchi. Kore tanaa kesipa nkurukoto inchi, neaku kenya rrepet o nkisisa o nkanyit teneibalunyieki Yeso Kristo.

Asat 14:23

Negelu ꞉Paulo o Barnabas larikok tee nenia anisani neen nkutukie aaomonoki, nepiki atua nkaina e Laitoriani ilo otipika ꞉lolo arikok nkurukoto.

Asat 11:30

Neas ninche inia natamakinete, neitanap Barnabas o Saulo inia reto meeyaki lpayiani le nkanisa.

1 Petero 1:12

Keibalakinyie ꞉Nkai ninche nchere kore nenia naaing'oruta naa mara tankaraki ate kake tankaraki ntae. Netamakita sii ntae lolo ootilikita ntae Lomon Supati to ngolon e Ltau Sinyati oirriwuaki te chumata, nenia baa. Kore sii lmalaikani keyieu netum sapipiyiet ee nenia baa.

Pilemon 1:9

Kore naas tankaraki nchaman, kaalej nanu ꞉Paulo, lpayian arrarri oena taata tankaraki Kristo Yeso.

Tito 1:5

Ana apa payie aatung'aiyie te lkuran le Kirete, nchere payie itum atererio mbaa naawuon eng'or, nigelu larikoni le nkanisa tee lkerenketi pooki ana naaitanapa apa.

2 Timoti 4:8

Naa kaaiteng'elakaki nanu nkopiyia naichori loosipat, inia naaicho ꞉Laitoriani, oara ladung'oni le nkinguana, te inia parri. Namara nanu ake apeny eicho, kake keicho lolo pooki oaanyuta lotunoto enye te nchaman.

1 Timoti 5:19

Ming'amaa ajo kedede rerei opiki lpayian le nkanisa, mara itumo sipata too ltung'ana oare tanaa okuni.

1 Timoti 5:1

Mikurrakino lpayian kitok te iyie, kake irorie ninye ana ninko papa lino. Ntaarriyiana ltung'ana leleru ana ninko lalachera linono,

Lpilipi 1:19

amu kayielo ajo kore ana, naa kaaicho maatalakuni tankaraki nkomono inchi o reteto naaicho Ltau le Yeso Kristo.

2 Lkorinto 5:1

Ikiata sesen le ana kop otuwuana nkaji e nkiti kata namanya nkichui ang. Naa Ikiyielo aajo kore kenya teneidaari ele sesen, ikiata te chumata sesen oicho iyioo Nkai, oaku nkaji nabik ntarasi neitu eitibir nkaina e ltung'ani.

Asat 21:18

Neikenyu nelo Paulo tenebo o iyioo adol Yakobo, netii sii lpayiani pooki le nkanisa inie.

Asat 20:28

Naa entodol naa ate o mboo pooki ee nkerra naatipika ꞉Ltau Sinyati nkaik inchi payie irritata, aaku lchekuti le nkanisa e Nkai nainyieng'ua to lodo le Nkerai enye.

Asat 20:17

Kore etii Mileto, nereu lkilikuai Epeso, meipotuni lpayiani le nkanisa.

Asat 15:6

Netumo lkipaareta o lolo arikok le nkanisa aadol naas tana bae.

Asat 15:4

Kore payie epuonu Paulo o Barnabas Yerusalem, neng'amaa ꞉nkanisa o Lkipaareta o lpayiani ninche. Neliki mbaa pooki naataasie Nkai ninche.

Asat 2:32

Kore ele Yeso naa keitipiwua Nkai ninye, naa ikilimu iyioo pooki sipata e inia.

Asat 1:22

ang'asu ta nkata apa naipatisicho ꞉Yoana, ana metabaki mparri apa nawaki Yeso aaitung'aa iyioo. Kore ilo tung'ani, naa keaku lobo olimu tenebo o iyioo sipata e mpiunoto e lkiye lenye.>>

Asat 1:8

Kake itumtum ngolon kenya tenelotu Ltau Sinyati atua ntae, nilimumu sipata ai te Yerusalem o to nkop pooki e Yudea o Samaria o neiting'ie nkop.>>

2 Lkorinto 5:8

Kore taa najoito, naa ikiata nkitieunoto, nikiyieu payie kitum aataa tenebo o Laitoriani alang tinikiata kulo seseni le ana kop.

Asat 3:15

Kake kore ilo oing'uaa ꞉nkichui niarar, neitipiu ꞉Nkai ninye taatua lootuata, nikiata iyioo sipata e inia.

Lburania 12:1

Naaku kore amu ikiata lturrur kitok loo ltung'ana le nkurukoto ooing'orita iyioo taa mbat pooki kikuetita, maiturrai naa ntoki pooki nairochi o inia ng'oki naonyikino iyioo oleng, nikindip inia kuetata e nkurukoto natii tekue iyioo te ng'iriata.

1 Petero 4:13

Kake kore iimaritata sinaitin ootuwuana le Kristo enting'idata, paa kore teneibalunyieki nkitoo enye nitumtum ng'ida kitok oleng.

3 Yoana 1:1

Kore ana palai naa lochi payian arrarri eing'uaa. Kaairoroki iyie Gayo, sotua lai lacham te ndedei.