1 Petero 4:15 - Samburu

¹⁵ Enchoo metaa meatae hoo lobo linchi oitami sina tankaraki nara ltung'ani oricho anaa lopurrucho anaa laasani loo ntorrok anaa ltung'ani odoki mbaa nemeata nejo.

1 Petero 4:15 Referans Kwoze

2 Ltesalonike 3:11

Amu ikining nchere ketii lkulie linchi oowueni te nchalan, nemeitoki eas mara ake peeirriki ate atua mbaa namara nkunenche.

1 Ltesalonike 4:11

ninyoknyok aaitirring'a te nkichon inchi, niasias mbaa inchi, niasias sii aitoki siaai linchi to nyuata, tana apa nikintaarriyianakita ntae,

1 Timoti 5:13

Kore aitoki, neitomok ninche ate wuanata e pecheu erukurukoo nkajijik. Tapala duo abaki inia wuanata enche e pecheu, kake keitoki aaku nkaimeteteelok, neyieu neyielou mbaa namara nkunenche, neiro mbaa nemeyiere payie eiro.

1 Petero 3:17

Amu naikach teneitami ntae sina iasitata supati, tanaa duaake yieunoto e Nkai inia, alang teneitami ntae sina iasitata ntorrok.

2 Timoti 2:9

Kore tankaraki nalikorita kulo Omon Supati naanya sina ana maateeni eji kara laitarruoni. Kake meena rerei le Nkai.

Matayo 5:11

<

1 Petero 3:14

Kake kore abaki eitam ltung'ana ntae sina tankaraki nirara loosipat, naa imayianana. Emiata ngureticho tankaraki ninche, nimiirranana.