1 Petero 4:11 - Samburu

¹¹ Kore ilo olikoo rerei le Nkai, naa meata ajo melikoo ake inia najo ꞉Nkai. Kore ilo oisiaaicho naa meata ajo meeisiaaicho to ngolon naichoo ꞉Nkai, payie etumi aaichoo Nkai nkisisa to pooki toki aimu Yeso Kristo! Nenye nkisisa o nkitoo, ntarasi o ntarasi. Aamin.

1 Petero 4:11 Referans Kwoze

1 Lkorinto 10:31

Oo inya ntoki tanaa imat tanaa nkae toki pooki nias, taasa to nkoitiei nayaki Nkai nkisisa.

Epeso 6:10

Kore mbae naidipie, entogolioto taatua Laitoriani o te ngolon e nkidimata enye.

1 Petero 4:10

Meata ltung'ani leitu eicho Nkai nkichooroto payie etum ataasichere aisiaayie lkulikae ana laing'urani oisiligai le munyani e Nkai, inia natelie too nkoitieii kumo.

Asat 7:38

Kore taatua lolo tung'ana loo Isirael ooiturrurrote te lkees, naa keti Musa inie tenebo o ilo malaika oirorie chiaake ninye to ldonyuo le Sinai, netii sii tenebo o lmakui lang. Ketang'amayie ninye rerei oichu, payie eicho iyioo.

Epeso 4:29

Emiimunyie rereii lemeichiaakino nkutukie inchi, kake eroro nenia baa supati naareticho, neichiaakino te inia kata, payie eret lolo ooning.

Rroman 3:2

Ikiret tinirara Lyiaudi too nkoitieii kumo. Kore nekue naa Lyiaudi apa eing'urieki rerei lenye.

Yakobo 1:19

Enteyielo naa, lalachera o nkanachera ainien nacham, nchere meata lobo linchi lemesioki aning nemeipirriki airo nemesioki sii agoro,

Lkolosae 4:6

Enchoo nkirorot inchi metaa naairirikino nkata pooki nebor, payie iyielouu nijoijo tiniwolikiki pooki ng'ae.

1 Lkorinto 12:4

Keatae nkichoorot naaicharu Ltau Sinyati napaapaacha, kake lobo ake ninye.

1 Petero 2:5

nirara sii ntae soito ooichu, nechetuni ntae payie iakuku nkaji e Nkai naitibira ꞉Ltau lenye. Nitumtum aataa lturrur laa laitainok sinyat la lasar, ooitai lasarri ooicharu ꞉Ltau Sinyati, oaang'amaroii ta Nkai tankaraki inia nataasa Yeso Kristo.

Yuda 1:25

ilo laa ninye oara Nkai aang nabo, nera Laitejeunoni lang taatua Yeso Kristo, nenye nkisisa o nkitoria o ngolon o nkitoo, apake eitu eitibiri nkop o taata o ntarasi! Aamin.

Lburania 5:12

Amu kore ntae naa keyiere apa nitaa laiteng'enak, kake ewuon ake iyieuu ltung'ani oiteng'en ntae mbaa naalelek e rerei le Nkai. Kore taata ewuon ake irara ltung'ana laa kule aapeny eidim aatamat alang ndaa nagol.

1 Timoti 6:16

oara ninye ake apeny lemeye, newuon to wong'an nemenyikakinoi, nemeata hooyia ltung'ani otodua ninye, nemeata looidim atoduaa. Metaa nenye nkanyit o nkitoria ee ntarasi. Aamin.

1 Timoti 1:17

Metaa nkanyit o nkisisa ntarasi o ntarasi no Lkinkii loo ntarasi, ilo lemeye nemelioo laa ninye ake apeny Nkai, Aamin.

1 Lkorinto 3:10

Kore te nkiririkinoto e munyani naaichoo Nkai, naitamanyu lkitamanyunoto ana lachetani arriyia, nechetaa likae to ng'oji naitabaka nanu. Kake keichiaakino payie eing'or ltung'ani pooki neikunaa nchatata,

Matayo 6:13

Naa mincho iyioo kijing atua ntemat, kake talaku iyioo te Ilo torno.>

1 Petero 5:11

Metaa ngolon nenye ntarasi o ntarasi. Aamin.

Yakobo 1:26

Kore tenejo ltung'ani kera ltung'ani oyielo Nkai, kake nemeirrita lng'ejep lenye, koon ake esapita naa kore inia najo keyielo Nkai naaku ake pecheu.

Lpilipi 2:11

Naa keibalie pooki ng'ejep ajo Yeso Kristo Laitoriani, neichori Nkai Papa nkisisa teinia.

Epeso 5:20

Inchocho Nkai Papa nache ta nkarna e Laitoriani lang Yeso Kristo nkata pooki o taa mbaa pooki.

1 Lkorinto 6:20

Keitama ntae Nkai ntoki nagol nemenyieng'unoi, naaku eyanyita ninye tee sesen linchi.

Rroman 11:36

Amu kore ntokitin pooki naa ninye eing'uaa, naa ninye sii eichiwue naa ninye etiyie ntokitin pooki peetii. Metaa nenye nkisisa ntarasi, aamin!

Lpilipi 1:11

ebore ntae nenia sipat naaichoo ntae Yeso Kristo, payie errepi neisisi Nkai.

2 Lkorinto 9:13

Kore ana reto nintaitua naa keitodolu ajo kedede nkurukoto inchi, nerrep ꞉ninche Nkai amu imbung'a ntae Lomon Supati le Kristo litilimutua aajo irukurukorere. Kerrep sii aitoki ꞉ninche Nkai tankaraki ning'arierie ninche o lkulie pooki ntokitin inchi te leng'on.

Yoana 13:31

Kore payie elo Yudas, nejo Yeso, <

Rroman 12:3

Amu kore to munyani e Nkai naaichooki, kaitanap pooki ng'ae otii atua ntae payie medol koon ajo kera toki aitalang nkiririkinoto enye, kake nchoo eparraa pooki ng'ae ana naichiaakino, te risioroto e nkurukoto naichoo ꞉Nkai ninye.

2 Lkorinto 2:17

Kore iyioo, mikituwuana lkulie kumo ooitarruo rerei le Nkai aayiarie dupoto, kake ikilikorita mikisudorita toki tekue Nkai, kitii atua Kristo, ana ltung'ana oing'uaa Nkai.

Epeso 1:19

o nowua ngolon enye nemeata lnyanyukie naasicho too iyioo ooiruko. Kore inia golon naa ngolon e nkidimata enye kitok,

1 Ltesalonike 2:4

Kake kore apa eikenaka iyioo Nkai ajo ikira looisiligai te likoroto ee Lomon Supati, naa inia payie ikilikoo ana nikilikorita. Mikiro aaiting'id ltung'ana, kake payie kinting'id Nkai naaidim aing'urai ltauja lang.

Tito 2:1

Kake kore iyie, nteng'enicho mbaa naaichiaari e nkiteng'ena nadede,

Tito 2:15

Kore inteng'enicho kuna baa, ntaarriyiana ltung'ana, ning'ode ninche te nkitoria pooki niata. Mincho hooyia ltung'ani kimenu.

Lburania 13:7

Entaparru larikok linchi ootilikita ntae rerei le Nkai. Eng'ura lwuenet lenche, nirukuruk ana nairuko ninche.

1 Petero 2:12

Entewueni to nkoitiei supat taatua lolo tung'ana lemeyielo Nkai, paa kore tenedek ntae aajo irara laitarruok, neisis kenya Nkai tankaraki nenia asat inchi supati, ta nkata e nkisabakinoto.

1 Petero 4:16

Kake teneatae lobo linchi oitamaki sina tankaraki nara le Kristo, mincho edol anyit, kake nchoo eisis Nkai tankaraki naipotieki inia arna.