1 Petero 3:7 - Samburu

⁷ Kore sii ntae lpayiani, meata lemewuon tenebo o ntomononi enye, iyielolo aajo kechal ntomononi alang lpayian, ninchocho nkanyit payie meiboori nkomono inchi, amu ketum sii ninye tenebo o iyie nkichon ee ntarasi pecheu.

1 Petero 3:7 Referans Kwoze

Lkolosae 3:19

Lopayiani, entacham ntomonok inchi nimigorokinono ninche.

Epeso 5:33

Naaku taa, enchoo metaa meata lpayian lemecham ntomononi enye ana nacham koon, naa keyiere payie eyanyit ꞉ntomononi lpayian lenye.

1 Lkorinto 7:3

Keyiere neicho ꞉lpayian ntomononi enye inia naichiaakino te sesen, neiko sii ntomononi nejia ta lpayian lenye.

Matayo 18:19

<

1 Ltesalonike 4:4

metaa meata linchi lemeyielo neiko teneyieki koon nkitok naayem, newueni te sinyaticho o ta nkanyit,

Epeso 6:18

Entoomon nkata pooki to nkomono inchi pooki, eutaa ntae Ltau Sinyati. Nirripichocho ing'iriri katukul payie itumtum aatoomonoki sinyat nkatitin pooki,

Epeso 3:6

Kore inia neitu apake eyielouni naa ana, nchere kore aimu Lomon Supati, neng'amaa ltung'ana loo lkulie oreren, tenebo o Lyiaudi mayianat e Nkai naatum ltung'ana lenyena. Kera ninche o Lyiaudi rubat e sesen obo neikenakino sii lekutuk le Nkai etii atua Kristo Yeso.

Tito 3:7

Paa kore eikena iyioo ꞉Nkai ajo ikira loosipat to munyani enye, nikiaku lootum nkichon ee ntarasi, inia nikisiliguta.

Epeso 4:30

Emisinanie Ltau Sinyati le Nkai, laa ninye sipsip e lakunoto inchi kenya te inia parri.

Lburania 1:14

Amaa, mara lmalaikani pooki nkiyeng'eta naaisiai Nkai oorewi metereto lolo ootum kenya njeunoto?

1 Petero 3:1

Natomonok, entodoi ate taa lpayiani linchi, paa kore abaki tenetii loaany eibung rerei le Nkai, neyietu lwuenet linchi metaa le Kristo tenedol ninkoko tiniwuenini te sinyaticho iyanyitnyit lpayiani linchi, eitu ijoijo ntae rerei.