1 Petero 2:11 - Samburu

¹¹ Ltung'ana lainien lacham oaamanya ana kop eiching'a, nirara lapuayak, kaitarrap ntae payie iyanyany ng'uarrat ee seseni linchi naarere ltauja linchi neiminie ntae kenya.

1 Petero 2:11 Referans Kwoze

Lgalatia 5:24

Kore lolo oaara le Kristo Yeso, etecho mpukunoto enche torno tenebo o yieunot o ng'uarrat enyena.

1 Petero 4:2

payie eaku merekure aa ng'uarrat e ltung'ani naaitore, kake inia nayieu Nkai tee mperot naang'or e nkichon enye tana kop.

Lburania 11:13

Kore kulo tung'ana pooki naa ketuata eiruko Nkai neitu eng'amaa mbaa naaisiligie ꞉Nkai ninche. Ketoduaa ake ewuon elakua, neng'ida neiken aajo kera ninche lomon o lapuayak to nkop.

Rroman 8:13

Amu tiniwuenini ana nayieu mpukunoto inchi torno naa iyeye, kake tiniarrar metuata asat e mpukonoto inchi torno, to ngolon e Ltau Sinyati, ninchichu.

Yakobo 4:1

Nyo nayau larrabali o nkarnyas taatua ntae? Mara ng'uarrat torrok naayau naara taatua seseni linchi?

2 Timoti 2:22

Talama ng'uarrat torrok ee ltung'ana leleru, ninyok aaku ltung'ani loosipat, oisiligai, niata nchaman o seriani, tenebo o ꞉lolo ooipot Laitoriani taa ltauja supati.

2 Lkorinto 7:1

Naaku naa sotuatin lainien, kore tankaraki nikiata kulo lekutukie le Nkai, matung'ai ntoki pooki naitarruo seseni o ltauja lang, nikiaku sinyat le Nkai katukul kiurie ninye.

Rroman 12:1

Naaku lalachera o nkanachera, kore tankaraki lng'ur le Nkai litumo, kaitaarriyian ntae payie inchooyoyo seseni linchi metaa lasar oichu, osinya neiting'id Nkai, amu ana nkoitiei naichiaakino tinisiaayieyie Nkai.

Epeso 4:1

Naaku, kore nanu oena tankaraki naisiaaita Laitoriani, kaitaarriyian ntae entewueni te nkichon nairirikino nkupototo naipotoki ntae entaa ltung'ana le Nkai.

Rroman 7:23

kake kadol nkae golon easicho taatua rubat ainien. Kore inia golon naa nkitanapat ee ng'ok. Kerare ninche nkitanapat naayieu mparrunot ainien neirukurukore, naitaa nanu rridik taabori nenia kitanapat natii rubat ainien.

Asat 15:29

eminya ndaa naitakaki nkaitok e sapare, nimimatmat lodo, niminyanya nkiri ee suom o nee ng'uesi naatogoroki, nimiboitarere likae tung'ani te sesen mara ake ntomononi ino anaa lpayian lino. Tinintapaacherere ate kuna baa naa iasitata nairirikino. Lesere naa.

Luka 21:34

Errita ate payie meirraaya ntae luboi o merai o irran e nkichon, metaa kore inia parri nalotu, nemeirrachu ntae aluam mintekiki.

1 Petero 1:17

Naa kore tinimpotpot aajo Papa linchi, ilo oiguan pooki ng'ae meata ngela, te risioroto ee asat enche, entewueni to nkoitiei naicho ninye nkanyit irara lapuayak tana kop.

2 Lkorinto 6:1

Kore kiasicho tenebo o Nkai, ikintaarriyian ntae payie meaku munyani e Nkai nitang'amaitie ne pecheu.

2 Lkorinto 5:20

Naaku ikira iyioo looirriwayieki le Kristo, naa Nkai nasaicho taatua iyioo. Kore kilej ntae entemelet o Nkai, naaku Kristo olejita ntae.

Asat 15:20

kake payie kingeroki ninche metung'ai mbaa torrok ee nkaitok e sapare, nemeboitare likae tung'ani te sesen mara ake ntomononi enye anaa lpayian lenye, nemenya nkiri ee suom o ng'uesi naatogoroki, nememat lodo.

1 Petero 1:1

Kore ana palai naa nanu Petero, lkipaaret le Yeso Kristo eing'uaa. Kairoroki lgelunot le Nkai oaatasachakinete nkopi eiching'a e Pontos o ne Galatia o ne Kapadokia o ne Asia o ne Bitinia.

Epeso 2:19

Naaku taa kore tankaraki inia, merokure irara lomon nimirara ltung'ana leiching'a, kake irara loopeny nkop tenebo o sinyat nirara ltung'ana le Nkai.

Lburania 6:9

Sotuatin lainien lacham, kore abaki kijoito nchi, ikiata sipata naipirita ntae aajo irara ntae lchampa supat olang ilo, naa itumtum njeunoto.

1 Petero 4:12

Ltung'ana lainien lacham, emintoki aaing'asia tankaraki niimaritata kuna baa naagol naasaanieki ntae, eji atuwuana ntoki neitu aikata ening'i natumuto ntae.

2 Petero 3:1

Ltung'ana lainien lacham, kore ana palai, naa mpalai ai e are naigeroka ntae. Naa kore too kuna pala pukura, kasaan aputu ntae entaparricho taa mparrunot inchi supati!