1 Petero 2:1 - Samburu

¹ Naaku naa enturrai mbaa pooki torrok, nipalpal saparia pooki, nipalpal lom, nimintaakinono, niminyanya meteteel hoo ta mbae naje.

1 Petero 2:1 Referans Kwoze

Epeso 4:31

Enturrai mion nayau ngoro o lchut le ngoro o lbuaa o ldeket pooki tenebo sii nkiba pooki.

Yakobo 1:21

Naaku naa, enturrai mbaa pooki naaidurukie ntae o ntorno nataa kitok oleng, ning'amaa to mborron ilo rerei otipika Nkai atua ltauja linchi, oidim aitejeu nkichui inchi.

Yakobo 4:11

Lalachera o nkanachera ainien, emiro ntorrok aakur lkulikae. Kore ilo oiro ntoki torno akur lalache tanaa nkanache enye tanaa eyiaya ake mbae nadung'okinyie nkiguana, naaku mbaa naagilunore inia najo nkitanapat eiro neinguanare nkitanapat. Naa kore tining'uanare nkitanapat, naaku mira loas najo nenia kitanapat, kake ira loiguan nkitanapat.

1 Petero 3:10

Amu kejo lkigerot sinyat, <

1 Petero 4:4

Kore naa amu merekure irukokinono inia oitiei apa e nchirkala tenebo o ninche, neing'asia ninche nedekicho.

1 Petero 4:2

payie eaku merekure aa ng'uarrat e ltung'ani naaitore, kake inia nayieu Nkai tee mperot naang'or e nkichon enye tana kop.

Yakobo 5:9

Lalachera o nkanachera ainien, eminkarnyasa maate, payie meiguanareki ake ntae. Eng'ura ja! Keitache ladung'oni le nkiguana to nkutuk e nkaji.

Lburania 12:1

Naaku kore amu ikiata lturrur kitok loo ltung'ana le nkurukoto ooing'orita iyioo taa mbat pooki kikuetita, maiturrai naa ntoki pooki nairochi o inia ng'oki naonyikino iyioo oleng, nikindip inia kuetata e nkurukoto natii tekue iyioo te ng'iriata.

1 Timoti 3:11

Kore sii ntomonok enche, naa keyiere payie era naayanyitai, namara nairo mbaa torrok too lkulie tung'ana, neipidari, neisiligai taatua mbaa pooki.

1 Petero 2:22

Eitu eas ninye ng'oki, neitu eimu nkutuk enye sapare.

Tito 2:3

Nejia sii nkuna ntomonok arrarrin, ntaarriyiana metaa naawueni to lwuenet oicho Nkai rrepet. Nemeitarruo lkulie tung'ana nkarn, anaa eaku rrindiki e merai, kake keichiaakino neiteng'enicho mbaa supati,

1 Lkorinto 14:20

Lalachera o nkanachera ainien, emiparricho ana nkera kunini taa mbaa naaipirita Nkai, kake entewueni ana nkera nemeitoki eyielo taa mbaa naaipirita ntorroni, niparrichocho ana ltung'ana kutuaa taa mbaa e Nkai.

Rroman 1:29

Neiput ninche ꞉ntorroni pooki o ntorno o liboi o lmena, neboreii lom o arichoi o nchankar o nkitamaaya o mang'antiticho o nkurrare.

Luka 6:42

Tanaa, aji inko tinijoki lalache lino, nimidol iyie leng'oti nati nkong'u ino? Iyie loitaakino, ntai ang'as inia leng'oti to nkong'u ino, naa te inia kata itumoki atoduaa aitai inia somua nati nkong'u e lalache lino.

Matayo 23:28

Nejia sii itiuu ntae, kore tooriong, nilioii aajo irara loosipat tekue ltung'ana, kake kebore atua ntae nkitaakino o ntorno.

Matayo 7:5

Iyie oitaakino, tang'asa ntai koon inia leng'oti nikiti nkong'u, payie itumoki atoduaa aitai inia somua natii nkong'u e lalache lino.

2 Lkorinto 12:20

Kaurie ajo kebaki naa kairrachu ntae mitiuu ana nayieu tanalotu nitii, naa ikindimdim aatum matiu ana niyieuu. Kaurie ajo kairrachu ntae iatata nchankar o lom o lchut le ngoro o mpiani, niroro mbaa torrok naaipirita ltung'ana, niatata meteteel o nkilacha, neatae loatanya eitorei.

Mbolunoto 14:5

Neitu aikata etumieki sapare, amu kera ltung'ana lemeata nakurrieki.

1 Petero 2:16

Indimdim aataas inia eitu eisimakini ntae, kake emincho inia lakunoto inchi eaku nkoitiei niasiesie ntorrok, esiaayia Nkai ana Laitoriani linchi.

Yakobo 4:5

Tana ijo iyie pecheu ejo Lkigerot Sinyat, <>?

Yakobo 3:14

Kake kore tiniatata lom torno nirara ltung'ana laa ne maate ake enya, emiinkar ake nisapsap ate aajo kebaki neatae ndedei niatata.

1 Ltesalonike 2:3

Kore nkitaarriyiana aang, naa meing'uaa sapare, nemeing'uaa yieunot torrok, nemetii sii loseg.

1 Lkorinto 5:8

Kore tinikinya ntasim e Pasaka, mikinya kiata nkiba o ntorroni, amu inji etuwuana ana inia mukate naaisiicho, kake matam inia tasim tana ltung'ana oowong nedede amu tinikitiu nejia, naa ikira inia mukate ng'ejuk nemeisiicho.

Yoana 1:47

Nedol ꞉Yeso Nataniel elotuta, nejo kulo omon oipirita ninye, <>

Luka 11:44

Naa oi sii aitoki ntae! Amu ituwuanana nkuraren nemelio, neim ltung'ana nkeperi enche meyielo.>>

Luka 12:1

Kore inia kata, payie eiturrurro nkalupuni o nkalupuni e siamu ana metabaki neidacha ninche maate, neng'asu Yeso ajoki looiteng'eni lenyena, <

Marko 12:15

Kake kore amu keyielo Yeso ajo keitaakino ninche, nejoki, <>

Matayo 24:51

naa kedung ninye katare, neituchulaki lolo ooitaakino, naa te inie eaku nkichirata o onyata ee lala.

Matayo 15:7

Ntae looitaakino! Keibonua apa loiboni le Nkai Isaya aitibiraki naipirita ntae ajo,