1 Petero 1:8 - Samburu

⁸ Itachama ntae ninye abaki eitu idoldol, niruko abaki midolitata taata, neiputa ntae ng'ida kitok nemelimunoi

1 Petero 1:8 Referans Kwoze

Yoana 20:29

Nejoki ꞉Yeso ninye, <>

2 Lkorinto 5:7

Amu to nkurukoto kipuoito iyioo, mara taa mbaa naalioo.

Rroman 15:13

Naa meiputa ntae Nkai e siligi ng'ida o sotua irukuruk ninye, paa kore to ngolon e Ltau Sinyati nirrapaii te siligi.

Lburania 11:1

Kore nkurukoto naa sipata niata ajo kedede nenia baa nisiliguta, niata sipata ajo keasai nenia baa nimidolita.

Yoana 16:22

Nchi naa abaki itiuu ntae, isinaniono taata kake kaitoki adol ntae, neng'ida ltauja linchi. Kore inia ng'ida nitumutum, meatae looru ntae.

2 Lkorinto 4:18

Naaku mara nenia naalio kikurraki nkonyek ang aing'or, kake nenia nemelioo. Amu kore nenia naalioo naa nkiti kata ake ebik, kake kore nemelio nebik ntarasi.

1 Petero 1:6

Naa enting'idata te inia oleng, oo duo abaki aa meata ajo misinanionio tankaraki ntemat kumo niimaa te nkiti kata.

Lburania 11:27

To nkurukoto etung'ayie ninye Misiri meurie lkinkii le inia kop, neng'iri ana ltung'ani otoduaa ilo lemelioo.

1 Petero 2:7

Naaku itumtum kenya ntae ooiruk rrepeta, kake kore too lolo lemeiruk nchi ejo lkigerot, <

Lpilipi 4:4

Enting'idata taatua Laitoriani nkata pooki, naitoki ake ajo enting'idata!

1 Petero 5:4

Naa kore kenya tenelotu Lchekut Kitok, nitumutum nkiraoni e nkitoo nemomuta aikata.

Epeso 6:24

Metaa munyani e Nkai tenebo o ꞉lolo pooki oaacham Laitoriani lang Yeso Kristo te nchaman nemeyagari.

Lpilipi 1:25

Kore tankaraki natisipua ajo keisupat inia taa ntae, naa kayielo ajo kabik aichu, nawuon tenebo o ntae pooki payie ibululu, ning'idada to nkurukoto,

Rroman 14:17

Amu kore Nkitoria e Nkai naa meipirita ntoki nikinya anaa nikimat, kake kore naipirita naa nchere keitaaki iyioo loosipat nikiata seriani o ng'ida taatua Ltau Sinyati.

Yoana 14:24

Kore pooki ng'ae lamaacham nanu naa meibung rereii lainien. Amu kore ele rerei lining'itoto naa mara lai koon, kake keing'uaa Papa lai laairriwua.

Yoana 8:42

Nejoki ꞉Yeso, <

Lpilipi 3:3

Amu iyioo naa ltung'ana le Nkai oaasai Nkai erikoo Ltau lenye Sinyati, niking'idare Laitejeunoni Yeso, nimikisilig ndung'oto e sesen abaki duo aaidim nanu aisiliga.

Lgalatia 5:22

Kake kore lng'anayioi la Ltau Sinyati naa nchaman o ng'ida o seriani o ng'iriata o nanai e nkocheke o supaticho o ltau oisiligai

Lgalatia 5:6

Amu kore tanaa ira le Kristo Yeso, meata tipat kitumurataki anaa eitu. Kore ntoki naata tipat naa inia kurukoto nikindimie tachama lkulie.

2 Lkorinto 9:15

Maichoo Nkai nache tankaraki inia nkichooroto enye kitok nemelimunoi!

2 Lkorinto 1:22

Netegelua iyioo, nepik sii lminchire oitodolu ajo ikira lenyena, apik Ltau Sinyati atua ltauja lang ana sipsip ee mbaa pooki nikitum kenya.

Asat 16:34

Neitidir nkaji enye, neitoomon aicho ndaa, neng'ida o nkang enye pooki tankaraki nairuko ꞉ninye o nkang enye Nkai.

Yoana 14:21

Kore loata nkitanapat ainien neibung, ninye laacham. Naa kore laacham, nechamu ꞉Papa lai, nachamu sii nanu ninye naibalakinyie koon.>>

Yoana 14:15

<

Matayo 10:37

Kore loacham menye anaa ng'otonye aitalang nanu, naa maaichiaakino ꞉ninye. Naa kore loacham nkerai enye, aa layieni anaa ntito aitalang nanu, naa maaichiaakino.

1 Lkorinto 16:22

Kore ltung'ani pooki lemecham Laitoriani, enchoo eaku lodiaa! Laitoriani lang, wou!

Epeso 3:19

Kaomon Nkai payie ipuonunu aayielou inia chaman e Kristo narepaa yielounoto pooki, payie ebaya katukul inia kipirte e Nkai taatua ntae.