1 Petero 1:17 - Samburu

¹⁷ Naa kore tinimpotpot aajo Papa linchi, ilo oiguan pooki ng'ae meata ngela, te risioroto ee asat enche, entewueni to nkoitiei naicho ninye nkanyit irara lapuayak tana kop.

1 Petero 1:17 Referans Kwoze

Matayo 6:9

Naa, tiniomonmon, entoomon aajo inji:

Lpilipi 2:12

Naaku taa sotuatin lainien, kore ana nining'ichocho chiaake, entonyok entabai njeunoto inchi ta nkanyit o to uriata e Nkai namara ake nkata nati nanu tenebo o ntae, kake abaki nkata namatii.

2 Lkorinto 7:1

Naaku naa sotuatin lainien, kore tankaraki nikiata kulo lekutukie le Nkai, matung'ai ntoki pooki naitarruo seseni o ltauja lang, nikiaku sinyat le Nkai katukul kiurie ninye.

Lburania 12:28

Naaku kore amu iking'amaa inia kitoria nemeigusugus, maichoo naa Nkai nache. Naa kore kiata nache, maisiaayia ninye to nkoitiei naiting'id ninye, kincho nkanyit nikiurie.

Epeso 1:17

Kaamon Nkai e Laitoriani lang Yeso Kristo oara Papa openy nkitoo, meichoo ntae yielounoto o ng'eno nagut naing'uaa Ltau Sinyati, neboloki ntae mbaa ipuopuo kue aayielou ninye.

Lgalatia 2:6

Naa kore lolo arikok oaata rrepeta nchere kera toki, kajo meitoki aatoponikita te nkiteng'ena ai. Kore apa netiu ninche, naa meata tipat ta nanu, amu meing'or Nkai mbaa e oriong.

Rroman 11:20

Kedede inia, keteng'eruaki ninche tankaraki nemeata nkurukoto, naa irubakino iyie tiniwuon taatua nkurukoto. Minkar, kake tuureicho!

Matayo 22:16

Neirruaaya looiteng'eni lenche tenebo o lolo otii mbata e Erode netii Yeso, nejoki, <

1 Petero 2:11

Ltung'ana lainien lacham oaamanya ana kop eiching'a, nirara lapuayak, kaitarrap ntae payie iyanyany ng'uarrat ee seseni linchi naarere ltauja linchi neiminie ntae kenya.

Lburania 4:1

Naa kore ake ewuon etii lekutuk oitaka iyioo ꞉Nkai payie kitum nkiyeng'iyeng'ata enye, matodol ate payie meatae ake taa ntae lolau.

Lkolosae 3:25

Kore loas ntorrok naa keitalak ꞉Nkai nenia torrok naataasa, nemeata Nkai ngela.

Epeso 6:9

Kore sii aitoki ntae lkutuaa, nejia sii ake entaasa rrindiki linchi. Emibuaaki aaitogor, amu iyiololo aajo kore Laitoriani lenche laa ninye sii linchi naa keti chumata, nemeata ninye ngela.

Epeso 3:14

Tankaraki inia paagilaki Papa kung aomon,

1 Petero 3:15

Kake enkena taa ltauja linchi aajo keisinyati Kristo, oara sii Laitoriani linchi, nirretenana payie iwolikiki pooki ng'ae oipar ntae ajo nyo eitacheyie siligi linchi.

2 Lkorinto 5:6

Naaku ikiata nkitieunoto nkata pooki, naa ikiyielo aajo ewuon ake kiata kulo seseni, newuon eng'or payie kiaku tenebo o Laitoriani.

2 Lkorinto 1:2

Metaa munyani o seriani naing'uaa Nkai Papa o Laitoriani lang Yeso Kristo tenebo o ntae.

2 Lkorinto 7:11

Entodol ja mbaa naataasate tesiedi inia kata payie enyamalu ltauja linchi ana nayieu Nkai. Mara ketaa keikitok nyuata inchi, niteyieuta sii niasias mbaa aichiaaki? Kebaa itogorete tankaraki mbaa naataasate nemeichiaakino? Kebaa iatata ngureticho tankaraki wochoto nindimdim nitumtum? Kebaa iyieuu nidoldol iyioo, nebaa iterretenete payie intememe ilo tung'ani oataasa inia torno? Intodolutua ate katukul aajo meatae hoo ntoki nakurrieki ntae tana bae.

Matayo 16:27

Naa kelotu Nkerai e Ltung'ani te nkitoo e Papa lenye tenebo o lmalaikani lenyena, nemeata ltung'ani lemelaaki te risioroto e siaai enye.