1 Lkorinto 7:21 - Samburu

²¹ Rrindik apa ira iyie payie kimpot Nkai? Mincho inia bae kintanyamal, kake tanaa keatae nkoitiei nitumie lakunoto ino, niyiaya.

1 Lkorinto 7:21 Referans Kwoze

Lkolosae 3:11

Meatae ajo loo Lgirriki ira anaa loo Lyiaudi, anaa ltung'ani otumurataki tanaa leitu emurati, lomoni anaa ltung'ani leiching'a, ira rrindik anaa mira rrindik. Kristo oara pooki toki naa ninye otii pooki!

1 Lkorinto 12:13

Amu kore iyioo pooki, oo duaake kira loo Lyiaudi tanaa loo lkulie oreren tanaa rrindiki tanaa lamara rrindiki, keipatisaki iyioo pooki payie kiaku ilo sesen obo ta Ltau Sinyati, netubukokaki iyioo pooki ilo Tau Sinyati.

Luka 12:29

Emiyiaya naa ntae ntoki ninyanya anaa nimatmat, nimiirranana taa mparrunot inchi.

1 Petero 5:7

Emiing'ach, entung'aki Nkai mbaa pooki naaitanyamal ntae metanapa, amu keing'or ninye ntae.

Lburania 13:5

Emiaku ltung'ana oaata lubo ee ropiyiani, enchoo eitiemu ntae ntoki niatata amu ketejo Nkai, <>

Lpilipi 4:11

Namajoito taa nejia tankaraki naatong'orika, amu katomoo aaitiemu inia naata.

Lpilipi 4:6

Emintanyamal ate tae bae, kake kore nkata pooki niomonmon ninchirakiki Nkai, entiliki yieunot inchi inchocho nache.

Lgalatia 3:28

Kore taatua Laitejeunoni Yeso, irara ntae pooki ntoki nabo, meatae ajo Lyiaudii ira anaa ltung'ani loo loreren, rrindik anaa ilo lamara rrindik, lee anaa ng'oriei.

Luka 21:34

Errita ate payie meirraaya ntae luboi o merai o irran e nkichon, metaa kore inia parri nalotu, nemeirrachu ntae aluam mintekiki.

1 Lkorinto 7:20

Enchoo pooki ng'ae metowuana ana netiu payie eipot Nkai.

1 Lkorinto 7:22

Amu kore ltung'ani oipoto ꞉Laitoriani era rrindik, naa ltung'ani otalakua ꞉Laitoriani. Nejia sii etiu, kore ltung'ani lamara apake rrindik payie eipoti naa rrindik le Kristo taata.