1 Lkorinto 5:10 - Samburu

¹⁰ Mara taa ltung'ana le ana kop oaas mboita e sesen nemeichiaakino aimakita, tanaa loolubo tanaa loaasapaa ntokitin too ltung'ana tanaa loaasai nkaitok e sapare, amu tanaa nejia anata ipuopuo aaing'uaa ana kop.

1 Lkorinto 5:10 Referans Kwoze

1 Lkorinto 10:27

Kore teneitoomon ntae ltung'ani leitu eiruk Kristo entam ndaa tenebo o ninye, niyieuu nipuopuo, entam ake ntoki pooki natipikaki tekue ntae eitu mparuru aaitanyamal ltauja linchi.

Mbolunoto 12:9

Nenang'uni inia meu sapuk, ilo asurai le apa oji Lairirua anaa Chitani, oatasapa neitopong'oo ltung'ana le nkop pooki. Nenang'akini nkop tenebo o lmalaikani lenyena.

1 Yoana 5:19

Nikiyielo aajo ikira le Nkai, naa kore nkop pooki naa keti taabori nkitoria e ilo mang'antita torno.

1 Yoana 4:5

Kera ninche ne nkop naa inia pee eiro ana neiko nkop teneiro, nening ꞉nkop ninche.

Lpilipi 2:15

payie iakuku lemeata nakurrieki nemeata ntioto. Niakuku aitoki nkera naacho e Nkai taatua ltung'ana torrok ootopong'ori, iong'ung'u ana lakir tana kop,

Epeso 2:2

Ipuoyieyie apa nenia oitiei naapuoyie ltung'ana lemeyielo Nkai. Nirukurukorere ilo oirirua oitore nkitoria e loing'ang'e, oasicho taata taatua lolo lemening Nkai.

2 Lkorinto 4:4

Keikeno ꞉Chitani nara nkai ena kop nkonyek enche metaa medolicho, aibooyo payie medol wong'an naitoong'aki ninche ꞉Lomon Supati, naa kore inia wong'an naa Kristo oara nkitanyanyukoto nadede e Nkai.

1 Lkorinto 1:20

Amaa, koree naa laing'eni? Oo laiteng'enak loo nkitanapat, tanaa larriyiak le ana kop ooyielo aatowolu mbaa? Meibala ajo, eitaa ꞉Nkai ng'eno e nkop madai?

Yoana 8:23

Nejoki ꞉Yeso, <

1 Yoana 4:7

Lacham lainien, matachamata amu kore nchaman naa Nkai eing'uaa. Naa kore pooki oachamicho naa keino ta Nkai, neyielo Nkai.

Yoana 17:9

Kaamonoki ninche, mara taa nkop aomonoki, kake lolo likinchoo amu linono.

Yoana 17:6

Kaiteyielo lolo likinchoo to nkop nkarna ino. Kore ninche naa linono apa, nikinchoo ninche, neibung'a rerei lino.

Yoana 15:19

Tanaa le nkop irara, anata echam ntae, eji atuwuana lenyena irara. Kake mirara lenyena amu kategelua ntae tana kop. Inia dei payie eiba ntae nkop.

Luka 18:11

Neitache Lparisayoi aomon Nkai makoon ajo nchi,

1 Lkorinto 5:9

Kaitaarriyiana apa ntae ta mpalai naigeroka ntae payie miatata nchula o ltung'ana oaas mboita e sesen nemechiaakino.

1 Lkorinto 5:11

Kore natejo naa, emiata nchula o ltung'ani oji le Kristo, oas mboita e sesen nemeichiaakino, tanaa lolubo tanaa loasai nkaitok e sapare tanaa lodekicho tanaa lomera tanaa loasapaa ntokitin ee ltung'ana. Eminya abaki ndaa tenebo o ltung'ani otuwuana ilo.