1 Lkorinto 4:7 - Samburu

⁷ Amaa, ng'ae likintaa iyie le tipat alang lkulie? Nyo iata iyie namara inia nikinchoo Nkai? Naa amaa tanaa ta Nkai itang'amayie ntoki pooki niata, aanyo payie iilach?

1 Lkorinto 4:7 Referans Kwoze

Yoana 3:27

Newoliki ꞉Yoana ajoki, <

1 Petero 4:10

Meata ltung'ani leitu eicho Nkai nkichooroto payie etum ataasichere aisiaayie lkulikae ana laing'urani oisiligai le munyani e Nkai, inia natelie too nkoitieii kumo.

Yakobo 1:17

Kore nkichooroto pooki supat nemeata ng'orikinoto naa chumata eing'uaa, etodowua eing'uaa Papa oitibira ndama o lapa o lakir pooki le chumata, ilo lemeikonyi hoo aibelekenya anaa eikonyi aiwuatuwuata.

Rroman 12:6

Ikiata nkichoorot naapaapaacha te nkiririkinoto e munyani e Nkai naichooki iyioo, naaku kore ilo oata nkichooroto e naibon e Nkai, nchoo easichere ana nairirikino to nkurukoto.

Yoana 1:16

Naa kore amu kebore ninye munyani o ndedei, ikitang'amaitie sii munyani ejing mpaach e nkae munyani te inia kuputakinoto enye.

Luka 19:13

Neipot laisiaayiak tomon lenyena, meata leitu eicho enata nabo ee ropiyiani. Nejoki,

1 Lkorinto 15:10

Kake kara nanu ntoki nara tankaraki munyani e Nkai, naa kore inia munyani naaichoo Nkai, eitu eaku ne pecheu. Katonyua alang ninche pooki, naa mara nyuata ai nataasa inia, kake munyani e Nkai nati tenebo o nanu.

1 Lkorinto 7:7

Kayieu duo niwuenini ana nanu, kake keichoo Nkai ltung'ani pooki nkichooroto supat, eata likae ana, neata likae nkae.

Rroman 12:3

Amu kore to munyani e Nkai naaichooki, kaitanap pooki ng'ae otii atua ntae payie medol koon ajo kera toki aitalang nkiririkinoto enye, kake nchoo eparraa pooki ng'ae ana naichiaakino, te risioroto e nkurukoto naichoo ꞉Nkai ninye.

Rroman 1:5

Laa te ninye kitang'amaitie iyioo munyani o nkitoo naata Lkipaareta lenyena, paa kore taatua lochon pooki lemeyielo Nkai, nikintaa ltung'ana metaa looning Nkai tankaraki nairuko Lomon Supati likilikorita, nerrepi nkarna e Nkai.

1 Lkorinto 5:6

Keitorno inia kilacha inchi! Aa miyielolo ntae aajo kore nkini mukate naisiicho neisiichie mukate pooki?

1 Lkorinto 3:5

Nyo dei Apolos? Naa nyo Paulo? Ikira ake iyioo laisiaayiak oaatasichiere Nkai payie irukuruk ntae. Meatae tee iyioo lamara ilo siaai ake otegelaka ꞉Laitoriani easita.