1 Lkorinto 4:1 - Samburu

¹ Enteyielo aajo ikira iyioo laisiaayiak le Kristo ooichooki metaa laing'urak loo mbaa naaisudoyieki apa e Nkai.

1 Lkorinto 4:1 Referans Kwoze

1 Petero 4:10

Meata ltung'ani leitu eicho Nkai nkichooroto payie etum ataasichere aisiaayie lkulikae ana laing'urani oisiligai le munyani e Nkai, inia natelie too nkoitieii kumo.

Tito 1:7

Kore tankaraki nara larikoni le nkanisa laing'urani le siaai le Nkai, meata ajo meaku ltung'ani lemeata nakurrieki, namara ltung'ani laa koon ake echam, nemerrirriu asioki, namara lamerani, nemeipatipata, nemeata lubo ee ropiyiani.

1 Timoti 3:9

Keyiere payie eibung inia dedei naisudoro, naibalunyieki to nkurukoto emusoo aajo meata nakurrieki.

2 Lkorinto 4:5

Amu mara ate kilikoo iyioo, kake Yeso Kristo kilikoo ana ilo Aitejeunoni oanyutae apa, nikilikoo sii ana Laitoriani. Naa kore iyioo ikira laisiaayiak linchi tankaraki Yeso.

Epeso 6:19

nikiomonokiki sii nanu, payie aaicho Nkai rerei lajo nkata pooki nabol nkutuk ai airo, natum atilikoi te mpijan mbaa naaisudoro ee Lomon Supati,

Lkolosae 2:2

Kanyokita payie etumi aaitogolo ninche ltauja neibung'a tenebo te nchaman, netum ltung'ana sipata nadede naing'uaa ning'unoto nadede, neichori ning'unoto ee mbae e Nkai naisudoro, naa Kristo taa inia.

Rroman 16:25

Meeichori inia Ai ake nabo ng'en naidim aichoo ntae ngolon, nkisisa te Yeso Kristo! Keidim ninye aitogolo ntae ana neiteng'en ntae likoroto ai ee Lomon Supati, inia likoroto naipirita Kristo Yeso, ndedei nemeidimai payie eyielouni kake neibalunyieki taata. Keisudoro apa too ntowuon o ntowuon, kake kore taata, naa keibalunyieki neiteyieloki loreren pooki too lkigerot le naibon, ana naitanapa ꞉Nkai ee ntarasi, payie etum ninche aatining Nkai teneiruk Lomon Supati likilikorita. Metaa nenye nkisisa ntarasi, Aamin.

Lkolosae 4:3

Niomonokiki sii iyioo, metoboloki iyioo Nkai nkoitiei matilikoi rerei lenye, aalikoo kulo Omon ooipirita Kristo ooibalakinyie taata iyioo ꞉Nkai, leitu apake eibalakinyie ltung'ana tekue. Naa tankaraki sii lolo Omon paena nanu.

Epeso 1:9

Eibalakinyie iyioo yieuna enye naisudoro ana natudung'o ninye apa te Kristo.

2 Lkorinto 12:6

Kore abaki duaake tanaa kayieu naikarrie nenia baa, maaku sii lmadai amu sipata ake alimuta. Kake maikarrie payie meatae ltung'ani laailiepie aitalang inia natoduaa ninye tanaa natining'o ta nanu.

2 Lkorinto 11:23

Kera ninche laisiaayiak le Kristo? Kore tanairo aiko nchi, naa kairorita ana lmadai. Kara laisiaayiani lenye alang ninche, natonyuaa aas siaai alang ninche. Kaateenaki te jila alang ninche, naaidong'oki alang ninche, natinyikaka nkatitin kumo lkiye.

Luka 12:42

Nejoki ꞉Laitoriani, <

Matayo 24:45

<

1 Timoti 3:16

Keng'amaa pooki ng'ae nchere kore neiko ꞉ltung'ani teneyanyit Nkai naa keisudoro, nera netipat oleng: /keibalunyieki ninye era ltung'ani, neibalunyie ꞉Ltau Sinyati ajo loosipat, nedol ꞉lmalaikani. Nelikori taatua loreren, neiruki to nkop, neiliepieki aaya nkitoo e chumata.

1 Timoti 3:6

Meyiere nera ltung'ani oiruko det, payie meiliepie koon nedung'okini nkiguana torno ana apa Chitani.

2 Lkorinto 6:4

Kake kore to ntoki pooki nikias nikintodolu aajo ikira laisiaayiak le Nkai, kintirring'a aang'iri tinikitum nyamalitin, o tenegoliki iyioo mbaa o tenenya iyioo sina.

1 Lkorinto 4:13

Kore teneitarruorri iyioo nkarn, nikiro to mborron. Kore o taata ikituwuana sordo e nkop o lokudong'oi loo nkejek ee ltung'ana.

1 Lkorinto 3:5

Nyo dei Apolos? Naa nyo Paulo? Ikira ake iyioo laisiaayiak oaatasichiere Nkai payie irukuruk ntae. Meatae tee iyioo lamara ilo siaai ake otegelaka ꞉Laitoriani easita.

1 Lkorinto 2:7

Ikiimaki ng'eno e Nkai too nkoitieii nemening'u ltung'ana pooki. Ketegelua Nkai inia ng'eno ewuon eitu eitibir ana kop, payie kitum iyioo aatijing atua nkitoo enye te inia ng'eno enye.

Marko 4:11

Nejoki ninche, <

Matayo 13:11

Newoliki ꞉Yeso ninche ajoki, <

Luka 8:10

Nejoki ꞉Yeso ninche, <

Luka 1:2

ana natamakita iyioo lolo ootoduaa aasipu nenia baa ta ng'asunoto, nera sii laisiaayiak le ilo rerei.

Rroman 11:25

Amu lalachera lainien, kayieu niyielouu ana bae naisudoro, payie midoldol ate aajo irara toki. Kore naa inia naisudoro naa ana, keitogolito lbata loo Isirael nkuechi, ana meiputakinoto ltung'ana pooki loo loreren lamara loo Lyiaudi.

1 Lkorinto 4:2

Kore ake nayiere taa laing'urak naa payie etumi era looisiligai.