1 Lkorinto 3:8 - Samburu

⁸ Kore ilo oun lantararai o ilo obukoki nkare naa kerisio tipat enche, nemeata lemelak ꞉Nkai te nkiririkinoto e siaai lenye oataasa.

1 Lkorinto 3:8 Referans Kwoze

Rroman 2:6

Amu kelaaki pooki ng'ae te risioroto ee asat enyena.

2 Yoana 1:8

Errita ate payie miminienie inia nikitonyuaa aas, kake oi payie elaakini ntae ebore.

Matayo 16:27

Naa kelotu Nkerai e Ltung'ani te nkitoo e Papa lenye tenebo o lmalaikani lenyena, nemeata ltung'ani lemelaaki te risioroto e siaai enye.

Mbolunoto 22:12

Nejo Yeso, <

1 Lkorinto 15:58

Naaku taa lalachera o nkanachera ainien nacham, entacho katukul, emungusugus. Entibik nkata pooki ing'idakinono nkisiaayiare e Laitoriani, amu iyielolo aajo mara pecheu siaai linchi taatua Laitoriani.

1 Petero 5:4

Naa kore kenya tenelotu Lchekut Kitok, nitumutum nkiraoni e nkitoo nemomuta aikata.

Lburania 6:10

Kore Nkai naa keisiligai, merikino nitaasa o nchaman nintoduaita ninye, payie iretret ltung'ana lenyena sinyat, newuon ake ipuoitoto kue aaret ninche.

Lgalatia 6:4

Keyiere payie eineneng pooki ng'ae siaai enye. Naa kore inia narrepie koon, neaku nenye ake, nemeyiere neitinyinyukore koon likae tung'ani.

1 Lkorinto 3:14

Kore tenebik inia aji natecheta ninye eimieki nkima, naa ketum laata.

1 Lkorinto 3:9

Amu laisiaayiak le Nkai oaasicho tenebo kira iyioo, nirara ntae lchampa lenye o nkaji natecheta ninye.

Mbolunoto 2:23

Kamut lolo pooki ooirukurukore ninye metuata, netum nkanisani pooki aateyielo aajo nanu oyielo mparrunot o mbaa naatii ltau lo ltung'ani pooki, naa meata lobo linchi lamalaaki inia nairirikino.

1 Lkorinto 3:7

Naaku mara ilo oun namara sii ilo obukoki nkare oara le tipat, kake inia naitubulu nara netipat, naa Nkai inia.

1 Lkorinto 4:15

Amu kore abaki duaake tiniatata laiteng'enak 10,000 taatua Kristo, meatae lotiiwua ntae taatua Kristo Yeso, kake nanu otiiwua ntae taatua ninye payie aliki apa ntae Lomon Supati.

1 Lkorinto 9:7

Itining'o aikata sikarii olak koon teneas siaai loo sikarini? Keatae ltung'ani oun lchampa, nemenya lng'anayio le ilo champa lenye? Anaa keatae ltung'ani oaramat ntare, nememat kule enche?

Lgalatia 6:5

Kore pooki ng'ae, keyiere nenap lkurupa lenye makoon.

Luka 19:19

Nejoki ilo,