1 Lkorinto 3:1 - Samburu

¹ Kore sii apa nanu lalachera o nkanachera ainien, mairorie ntae ana ltung'ana ooirukurukore Ltau le Nkai, kake kairorie ntae ana ltung'ana ooirukurukore mpukunoto enche torno, nairorie ana nkera kunini neitu ebulu taatua Kristo.

1 Lkorinto 3:1 Referans Kwoze

Lburania 5:13

Naa kore pooki laa kule e lkina ake eichiwue naa ewuon era nkerai kini, nemeyielo atooro ntoki nadede o nemedede.

1 Lkorinto 2:6

Kake keatae ng'eno nikilikoo kitii atua lolo ootubulutua, neteyieloutua mbaa e Nkai. Naa kore ana ng'eno mara nana kop namara naa larikok lenyena ooidaaya.

1 Lkorinto 14:20

Lalachera o nkanachera ainien, emiparricho ana nkera kunini taa mbaa naaipirita Nkai, kake entewueni ana nkera nemeitoki eyielo taa mbaa naaipirita ntorroni, niparrichocho ana ltung'ana kutuaa taa mbaa e Nkai.

Rroman 7:14

Ikiyielo nchere kore nkitanapat naa ne Nkai, kake ltung'ani ake ara nanu, naaitaaki rrindik loo ng'ok.

1 Yoana 2:12

Nakera ainien, kaigerokita ntae, amu etapalikaki ntae ng'ok inchi tankaraki nkarna e Yeso.

Lgalatia 6:1

Lalachera lainien, tenerriaakino lobo linchi ng'oki, kore ntae oara botoro taatua nkichon e Ltau Sinyati, embung'a ninye nirrinyokiki atua mbaa supati to mborron. Nirrita sii koon payie mirriakino atua ntemat.

Matayo 16:23

Nemerregela Yeso nejoki Petero, <>

1 Lkorinto 14:37

Kore ltung'ani pooki ojo kera loiboni le Nkai tanaa loata nkichooroto e Ltau Sinyati, enchoo eyielou ajo kore inia naigerokita ntae naa nkitanapata e Laitoriani.