1 Lkorinto 2:12 - Samburu

¹² Eitu naa king'amaa iyioo ltau oaata ltung'ana le nkop, kake Ltau Sinyati ooing'uaa Nkai payie kitum aateyielo nenia baa /naichoo iyioo Nkai pecheu.

1 Lkorinto 2:12 Referans Kwoze

1 Yoana 2:27

Kore naa ntae, kemanya Ltau Sinyati atua ntae, ilo litang'amaitie apa payie eel ntae ilo Sinyati, nimiyieuu hoo neiteng'en ntae likae. Kake kore ana naiteng'en ntae Ltau Sinyati naipirita mbaa pooki, nera nkiteng'ena enye ndedei namara sapare, keiteng'ena sii ntae nchere payie iwuenini taatua ninye!

1 Yoana 2:20

Kake kore ntae, keidipa ilo obo Sinyati aela ta Ltau Sinyati, naa iyielolo pooki ndedei.

Rroman 8:1

Naaku kore taata, merekure eatae nkiguana torno too lolo otii atua Kristo Yeso.

2 Lkorinto 4:4

Keikeno ꞉Chitani nara nkai ena kop nkonyek enche metaa medolicho, aibooyo payie medol wong'an naitoong'aki ninche ꞉Lomon Supati, naa kore inia wong'an naa Kristo oara nkitanyanyukoto nadede e Nkai.

Yakobo 4:5

Tana ijo iyie pecheu ejo Lkigerot Sinyat, <>?

Rroman 8:32

Amaa ilo leitu emit eri Nkerai enye metua, kake keichorua metanang'a iyioo pooki, aji naa eiko payie meicho iyioo ntokitin pooki pecheu eichoo iyioo Nkerai enye?

Mbolunoto 22:6

Naajoki ꞉lmalaika, <>

1 Lkorinto 3:22

Linchi Paulo o Apolos o Kepa, naa ninchi nkop o nkichon o lkiye, taata o kenya. Meatae ntoki namara ninchi,

Epeso 2:2

Ipuoyieyie apa nenia oitiei naapuoyie ltung'ana lemeyielo Nkai. Nirukurukorere ilo oirirua oitore nkitoria e loing'ang'e, oasicho taata taatua lolo lemening Nkai.

1 Lkorinto 2:6

Kake keatae ng'eno nikilikoo kitii atua lolo ootubulutua, neteyieloutua mbaa e Nkai. Naa kore ana ng'eno mara nana kop namara naa larikok lenyena ooidaaya.

1 Lkorinto 1:27

Kake etegelua ꞉Nkai ltung'ana oodol nkop etuwuana kemada payie eitukurru laing'eni, negelu loaachal payie eitukurru loogol.

Mbolunoto 12:9

Nenang'uni inia meu sapuk, ilo asurai le apa oji Lairirua anaa Chitani, oatasapa neitopong'oo ltung'ana le nkop pooki. Nenang'akini nkop tenebo o lmalaikani lenyena.