1 Lkorinto 14:1 - Samburu

¹ Entonyok oleng eng'oru nchaman. Kake enchoo metaa iatata yieuna ee nkichoorot e Ltau Sinyati, naleng nkichooroto e naibon.

1 Lkorinto 14:1 Referans Kwoze

1 Lkorinto 14:39

Naaku taa lalachera o nkanachera ainien, entum yieuna nimbonichierere, nimimitmit eirori too nkutukie naaidimie ꞉Ltau Sinyati,

Lburania 12:14

Entonyok oleng eng'oru seriani o ltung'ana pooki ning'oruru sii sinyaticho, amu tenemeata ltung'ani sinyaticho naa meidimai payie edol Laitoriani.

1 Timoti 4:14

Mintololoki inia kichooroto nikitii atua, nikinchooki apa ta naibon payie kinteleki lturrur laa lpayiani le nkanisa nkaik.

1 Lkorinto 16:14

Entaas siaai linchi pooki te nchaman.

1 Lkorinto 12:1

Lalachera o nkanachera ainien, kore taa mbaa naaipirita nkichoorot naaicharu Ltau Sinyati, mayieu naaku meitoki iyielolo.

1 Lkorinto 13:13

Naaku taa kebik kuna uni, nkurukoto o siligi o nchaman. Naa kore nalang pooki naa nchaman.

1 Ltesalonike 5:20

Emimen naibon e Nkai,

1 Timoti 6:11

Kake kore iyie ltung'ani le Nkai, talama nenia pooki, ninyok aing'oru payie iaku ltung'ani loosipat, neyanyit Nkai, niaku loisiligai niata nchaman o ng'iriata o mborron.

1 Lkorinto 14:37

Kore ltung'ani pooki ojo kera loiboni le Nkai tanaa loata nkichooroto e Ltau Sinyati, enchoo eyielou ajo kore inia naigerokita ntae naa nkitanapata e Laitoriani.

1 Timoti 5:10

Netisipuaki aajo ketaasa mbaa supati: keitubulua nkera enyena aitibiraki, neitoomono lomon ta nkang enye, neituko nkejek ee sinyat le Nkai, netereto lolo oaata sina, netonyuaa aas ntoki pooki supat.

Epeso 1:3

Meisisi Nkai nara menye Laitoriani lang Yeso Kristo, ilo oatamayiana iyioo taatua Kristo tee mayianat pooki e Ltau Sinyati naaing'uaa chumata.

1 Lkorinto 12:31

Entonyok enteyiai nenia kichoorot e Ltau Sinyati naata tipat oleng. Naa kore taata kaitodol ntae nkoitiei nalus too pooki.

3 Yoana 1:11

Lacham lai, miduaaya ntokitin torrok kake toduai supati. Kore ilo oas supati naa le Nkai naa kore ilo oas ntorrok naa eitu eyielou ꞉ninye Nkai.

2 Petero 1:7

kore uriata e Nkai, niponikiki nchaman ee ltung'ana ooiruko Yeso, niponikiki nchaman ee ltung'ana ooiruko Yeso nchaman ee lkulie tung'ana pooki.

Rroman 12:6

Ikiata nkichoorot naapaapaacha te nkiririkinoto e munyani e Nkai naichooki iyioo, naaku kore ilo oata nkichooroto e naibon e Nkai, nchoo easichere ana nairirikino to nkurukoto.

2 Timoti 2:22

Talama ng'uarrat torrok ee ltung'ana leleru, ninyok aaku ltung'ani loosipat, oisiligai, niata nchaman o seriani, tenebo o ꞉lolo ooipot Laitoriani taa ltauja supati.

Rroman 9:30

Ikijuaa naa taata iyioo? Kore nikijo, naa nchere kore apa lkulie oreren leitu eyiaya neiko tenetum sipata natumie sotua oipida o Nkai, naa ketumo inia sipata. Naa kore inia sipata, naa nkurukoto eirichakino.

Rroman 14:19

Naaku naa, matonyok aas mbaa naayau sotua o mbaa nikirretenare.

1 Lkorinto 13:2

Kore tanaa kaata nkichooroto e naibon e Nkai, tanaa aata yielounoto o ning'unoto ee mbaa naisudoro e Nkai o tanaata nkurukoto sapuk ta Nkai naiwuotie lowuan, namacham ltung'ana, naaku meitoki ara.

1 Lkorinto 14:22

Naaku naa kore nkiroroto ee nkutukie nemening'unoi naa nkitodolunoto too ltung'ana leitu eiruk Kristo, namara too lolo ooiruko Kristo. Kake kore nkichooroto e naibon e Nkai naa nkitodolunoto too looiruko Kristo, namara too lolo leitu eiruk Kristo.