1 Lkorinto 13:12 - Samburu

¹² Kore taata mbaa pooki naaipirita Nkai, naa ikidol eirupurup atuwuana nkomom te kitaap, kake ikidol kenya ninye nkomom. Mayielo taata ntoki pooki, kake kayielou kenya pooki ana naayielo nanu ꞉Nkai katukul.

1 Lkorinto 13:12 Referans Kwoze

1 Yoana 3:2

Lacham lainien, kore taata naa ikira nkera e Nkai, naa ewuon eitu eibalunyieki nikitiuu kenya. Ikiyielo aajo kore tenelioi Yeso, naa ikitiuu ana ninye amu ikidol ninye ana netiu.

2 Lkorinto 3:18

Kore iyioo pooki ooing'or nkitoo e Laitoriani ana kitaap too nkomomi nemeisiapa, neibelekenyi iyioo matutuwuana nkitanyanyukoto nabo o ninye, nelo nkitoo enye kue aaponikino iyioo. Kore ana, naa Laitoriani eing'uaa oara ninye Ltau Sinyati.

Lpilipi 3:12

Majo taa nanu kaidipa atumo inia tanaa sii kaitabayie, kake kanyokita abaya payie atum aibung'a inia metaa nanai tankaraki kaaibung'a sii apa ꞉Kristo Yeso.

Mbolunoto 22:4

Kedol ꞉ninche nkomom e Nkai, neigeri nkarna enye too nkomomi enche.

Yakobo 1:23

Amu kore ake loning ilo rerei nemeas ana nejo, naa inchi etuwuana ltung'ani ochil nkomon enye te kitaap,

2 Lkorinto 5:7

Amu to nkurukoto kipuoito iyioo, mara taa mbaa naalioo.

Matayo 5:8

Emayiana lolo oaata ltauja supati, amu kedol ꞉ninche Nkai.

1 Lkorinto 8:3

Kake kore ltung'ani oacham Nkai naa ilo tung'ani eyielo ꞉Nkai.

Rroman 8:18

Kadol ajo kore sina le ng'amata e taata, naa meitoki tenetemieki inia kitoo naibalunyieki kenya metaa nanang.

Matayo 18:10

Entodol emimen nabo ee kuna kunini. Amu kajoki ntae nchere, kore lmalaikani lenche naa kedol nkata pooki nkomom e Papa lai oti chumata.

Yoana 10:15

ana naayielo nanu Papa, nayielo sii nanu ninye. Naa kaitai nanu nkichui ai tankaraki nkerra.

1 Lkorinto 13:11

Kore apa ara nkerai nairo ana nkerai, naparricho ana nkerai, nadol mbaa ana nkerai, kake kore taata ataa ltung'ani kitok, maitoki aas ntokitin e keraicho.