1 Lkorinto 12:10 - Samburu

¹⁰ Neicho likae nkidimata naasie ne nking'asia, kore likae neicho nkichooroto e naibon, neicho likae nkidimata naorie Ltau Sinyati o lairiruani, neicho likae nkidimata nairorie too nkulie kutukie naaidimie ninye, neicho likae nkidimata nalimunyie nejo nenia kutukie.

1 Lkorinto 12:10 Referans Kwoze

1 Lkorinto 14:39

Naaku taa lalachera o nkanachera ainien, entum yieuna nimbonichierere, nimimitmit eirori too nkutukie naaidimie ꞉Ltau Sinyati,

1 Yoana 4:1

Lacham lainien, emiiruk ltau pooki, kake entisipu ltauja payie iyielouu tanaa Nkai eing'uaa, amu ketijing'a nkop ꞉loibonok kumo le sapare.

Marko 16:17

Naa kuna nkitodolunot naaku tenebo o lolo laairuk nanu. Kore ta nkarna ai naa kearaa lairiruani meipung'o neiro too nkutukie ng'ejuko,

Lgalatia 3:5

Amaa ꞉ilo oicho ntae Ltau neas mbaa e nking'asia taatua ntae, keas nenia tankaraki nimbung'utata nkitanapat ana tankaraki iruko ilo rerei litining'o?

Marko 16:20

Nepuo laaduo ooiteng'eni aalikoo to ng'oji pooki, neasicho Laitoriani tenebo o ninche, eitodolu ajo kedede ilo kilikuai too nkitodolunot naataa tenebo o ninche.

Mbolunoto 2:2

1 Ltesalonike 5:20

Emimen naibon e Nkai,

1 Lkorinto 13:8

Meiting aikata nchaman. Kore naibon e Nkai naa keiting, neiting nkutukie naaidimie ꞉Ltau Sinyati meirori, neiting sii yielounoto.

Rroman 15:19

o taa asat naaitodolu nkitoo enye o taa mbaa e nking'asia o to ngolon e Ltau Sinyati. Paa kore ang'asu te Yerusalem o lubot naanyikita ana metabaki mbata e Ilirikum, nalikoo Lomon Supati le Kristo to ng'oji pooki.

Rroman 12:6

Ikiata nkichoorot naapaapaacha te nkiririkinoto e munyani e Nkai naichooki iyioo, naaku kore ilo oata nkichooroto e naibon e Nkai, nchoo easichere ana nairirikino to nkurukoto.

Asat 19:6

neiteleki Paulo ninche nkaik nejing ꞉Ltau Sinyati, neng'asu airo too nkulie kutukie neibonicho.

Asat 11:28

Kore lobo lenche oji Agabas, neinyuototo aibonu eutaa Ltau Sinyati, ajo kelotu nkolong kitok nkop pooki ee Rroman. Naa ketabayie apa ana te nkitoria e Kilaudio.

Asat 5:3

Nejoki ꞉Petero, <

Asat 1:8

Kake itumtum ngolon kenya tenelotu Ltau Sinyati atua ntae, nilimumu sipata ai te Yerusalem o to nkop pooki e Yudea o Samaria o neiting'ie nkop.>>

Yoana 16:13

Kake kore tenelotu Ltau le ndedei nerikoki ntae ndedei pooki, amu melimu ninye mbaa enyena makoon. Kore ake pooki naning, nelimu, neliki sii ntae mbaa naawuon epuonu.

Yoana 14:12

Kajoki ntae sipata nadede, kore ilo laairuk nanu naa keas sii ninye nenia asat naas nanu, neas abaki mbaa kutuaa naalang kuna, amu kaloito netii Papa.

Luka 24:49

Kore naa, karewaki nanu ntae lekutuk oitayia ꞉Papa lai, kake entewueni te lkerenket ana meichori ntae nkidimata naaing'uaa keper.>>

Lburania 2:4

Neitisipua sii Nkai ajo kedede inia limunoto enche tee asat naaitodolu nkitoo enye o mbaa e nking'asia o asat napaapaacha e ngolon enye o tee nkichoorot e Ltau Sinyati naaichorua ana nayieu ninye.

Asat 11:27

Kore tee nenia perot, nepuonu loibonok le Nkai ooing'uaa Yerusalem Antiok.

1 Lkorinto 11:4

Naaku kore lpayian pooki oamonito Nkai neibonicho tenetumore ltung'ana le Nkai eisiapa nkue, naaku meyanyit Kristo.

1 Lkorinto 14:13

Naaku kore ltung'ani oiro too nkutukie naaidimie ꞉Ltau Sinyati, keyiere naa neomon Nkai meichoo nkidimata naibalunyie inia najoito.