1 Lkorinto 10:13 - Samburu

¹³ Kore inia temata nitumo, taparru ajo ntemat ake naatiu nejia eimarita ltung'ana pooki. Naa keisiligai Nkai amu meicho ntae etum ntemat naalang nindimumu. Kore aitoki teneitemei ntae, naa keitibir Nkai nkoitiei nimpung'unyienyie taatua nenia temat payie itumtum aating'iria.

1 Lkorinto 10:13 Referans Kwoze

2 Petero 2:9

Naaku mara keyielo naa ake Laitoriani neiko teneitai taatua ntemat lolo oourie ninye, neitaanyu lolo torrok mparri e Nkiguana, epikita ng'udi?

2 Timoti 4:18

Kaalaku nanu ꞉Laitoriani taatua mbae pooki torno, naaya nkitoria enye e chumata te seriani. Metaa nenye nkisisa ntarasi o ntarasi. Aamin.

2 Ltesalonike 3:3

Kake keisiligai Laitoriani, naa keitogol ntae, neirrita ntae te ilo torno.

Lburania 12:4

Kore inyaitata larrabal aaibooyo ng'ok, ewuon naa eitu imbooyoyo ana meibukori ntae lodo.

1 Ltesalonike 5:24

Kore ilo oipoto ntae naa keisiligai, naa keas ninye.

Luka 22:46

Nejoki, <>

2 Lkorinto 1:10

Keyiata kinyikaki lkiye, kake ketalakua iyioo Nkai, naa keche ake alaku iyioo. Nikitipika sii siligi lang ninye aajo keitoki ake alaku iyioo,

Mbolunoto 3:10

<<

Mbolunoto 2:10

Emiurie nenia baa, nemeata ajo metum ntae. Enteyielo naa aajo kenang'aki ꞉Chitani lbata linchi atua jila payie etumi aatasaan ntae, niimaa ilo sina mperot tomon. Kake entaa loosiligai ta nanu, abaki tanaa keri ntae entuata. Kore nkopiyia e nkisulata naicho ntae naa nkichon ee ntarasi.

1 Petero 4:19

Naaku taa, enchoo lolo tung'ana ootum sina te yieuna e Nkai, epuo kue aas supati, nepik nkaik e Nkai nkichoni enche e taata o ne nkata nalotu, inia Ai naisiligai nera Nkai naitayia pooki toki.

1 Yoana 1:9

Kore tinikimbalie ng'ok ang, naaku kepaliki ninye iyioo, neitoki aitukoo iyioo ntorroni pooki, amu keisiligai ninye nera lopeny sipat.

1 Lkorinto 1:9

Keisiligai Nkai naipotoka ntae nchula e nkerai enye Yeso Kristo, Laitoriani lang.

Lburania 11:11

Naa to nkurukoto apa etumo abaki Sara nkidimata natang'asunyie ichoi o Abraam abaki etaarrarra ninye oleng, nera sii olipi, amu keiruko ilo oitaka Abraam lekutuk.

Lburania 10:23

Mikipal kilimu aaipidaki ilo siligi likijo ikiata, amu keisiligai ilo oichoo iyioo lekutuk.

Luka 11:4

Tapaliki iyioo ng'ok ang, amu ikipaliki sii abaki iyioo lolo pooki oitarroki iyioo. Nimirik iyioo atua ntemat.> >>

Lburania 6:18

Naaku kore aimu kuna baa are nemeibelekenya aikata naataasa Nkai, neitu taa esapicho Nkai, kore iyioo ooisigakita ninye, nikitum rreten kitok nikimbung'ie aaitirrichaki ele siligi otipikaki tekue iyioo.

Mbolunoto 19:11

Naitoki adol chumata etobole, naa ng'ura, eti mbarta naibor naitache teinie, naa kore lowuenita keji nkarna Loisiligai neji aitoki Lodede naa ndedei easichere tenedung nkiguana o tenenya larrabal o lmang'ati lenyena.

Luka 16:26

Kore aitoki, ketipikaki terichet iyioo o ntae ng'erem naado, metaa kore lolo ooyieu nelang'u nitii ntae, nemetumoki. Nemelang'u sii lolo ootii nitii, nikitii iyioo.>

Asat 27:44

Kore lkulie nelang'ie nkeek dapachi, tanaa mbelesat e meli. Nelang pooki eserian teinia oitiei.

Matayo 6:13

Naa mincho iyioo kijing atua ntemat, kake talaku iyioo te Ilo torno.>