1 Lkorinto 1:8 - Samburu

⁸ Keitogol sii ninye ntae entachoto katukul to nkurukoto metabaki nkiting'oto, payie iakuku ltung'ana lemeata nakurrieki ta Mparri e Laitoriani lang Yeso Kristo.

1 Lkorinto 1:8 Referans Kwoze

1 Ltesalonike 3:13

payie etum aitogolo ltauja linchi taatua sinyaticho, nitumtum aataa lemeata ntioto tekue Nkai Papa lang, ta ng'amata e lotunoto e Laitoriani lang Yeso Kristo tenebo o sinyat lenyena pooki. Aamin.

Lkolosae 1:22

naa eyewua Nkai taata melet terichet ntae o koon aimu lkiye le Nkerai enye natua to nkop payie etum aitaa ntae sinyat, ltung'ana lemeata ntioto nemeata nakurrieki tekue ninye.

Lpilipi 1:6

Kayielo sii katukul ajo kore Nkai natang'asua siaai lenye supat taatua ntae naa kelo kue aas aaidip ana metabau inia parri e Laitejeunoni Yeso.

2 Ltesalonike 3:3

Kake keisiligai Laitoriani, naa keitogol ntae, neirrita ntae te ilo torno.

Epeso 5:27

netum ayaki koon nkanisa naipilipil nemeata rachata anaa ntioto anaa ntoki natuwuana inia pee eaku nkanisa sinyati nemeata kusaka.

Rroman 16:25

Meeichori inia Ai ake nabo ng'en naidim aichoo ntae ngolon, nkisisa te Yeso Kristo! Keidim ninye aitogolo ntae ana neiteng'en ntae likoroto ai ee Lomon Supati, inia likoroto naipirita Kristo Yeso, ndedei nemeidimai payie eyielouni kake neibalunyieki taata. Keisudoro apa too ntowuon o ntowuon, kake kore taata, naa keibalunyieki neiteyieloki loreren pooki too lkigerot le naibon, ana naitanapa ꞉Nkai ee ntarasi, payie etum ninche aatining Nkai teneiruk Lomon Supati likilikorita. Metaa nenye nkisisa ntarasi, Aamin.

1 Petero 5:10

Tinindipdip aaimai sina te nkini kata, kore Nkai napeny munyani pooki, inia naipoto apa ntae te Kristo payie ing'arng'ar nkitoo enye nemeiting aikata, naa kerrinyoki ntae atua mbaa supati, neitogol ntae, neitacheyie payie mingusgus.

Lpilipi 1:10

Nitumutum aatisipu inia supat, niakuku ltung'ana lemeitaakino lemeata nakurrieki ana metabau inia parri e Kristo,

2 Petero 3:14

Naaku naa lacham lainien, kore ianyutata nenia, entonyok payie etumi ntae iatata sotua o Nkai, miatata ntoki nakurrieki ntae nimiatata ntioto.

Rroman 14:4

Ng'ae ira iyie payie inguanare laisiaayiani le likae? To lopeny eitache, naa to lopeny erriaa. Naa keitacheyieki tankaraki keidim Laitoriani aitacheyie ninye.

2 Petero 3:10

Kake kelotu mparri e Laitoriani meitekini ana lapurroni. Naa kore inia parri, keimin chumata te nkikirikiroto sapuk, neidakie lapa o ndama o lakir ꞉nkima, nepejori ntoki pooki naitibiraki to nkop.

2 Lkorinto 1:21

Amu Nkai naitogol ntae o iyioo payie ikimbung'are Kristo.

2 Lkorinto 1:14

Kebaki naa mining'ung'u mbaa pooki taata, kake kaisilig ajo ining'ung'u katukul mparri nabo. Kore ta mparri e Laitoriani lang Yeso Kristo, ing'idakinono ntae iyioo niking'idakino sii iyioo ntae.

1 Lkorinto 5:5

enchoo ele tung'ani Chitani meitiemio sesen lenye payie eitejeuni ltau lenye ta mparri e Laitoriani.

Luka 17:24

Amu kore ana netiu nkiwuang'ata naitoong mbat pooki e loing'ang'e, naa nejia kenya etiu lotunoto e Nkerai e ltung'ani ta mparri enye.

Luka 17:30

Naa nejia etiu kenya ta mparri naibalunyieki Nkerai e ltung'ani.

Rroman 8:19

Kore ntokitin pooki naaitibirua ꞉Nkai, naa keisiluguta oleng ꞉ninche oleng nkera e Nkai meibalunyieki.

1 Lkorinto 3:13

keliooi kenya netiu siaai le pooki ng'ae. Amu kore kenya, keibalunyie inia ꞉parri e nkiguana ilo siaai te nkima, teneimieki siaai oataasa pooki ng'ae inia kima.

2 Lkorinto 1:13

Amu kingerokita ake ntae mbaa nindimdim aisoma nining'ung'u.

Lkolosae 2:7

ninchocho metaa ninye nkitamanyunoto naunie neitubulunyie ntae Nkai. Entacho taatua nkurukoto ang, ana naiteng'enaki ntae nimipalpal inchocho Nkai nache.

1 Ltesalonike 5:2

amu kore ntae maate, naa iyielolo katukul aajo kelotu mparri e Laitoriani ana neiko lapurroni tenelotu meitekini kuarie.

2 Ltesalonike 2:2

payie minchocho meigusugusie ntae mparrunot tanaa eituria ntae mbae najo etabawua inia parri e Laitoriani, eji atuwuana iyioo eing'uaa, pee era te ltau, tanaa te rerei, tanaa ta mpalai.

2 Timoti 1:12

Naa inia payie aanyaita kulo sinaitin, kake kore eyia, madol hooyia anyit, amu kayielo ilo lairuko naata sipata ajo, kore inia natipika nkaik aainien naa keidim airrita ana metabau inia parri.

2 Timoti 1:18

Meichoo ꞉Laitoriani ninye metumo lng'ur ta Laitoriani, kenya te inia parri. Naa iyielo iyie nowua reteto naatereto ꞉ninye te lkerenket le Epeso.