1 Lkorinto 1:10 - Samburu

¹⁰ Kaamon ntae lalachera o nkanachera ainien ta nkarna niyanyitnyit e Laitoriani lang Yeso Kristo, entining'oto pooki miatata oro taatua ntae, niakuku nabo katukul taa mparrunot o too nduaat.

1 Lkorinto 1:10 Referans Kwoze

1 Lkorinto 12:25

payie meatae oro taatua sesen, kake payie eatae naboicho, eretuno rubat pooki.

Rroman 12:16

Enchoo metaa irara loaata mparrunoto nabo, nimitumtum mparrunot niliepiepie ate aaitalang lkulie, kake entuchulare abaki ltung'ana oomena, nimidoldol ate aajo irara ng'eni.

2 Lkorinto 13:11

Kore naa lalachera o nkanachera ainien, kajo ana aidipita. Entingidata, ninyoknyok aaibelekeny nkoitieii inchi, nining'ining nkitaarriyiana ai, nining'ong'o, niwuenini te seriani. Naa keaku Nkai e nchaman o ne seriani tenebo o ntae.

1 Lkorinto 11:18

Kore nekue, kaatilikaki nchere kore chiaake tinipuonunu aatumo ana nkanisa, iatata oro naa kairuko eitu.

Lpilipi 1:27

Ntoki nabo ake naata tipat oleng, nchere payie iwuenini te nkichon inchi ana naichiaakino too Lomon Supati le Kristo, paa kore tanatumoka ayeu atoduaa ntae tanaa eitu, naning ajo intachoo katukul to nduata nabo o ltau obo inyanya larrabal le nkurukoto ee Lomon Supati.

Rroman 16:17

Kaitaarriyian ntae lalachera o nkanachera, entodol lolo ooyau oro o mbaa naaitopong'oo aaitung'aa ntae inia kiteng'ena apa naiteng'enaki ntae. Naaku entalam ninche!

2 Lkorinto 5:20

Naaku ikira iyioo looirriwayieki le Kristo, naa Nkai nasaicho taatua iyioo. Kore kilej ntae entemelet o Nkai, naaku Kristo olejita ntae.

1 Lkorinto 4:16

Naaku kaitanap ntae entoduaayieki,

Asat 4:32

Kore lolo pooki ooiruko Yeso, neaku nabo taa ltauja o taa mparrunot. Nemeatae hoo ltung'ani oiken ntokitin naata ajo nenyena aapeny, kake ketang'ara ntokitin enche pooki tenebo.

Yoana 17:23

ati nanu atua ninche nitii iyie atua nanu, payie eaku ninche katukul nabo, netum nkop ateyielo ajo ikirriwua, nitachama ninche ana nikitachama nanu.

1 Ltesalonike 5:13

Ninchocho ninche nkanyit te nchaman kitok oleng tankaraki siaai enche. Entubulai seriani taatua ntae!

Rroman 12:1

Naaku lalachera o nkanachera, kore tankaraki lng'ur le Nkai litumo, kaitaarriyian ntae payie inchooyoyo seseni linchi metaa lasar oichu, osinya neiting'id Nkai, amu ana nkoitiei naichiaakino tinisiaayieyie Nkai.

Yoana 10:19

Nepuku aitoki nchankar taatua larikok loo Lyiaudi tankaraki e lolo rerei ootejo Yeso.

1 Petero 2:11

Ltung'ana lainien lacham oaamanya ana kop eiching'a, nirara lapuayak, kaitarrap ntae payie iyanyany ng'uarrat ee seseni linchi naarere ltauja linchi neiminie ntae kenya.

2 Timoti 4:1

Kaareki aitaarriyian iyie tekue Nkai o tekue Kristo Yeso, oiguanare looichu o lootuata, o tankaraki nalotu ninye aitoreicho ana Lkinkii, nchere

Lpilipi 3:16

Kore nayiere naa tinikipuo kue kimbung inia nikindipa aateyielo.

2 Lkorinto 10:1

Kejo lkulikae linchi, <> Kaomon naa nanu ꞉Paulo ntae to mborron o to supaticho e Kristo,

Yoana 7:43

Nepuku oro te ilo turrur, tankaraki Yeso.

Marko 2:21

Meatae ltung'ani, oripaki rache e nkila ng'ejuk nkila musana, amu teneiko nejia, naa keng'erari ꞉inia kila ng'ejuk to musana, nerroyo nkijata oleng.

Matayo 9:16

Meatae ltung'ani oripaki rache e nkila ng'ejuk nkila musana, amu keng'erari inia rache te inia kila musana, nerroyo nkijata oleng.

1 Timoti 5:21

Kaaitanap iyie katukul tekue Nkai o Kristo Yeso o lmalaikani oogeluno, payie iimbung kuna kitanapat, nimidung mbae nimisip, nimiata ngela.

2 Ltesalonike 2:1

Lalachera o nkanachera, kore naipirita nchukunoto e Laitoriani lang Yeso Kristo o neikoni teneiturrurri iyioo mataa tenebo o ninye, naa ikilej ntae

Lgalatia 4:12

Kalej ntae lalachera lainien, entaa ana nanu, amu ataa sii nanu ana ntae, tankaraki merokure ati taabori nkitanapat. Eitu kintarrokiki ntae nanu.

2 Lkorinto 6:1

Kore kiasicho tenebo o Nkai, ikintaarriyian ntae payie meaku munyani e Nkai nitang'amaitie ne pecheu.

Rroman 15:30

Kore ta Laitoriani Yeso Kristo o te nchaman naaichoo ꞉Ltau Sinyati, kaitaarriyian ntae lalachera o nkanachera ainien, entam larrabal tenebo o nanu to nkomono kiomonokitata Nkai.

Yoana 9:16

Nejo lbata loo Lparisayo, <> Nejo lkulie, <> Nepuku nchankar taatua ninche.

Rroman 1:13

Kayieu niyielouu lalachera o nkanachera aajo mara nkata nabo atanape alotu nitii, kake naaiboori ana metabaki taata. Kore payie ayieu nalotu nitii, naa payie etum Lomon Supati lalikorita aatiuu lng'anayio taatua ntae, ana payie etiutua too lkulie oreren.

1 Lkorinto 1:11

Amu, lalachera o nkanachera ainien, kaatiaakita ltung'ana le nkang e Kileo ketii nchankar atua ntae.

1 Lkorinto 3:3

tankaraki ewuon ake irukurukorere mpukunoto inchi torno. Amaa tanaa ewuon iatata lom o nchankar taatua ntae, meitodolu inia ajo ewuon eitore ntae mpukunoto inchi torno?

2 Lkorinto 13:9

Kore tanaa ikichal iyioo nigolgol ntae, naa iking'ida. Naa ikiomonoki ntae payie irrinyuonyo aaipid nkoitieii nchi.

1 Petero 5:10

Tinindipdip aaimai sina te nkini kata, kore Nkai napeny munyani pooki, inia naipoto apa ntae te Kristo payie ing'arng'ar nkitoo enye nemeiting aikata, naa kerrinyoki ntae atua mbaa supati, neitogol ntae, neitacheyie payie mingusgus.

Marko 3:24

Naa kore teneoro nkitoria arere koon, meidim inia kitoria aitacho.