Tito 2:3 - Buglere

³ Kaire ba muinga juma ulita tke tangle chage ene: Ama chagedale no trate diali Chube takalin kare. Ama me gerudale ngwale kwiandi. Ama me lle gage janga. Muinga juma chage no ene muinga biale ñage gwage muinga jumadi, ene chke uñale muinga bialege ama mo ta gbadale chage no Chube takalin kare.

Tito 2:3 Referans Kwoze

Tito 2:4

Muinga juma chage no trate ñage muinga biale tke tangle muinga biale chagedale ene: Muinga biale mo ta gbadale tañachuge no onbre gdaitre alin ole ta dbadale no mo olia ole.

1 Timoteo 3:11

Kaire muinga agedale diali no mo onbrella kare, ene ama no kwian na gwage, kwian na ama gai dage. Ama me gerudale ngwale kwiandi. Ama me mo chugadale ngwadi age me no. Ama mo ta dbadale lle boi no diali.

Tito 1:7

Kwian Chubenu chugagwalla, ama kwian lle boanga Chube alin, malen noare kwian ene chage trate no kwian ulita gwa giti. Ama me mo gbadale ma no ma kweri daba nage. Ama me kwian ta skochienga. Ama mo ta gbe me lle gage janga me chage llale. Ama me kira batanga daba ole. Ama me tañachugadale igi gai lle giti ngwale daba ngeru.

1 Timoteo 3:8

Ene kaire kwian Chubenu chugagwalla chudaboanga ai kare gadale: Ama agedale no diali, ene ama no kwian na gwage, kwian na ama gai dage. Kwian ulita ole ama gerudale diali ulia. Ama mo ta gbe me lle gage janga me chage llale. Ama me tañachugadale igi gai lle giti ngwale daba ngeru.

Romanos 16:2

Cha takalin ba ama gai ngwange no che Chugagwalla Jesucristo giti, ama no Jesucristo ole. Ba daba na nu Jesucristo gaba ulia gai ngwange no kare ba muinga ai gai ngwange no ta ene ole, ba ama chudaboi no ulita ama takalin kare, ama daba na chudaboanga tanre no, kaire ama cha chudabo tanre, ene ba ama chudaboale kaire.

Efesios 5:3

Cristo giti Chube gwage badi ba kwian no trate, malen ba ulita Chubenu mo ta gbadale age me no chuge ngwadi, ba muirenu ba onbrenu me mo ta gbadale mo chuge ke giti, kaire ba me mo ta gbadale age me no sugaska ni sidri, kaire ba me mo ta dbadale takalin lle ulitage mau alin. Ba kwian Chubenu me mo ta gbadale age me no ene kare ni ba ñage tañachuge age ene giti.

Apocalipsis 2:20

Agwa ulia cha gerule ba ole, lle gweale me skwen no chage ba kle age giti. Ba kle muinga kada Jezabel chuge ngwadi gerule geru ngwale me ulia giti ba kwian Chubenu ole. Muinga e kle gerule ama kle kwian tke tangle Chube gerua ulia giti agwa ama kle kwian Chubenu anblite geru ngwale giti, kaire muinga e kle kwian Chubenu muirenu onbrenu ta gbe chage ke giti Jezabel kle age kare, ama kle kwian Chubenu ta gbe bligda kaitaba lle oña ngwale kwian me Chubenu kle gai chuberege gute. Ama kle sole ngwale kwian ole gire kwian kle mo ta blite age me no Chube dollale. Ba kle muinga e chuge ngwadi age me no ene ulita baske.

Hebreos 5:12

Ulia sbali ba Chube gerua Jesucristo giti gaba ulia gire ene nege tangle ba daba na tkadale tangle Chube gerua giti, agwa ba ta bebi kle biale daba tke tangle, diali kwian gweale kledale ba tke tangle nakwaite Chube gerua Jesucristo giti amaña ba gaubi gwangea giti. Ulia ba salengwli kirogwa soli bebitra me ñage lle mno gute kare, kirogwa soli bebitrage me bligda mno ketakle, diali bligda erutu chiale jusuli kare ketakle kirogwa solige.

1 Timoteo 5:23

E me gerule ba chi alin jadale ba me vino jadale, chui gweale ba oga kde ole, ma no ba vino jai sidri, ene ba me oga kde ole.

Romanos 1:29

Kwian ene ulita agenga tanre daga ngwale me no ai kare: Muire onbre mo chuge ke giti. Kwian chage ta me no ole age me no diali. Kwian mo ta dbe lle tanre gai mau alin. Kwian mo ta gbe age tanre me no daba dollale. Kwian takalin lle dabanuge mau alin. Kwian daba gwangada. Kwian mo ta dbe kira bate daba na ulita ole diali. Kwian daba anblitanga agedale me no daba ole. Kwian me tañachuge no ni sidri. Kwian geru jinanga ngwale dabadi daba na ulita ole.