Mateo 5:17 - Buglere

¹⁷ Jesu gerudu dare: —Cha me chiu gerule ba ole ba me agedale dare Moisés nu Chube gerua degaba unsuialin kle gerule kare, ni cha chiu gerule ba ole kwian Chube gerua ketanga dabage unsuialin geru amanu ngwale. Cha chiu ba ulita tke tangle no trate geru amaña giti Moisés chada degu kare kaire kwian Chube gerua ketanga chada degu kare, cha chiu geru e ulita trennga bage.

Mateo 5:17 Referans Kwoze

Lucas 16:17

E me gerule Moisés nu Chube gerua degaba unsuialin geru e me no ba kle toi nege alin, geru e ulita no ba ulita alin. Nga ngaña giti kaire nga dba ai giti, nga e ulita be bidege, agwa Moisés nu Chube gerua degaba mi bidege dale ni geru gbaite be bidege, geru e ulita be chege diali chui tangle kwian ulita alin.

Romanos 8:4

Chube agedu Jesucristo giti che alin ene che ulita ñage age Chube gerua gerule kare, Jesucristo giti Chube Oña kle che tale. Che me mo chugale ngwadi age me no dare talla age me no diali che ta gbu age ngeru kare, ma no che Chube Oña chugale ngwadi che ta gbe, ene che ñage age no Chube gerua gerule kare.

Romanos 3:31

Che kwian israelita mo ta gbe Jesucristo gai ulia, e me gerule che kle Moisés chadalla gai ngwale me ñanaske che me age dare chada e gerule kare, me ene, che mo ta gbe Jesucristo gai ulia, ene kaire che ñage mo ta gbe age ma no Chube takalin kare Moisés chadalla gerule kare.

Mateo 7:12

’Ba takalin kwian na ulita age ba alin, kaire ene ba mo ta gbadale age ene kwian na ulita alin. Moisés nu Chube gerua degaba unsuialin kaire kwian Chube gerua ketanga ulita nu Chube gerua degaba unsuialin, geru e ulita gerule kwian ulita agedale no ene daba alin.

Mateo 3:15

Jesu jaindunga: —Ba me tallade e giti, ba mo ta gbadale age cha alin cha ñe chiske, Chube takalin che age ene Chube gwa giti, ene Chubege suge che kle age no ama takalin kare. Jesu gerudu ene gire Juan-Bautista mo ta gbu age Jesu gerudu kare.

Hechos 18:13

Kwian ulita Pablo dbanga gerudu chugagwalla Galión ole: —Onbre ai kle chage kwian ulita ta gbe chage Chube nate Chube gai dage ama me gerule salengwli Moisés chadalla degaba cha kwian israelita ulita alin kle gerule kare.

Hechos 6:13

Kaire ma giti dare kwian daba tkanga tangle Moisés chadalla giti kaire kwian israelita chugagwalla juma kwian na gau gerule ngwale Esteban dollale, kwian e gerudu: —Onbre e kada Esteban kle gerule me no diali u gerungwa Chube ole dollale kaire Moisés chadalla dollale.

Juan 8:5

Moisés Chube gerua degu unsuialin, chada e gerule muinga age muinga ai agedu kare che muinga skiadale ke giti che muinga gwadaleda. Ba kwian tkanga tangle geruge, ¿ba gerule mine muinga ai giti? ¿Che age mine ama ole?

Hechos 21:28

ama ngautu: —¡Cha bitalla israelita, cha chudaboi onbre ai gai! Onbre ai kle chage nga ulitage kwian tke tangle geru nganakege, ama kle gerule che suia dollale ama kle gerule Moisés chadalla dollale ama kle gerule u gerungwa Chube ole dollale. Kaire ama me agedu no ama kwian gdaite me israelita du gwa u gerungwa Chube olege ene u chegu sugaska Chube gwa giti, ama me kle u ai gai dage, u aige kwian israelita alin ñage joge gwa gerule Chube ole.