Mateo 28:10 - Buglere

¹⁰ Jesu gerudu muinga e ole: —Ba me ta kennga gerule cha giti. Joga geru kete kwian geru jwannga chage ulitage ama jogedale nga Galileage ten cha ngwange, ne ngwadi ama be gwage chadige —Jesu gerudu ene ulita María-Magdalena ole kaire María na ole.

Mateo 28:10 Referans Kwoze

Romanos 8:29

Gwangea unsuialin Chube bebi kwian dodade gire uñadu Chubege kwian bai ulita be ama gai ulia, Chube kwian ene gau mau alin mo kirollale mo jianle, ene kwian e talla chege salengwli Chube Kirollanu Jesucristo talla kare, ene Chube Kirollanu chege kwian na tanre ulitage daballa juma kare.

Juan 20:17

María-Magdalena chku Jesu uñe nate, María-Magdalena be Jesu gai kodi gire Jesu gerudu María-Magdalena ole: —Ba me cha chugedi, cha bebi jogeni cha Ñenua ngwadi, agwa cha takalin ba joge kwian geru jwannga chage ulita ta gbe cha giti, ama ulita cha daballa kare, ba gerule ama ulita ole cha be jogeni cha Ñenua ngwadi, ba ulita chagedu cha ole, cha Ñenua ama ba Ñenua kaire, ama cha Chubea, kaire ama ba ulita chagedu cha ole Chubea.

Mateo 28:7

Joga blikare kwian geru jwannga Jesuge gdataboko giti gdaite kle ngwadi, ba geru ketadale ama ulitage Jesu giti, ba geru ai kete ama ulitage: “Jesu chkuni gwade, ama be joge nga Galileage ba ngeru, ba ulita jogedale ne ngwadige ten ama ngwange.” Ba geru kete ene ama ulitage cha kle gerule kare ba ole. ¡Joga, joga!

Marcos 16:7

Joga blike kwian geru jwannga Jesuge gdataboko giti gdaite kle ngwadi, ba geru ketadale ama ulitage Jesu giti, ba geru ai kete Pedroge kaire kwian geru jwannga na ulitage: “Joga nga Galileage, Jesu be joge nga ege ba ulita ngeru, ne ngwadige ba be ten ama ngwange ama gerudu kare ba ole ama bebi jogekeda gire.” Ba gerudale ene Pedro ole kaire kwian geru jwannga na ulita ole. ¡Joga, joga!

Mateo 28:5

María-Magdalena kaire María na jo chke ne ngwadi gire lle boanga Chube alin nga ngaña giti gerudu muinga e ole: —Ba me kennga, uñale chage ba kle chage Jesu jinade nate.

Mateo 14:27

Gire Jesu gerudu ama ulita ole: —Ba me kennga, ba mo ta gbe kiraske, cha amaña kle chage.

Juan 6:20

Jesu gerudu: —Ba me kennga chadi, cha amaña kle chage.

Mateo 25:45

Kwian be geru kade ene chage gire cha be jainnga ama kalen: “Ulia ulia cha gerule ba ulita ole, ba me kwian cha gerua gaba chudabo lle me ama ole gire, ba me lle ketu amage e salengwli ba me cha agali chudabo kare. Ba me kwian ene chudabo, ene kaire ba me cha chudabo.” Cha be jainnga ene kwian mo ta gbu age me no kalen.

Mateo 25:40

Kwian be geru kade ene chage, gire cha be jainnga: “Cha gerule ulia ba ulita ole, kwian tanre cha gerua gaba ulia me lle molen, ba kwian ene manadu no, ba lle ketu amage, ba ama chudabo, e salengwli ba cha agali chudabo kare.”

Mateo 26:32

Cha be jogeda, cha jaba be chkeni gwadeni Chube kiralla giti gire cha be joge nga Galileage ma ngeru ba ulitage, ba be joge cha nate gire nga ege che be mo lite ule.

Mateo 28:9

Muinga boke kledu jrite geru kete kwian geru jwanngage gire Jesu chku mo kaite muinga ege jonke, Jesu gbi kadu muingage: —¿Che kle mine? Muinga boke jo Jesu gitigu ama jongnagwa skutu dba ko bliu Jesu seradi Jesu gai dage ama Jesu olladu.

Mateo 28:16

María-Magdalena ule María na ole jo chke kwian geru jwannga Jesuge gdataboko giti gdaite ngwadi, muinga e Jesu gerua ulita ketu ama ulitage gire geru jwannga ulita jo nga Galileage jwichuga Jesu nu geruba ama ole giti kare.