Mateo 27:15 - Buglere

¹⁵ Diali Pascua chuiage chura kaire kaire Pilato kwian ageba me no kle skage gweale gdaite skajwanngenga kwian ulita takalin kare.

Mateo 27:15 Referans Kwoze

Hechos 25:9

Pablo gerudu ene gire Festo takalin chege no kwian israelita ole, kwian israelita takalin Pablogeni una Jerusalénge malen Festo geru kadu Pabloge: —¿Ba ta jogekalinni una Jerusalénge? Llani kwian be ba gbe jiske chage, cha be gerule ba giti bdagli llani ba jiske o me jiske.

Hechos 24:27

Chura gdaboke Félix kledu age ene Pablo ole agwa Pablo me su igi kete. Félix me tadu agekalin Pablo ole kwian israelita tadukalin kare, malen ama kledu Pablo manange skage sbali. Gire bdagli Félix me chegu kwian nga Judeamu chugagwallale dare, kwian na kada Porcio-Festo chegu kwian nga Judeamu chugagwallale Félix tanege. Félix tañachugu ma no Pablo chuge ngwadi skage me su Pablo skajwennga, ama tadu chegekalin no kwian israelita ole malen Félix Pablo jigu skage, ene chugagwalla ama tanege ñage age Pablo ole.

Juan 19:16

Kwian gerudu ene mno Pilato ole gire Pilato me ñadu gerule dare Jesu giti, Pilato Jesu ketu kwian israelita ulitage gwaleda kruge, kwian israelita jo Jesu dbe agedale dagale me no Jesu ole ama ulita takalin kare.

Lucas 23:16

Cha be ama kwabate alin gire bigwa cha be ama chuge ngwadi gbale.

Mateo 26:5

Kwian e ulita gerudu modi: —Che me ñage age gweale Jesu dollale Pascua chuiage, kwian tanre be kle chui ege chui ollade una aige, che age me no Jesu ole kwian ngleaske gire kwian ulita be kira bate modi Jesu gdale, ma no che chui na manade kwian ngle me kle mo litaba una aige gire —kwian israelita chugagwalla ulita gerudu ene modi.

Mateo 27:16

E suiale kwian gdaite agenga tanre me no kada Barrabás kledu skage agedu me no gdale. Kwian ulitage uñadu Barrabás agedu tanre me no malen e gdale ama kle skage.

Lucas 23:17

Pilato be kwian gdaite kle skage skajwanngenga ama age diali kare Pascua chuiage, malen Pilato takalin Jesu skajwanngenga,

Lucas 23:18

agwa kwian ulita ule ngautu kweri: —Kwian ai gwangeda, Barrabás chuge ngwadi gbale.