Mateo 26:35 - Buglere

³⁵ Pedro ka bo mno Jesu ole: —Cha me dale, cha me mo tallade cha jogekeda ba ole ule, cha mi gerule kwian ole cha me ba uñe, cha be chege ba ole diali. Pedro gerudu ene, kaire agwe kwian geru jwannga Jesuge na ulita kledu eni gerudu salengwli Pedro gerudu kare.

Mateo 26:35 Referans Kwoze

Romanos 11:20

Ba kle tañachuge ene ba me kle tañachuge no, Chube kwian israelita chugu ngwadi sugekare glinanga tkabanga mliabanga kare kwian israelita me mo ta gbu Chube ole Chube gai ulia giti. Ba mo ta gbu Chube gai ulia, e alin giti Chube ba gau mo alin, e me gerule ba kwian no age no giti, me ene, Chube ba gau ba mo ta gbu ama ole gai ulia giti. Ba me ñage tañachuge mo gai dage mo giti kwian israelitage, ma no ba mo ta gbe chage ta giti Chube ole Chube gai ulia diali.

Juan 13:37

Pedro gerudu dare Jesu ole: —Cha Chugagwalla, ¿mineade ba gerule cha ole cha me ñage joge ba ole nege? Cha kle biale joge ule ba ole baini kaire ba be joge ngwadi, kaire cha tale cha kle mo ta gbaba biale jogeda ba giti.

1 Pedro 1:17

Ba ulita Chube kade mo Ñenua, Chube e amaña gerunga kwian gdaite gdaite giti bai jiske bai me jiske. Chube me kwian gweale gbe ma no kwian nage, Chube gwage kwian ulita kle agedi kle age no o kle age me no, kwian ulita bai kle age me no Chube kwian e gbe jiske. Bage suge Chube ene, malen ma no ba ulita mo ta gbadale Chube gai dage age no ama takalin kare chui tangle nga dba ai giti.

Filipenses 2:12

Cha daballa cha ibotea Cristo giti, cha no no ba ole diali. Cha kledu baske cha geru tragu ba ole ba chagedale ta giti kwian ulita gwa giti, ba agedu ulita cha gerudu kare. Nege cha kle bate, noare ba ta gbe age diali cha kle chada ai degange ba alin nege gerule kare. Chube ba jun siere ji chugege ba age me no gdale, Chube takalin ba age no diali, ba Chube gadale dage ba agedale no ama takalin kare.

1 Corintios 10:12

Ba gweale tañachuge ai kare mo giti: “Cha kwian no trate, cha kle age no trate diali ulita, cha me kle age me no sidri.” Ba kle tañachuge ene mo giti ba chagedale ta giti, ba kwian, kwian ulita ñage mo ta gbe age me no ba enusulian unsuialin agedu kare, malen ba mo ta gbadale chage ta giti me mo chuge ngwadi age gweale me no.

Mateo 10:33

Agwa kwian bai kaire gerule me no cha giti nga dba ai giti kwian ulita gwa giti, kwian e gerule kwian ulita ole ama me cha gai ulia ama me cha uñe, ene kaire bdagli cha be gerule cha Ñenua ole cha me kwian e uñe dale, ama me kwian chanu.