Mateo 24:10 - Buglere

¹⁰ Chui ege tangle kwian tanre cha gerua ganga be cha gerua chuge ngwadi be mo ta blite age me no joge siere cha geruage, kwian ene ulita be jainchke modi ongoru ongoru kaire be daba kete boadale daga ngwale tanre kwian chugagwallage.

Mateo 24:10 Referans Kwoze

Lucas 21:16

Chui bdagli bebi chke gire ba ñenua, ba chebia, ba daballa, ba bitalla ulita, ba skatemanalla, kwian ene tanre be ta jwlite ba dollale be ba kete kwian chugagwallage boadalenga daga ngwale cha gerua gdale, kwian chugagwalla e be ba gweale gwangeda cha gerua gdale.

Marcos 13:12

Chui bdagli bebi chke gire kwian be ta jwlite mo daballanu dollale be mo daballa kete kwian chugagwallage gwaleda cha gerua gdale, kaire ñenua be ta jwlite mo kirogwallanu dollale be mo kirogwalla gwangeda cha gerua gdale, kirogwa be ta jwlite mo ñenua dollale mo chebia dollale be mo chebia mo ñenua gwangeda cha gerua gdale.

Mateo 11:6

“Nga suga no kwiandi kwian bai cha gai ulia Chube nu cha kagaba kwian ulita jwanngale siere ji chugege age me no gdale, kwian bai mo ta gbe cha gai ulia ene diali, kwian ene me jogenga cha giti mo tale, ama be chege ta suga no ole.” Ba geru e ulita kete Juan-Bautistage cha alin.

2 Timoteo 4:16

Timoteo, kaire cha gerule ba ole kwian kle age mine cha ole aini. Gwangea cha dule kwian chugagwalla ulita gwa giti kaire kwian na tanre kledu eni gwa giti, chui ege cha gerudu mo giti gballa, kwian ulita Chubenu me cha chudabo, cha chugle ngwadi gballa gerule kwian ngle gwa giti, ni malen kwian gdaite cha chudabo gerule no cha giti gerule no Jesucristo gerua giti. Kwian Chubenu ulita bai kledu cha ole kwian ngle gwa giti ama chegu kamne me gerudu cha chudaboale, cha takalin Chube tai dage amage, ama agedu giti Chube me tallade.

Mateo 10:21

’Cha gerua gdale kwian be ta jwlite mo daballanu dollale be mo daballa kete kwian chugagwallage gwaleda, kaire ñenua be ta jwlite mo kirogwallanu dollale be mo kirogwalla gwangeda cha gerua gdale, kirogwa be ta jwlite mo ñenua dollale mo chebia dollale be mo chebia mo ñenua gwangeda cha gerua gdale.

2 Timoteo 4:10

Demas me ta boikalin daga ngwale cha ole ule, ama cha chugu ngwadi sugekare, ama jo una Tesalónicage lle na boi mau alin ama takalin kare. Crescente jo nga kweri Galaciage, Tito jo nga kweri Dalmaciage,

2 Timoteo 1:15

Uñale bage kwian Chubenu tanre nga kweri Asiage cha chugu ngwadi gballa, Figelo kaire Hermógenes, ama cha chugu ngwadi gballa.

Mateo 13:57

Kwian gerudu ene Jesudige malen kwian me jaindu Jesu gerua gai ulia, sugedu kwiange Jesu kwian ngwale. Jesu gerudu kwian e ulita ole: —Cha gerule ba ole, kwian Chube gerua ketanga kle joge nga baini kairege kwian tke tangle Chube gerua giti, kwian nga emu kle kwian Chube gerua ketanga keruchuge kle ama gerua gai dage. Agwa kwian Chube gerua ketanga jogeni mo bitallaske mo jwiage ama manadre ngwadi, nga ege kwian me ama gai ngwange no, ni ama bitalla kle gwa ama gai kwian Chube gerua ketanga ulia kare, kwian me ama gerua gai dage ni kwian ama keruchugakalin —Jesu gerudu ene kwian ama jwiamu ole.

Mateo 24:11

Kaire agwe chui ege tangle kwian daba tkanga tangle geru ngwale me uliage, kwian ene tanre be chie tangle gerule ama kle chage geru ulia Chubenu dbe kwian alin, agwa ama kle sole ngwale kwian ole kle geru ngwale trage, kwian tanre be mo anblitange kwian ege be ama gerua ngwale gai ulia.