Mateo 22:16 - Buglere

¹⁶ Malen ama ulita mo skatemanalla gweale kagu ule kwian chugagwalla rey Herodes skatemanalla gweale ole tienda Jesudi Jesu kle ngwadi mo chuge Jesu ole Jesu gbe gerule gweale chugagwalla kweri emperador dollale giti, kwian e ulita jo chke Jesudige gire gerudu Jesu ole: —Ba kwian tkanga tangle geruge, uñale chage ba diali kle gerule ulia trate, kaire ba kle kwian ulita tke tangle geru ulia giti kwian toidale mine Chube takalin kare. Ba kle gerule kwian ulita ole salengwli, ba gwa giti kwian salengwli ulita. Ba kle mo ta gbe age ene diali me mo tallade kwian tañachuge mine badi giti.

Mateo 22:16 Referans Kwoze

Marcos 3:6

Jesu onbre ko kwebanga dodadu undege chuiage kwian fariseo gwa giti, e giti kwian fariseo ulita ta skochiu tanre Jesudi jo siere blike u ege, ama ulita mo ta gbu ule chugagwalla Herodes skatemanalla ulita ole ama ulita mo ta gbu salengwli Jesu gbe jiske Herodege Jesu agedu giti, ene Herodes be Jesu gwangeda talla jo chke kwian fariseoge kaire Herodes skatemanalla ulitage.

Marcos 12:14

Kwian e ulita jo chke Jesudige gire gerudu Jesu ole: —Cha ulita ba gai kweri, uñale chage ba diali kle gerule ulia trate, ba kle mo ta gbe gerule ene diali me mo tallade kwian tañachuge mine badi giti, ba gwa giti kwian ulita salengwli, ba kle kwian ulita tke tangle salengwli geru ulia giti kwian toidale mine Chube takalin kare. Ba kwian ene malen cha geru kade bage gbaite, ba jainnga cha kalen ba tañachuge mine. Geru gbaba nga Romage kwian ulita igi ketadale kwian chugagwalla kweri emperador nga Romamuge, cha me kwian nga Romamu, cha kwian israelita, gire ¿no Chube gwa giti cha igi kete kwian chugagwalla kweri emperador nga Romamuge ama kle kade chage kare o me?

Marcos 8:15

Jesu kwian geru jwannga ulita ta gbu me geru ngwale gai, Jesu gerudu ama ulita ole: —Cha gerule ulia ba ole, ba mo ta manadale chage ta giti kwian fariseoske kaire chugagwalla rey Herodege, ba me mo chuge ngwadi ama levaduralla gai pan dodale mo alin.

1 Juan 5:20

Che ulitage uñale trate Jesucristo Chube Kirolla chiu nga dba ai giti che alin, ama che ta gbu suge trate Chube mine, Jesucristo giti che Chube ulia uñe, Jesucristo giti suge trate chege Chube e Chube ulia. Chube Kirolla Jesucristo giti che Chubenu kaire che Jesucristonu, Jesucristo giti che be toi diali chui tangle Chube ole Jesucristo ole nga ngaña giti.

Juan 18:37

Jesu gerudu ene Pilato ole gire Pilato geru kadu Jesuge: —Ba gerule ene, ¿e kle gerule ba ulia kwian chugagwalla? Jesu gerudu: —Ima, cha kwian chugagwalla ba kle gerule kare. Cha medunga nga dba ai giti, cha chiu geru ulia kete kwian ulitage, kwian ulita bai kaire mo ta gbe no geru ulia ole ama cha kerua gbe gdadi.

Juan 14:6

Jesu jaindunga: —Cha agali jonkare kwian ulita alin, cha giti alin allabi kwian ñage joge chke cha Ñenua ngwadi, cha giti geru ulia cha Ñenua giti chke uñale kwiange, kaire cha giti kwian ñage toi diali chui tangle cha Ñenua ole.

Juan 7:18

Bai kle gerule mo talla giti agali, kwian ene kle age no daba na gwa giti ulita, ama takalin daba na ulita gerule no ama giti. Agwa cha me kwian ene kare, cha alin ma no kwian ulita gerule no cha kaganga giti, cha kle gerule ama talla giti, cha kle gerule ulia cha kaganga takalin kare, cha me kle sole.

Santiago 3:17

Agwa kwian Chubenu bai kle Chube chuge ngwadi ta kete amage toi trate ta ole Chube takalin kare, kwian ene kle mo ta gbe toi no trate daba na ulita gwa giti Chube takalin kare, me age me no ni tañachuge me no mo tale, kwian ene kle age ai kare: Ama mo ta gbe chege ta no ole daba na ulita ole, me kira bate daba ole. Ama mo ta gbe age no daba na alin diali daba gai dage daba chudaboi no. Ama mo ta gbe suge tai dage daba nage age no diali daba na alin. Ama kle mo ta gbe daba ulita gai dage no salengwli, age no daba ulita alin salengwli. Ama mo ta gbe gerule ulia ta no ole daba ole diali, me gerule sugekare dabadige.

1 Tesalonicenses 2:4

Me ene, Chube cha gau geru Jesucristo giti dbe kwiange gerule geru ulia gerule kare, Chube gwage che ulitadi, suge amage che ta mine, amage uñale che mine ulita, malen cha me gerudu kwian takalin kare, cha gerudu Chube takalin kare.

Gálatas 2:6

Kwian Jesucristo ganga ulia mo salengwli gai mo chugagwallale, chugagwalla e ulita kweri kwian ulita gwa giti, agwa cha me tañachuge e giti, Chube gwa giti kwian ulita salengwli, chugagwalla e ulita cha keruchugu gerule geru Jesucristo giti dbe kwianske giti, sugedu amage cha kledu gerule ulita giti trate, ama me geru na ketu chage tragadale kwian na ole. Sugedu trate kwian Jesucristo ganga ulia chugagwalla ulitage Chube cha gau geru Jesucristo giti dbale kwian me israelitaske Chube Pedro gau kare geru Jesucristo giti dbale kwian israelitaske.

Gálatas 1:10

Cha me kle kwian kerua manade gerule no cha age no giti, cha ta agekalin Chube takalin kare. Cha mo ta gbe age kwian takalin kare ene cha me kle age Chube takalin kare, ene cha me lle boanga no Cristo alin ulia.

2 Corintios 5:16

Nege cha Cristonu malen cha me tañachuge cha tañachugu ngeru kare, ngeru cha bebi Cristo gai ulia cha tañachugu kwian ulita nga dba ai giti tañachuge kare daba na giti, diali cha chegu tañachuge daba na ulita giti bai ma no bai ma kweri bai gerule ma no, e suiale cha tañachugu ene kare daba ulita giti diali. Ene kaire ngeru cha tañachugu Cristo giti, chage sugedu ama me kweri, cha ama gau kwian ngwale kare, agwa nege cha me tañachuge ene kare dare, nege suge trate chage Cristo chema ulia, ama cha ta blitu nganake.

2 Corintios 4:2

Cha me mo ta gbe chage age me no sugaska skwlenre dare, cha age me no ulita chugu ngwadi cha kle mo ta gbe chege sugekare age me no ulita sugaskage. Nege cha kle mo ta gbe chage age no ulita Chube gwa giti kaire kwian ulita gwa giti, cha me kle chage geru ngwale me ulia trage kwian ole ene kwian anblite geru me uliage, cha me kle Chube gerua blite nganake tragadale kwian ole cha takalin kare, me ene, cha kle mo ta gbe geru ulia Jesucristo giti alin trage no trate diali kwian ulita ole Chube takalin kare, ene ñage suge kwiange cha kle geru no ulia trage ama ole.

2 Corintios 2:17

agwa Chube cha gau cha kagu geru Cristo giti dbe kwian ulitaske, cha kle geru kete kwiange Chube cha ta gbe kare Chube kirallaske me mo kirallaske. Cha me kle geru dbe kwian na tanre kle geru dbe kare, kwian ene kle chage geru dbe gire kle igi kade mo alin geru dbe giti, cha me kle mo ta dbe age ene kwian geru ganga ole.

Lucas 7:40

Kwian fariseo kle tañachuge ene mo tale Jesudi muinga giti, e chku uñale Jesuge gire Jesu gerudu kwian fariseo e ole: —Simón, cha gerukalin gbaite ba ole. Simón gerudu: —Kwian tkanga tangle geruge, gerule cha ole.

Marcos 10:17

Jesu jo chage dare gwangerugu, gire onbre gdaite chiu jrite Jesu ngnagu jonkare, onbre e mo jongnagwa skutu dba Jesu ngwange Jesu gai dage gire ama gerudu Jesu ole: —Ba kwian tkanga tangle noare, cha takalin ba geru kete chage, ¿cha llema boadale nga dba ai giti gire ene cha ñage toi no diali chui tangle Chube ole nga ngaña giti?

Mateo 26:49

Judas-Iscariote jo chke Jesudige, gerudu Jesu ole: —Cha tkanga tangle geruge, ¿che kle mine? Judas-Iscariote gbi kadu ene Jesuge gire ama Jesu sobadu.

Mateo 26:18

Jesu jaindunga: —Joga una Jerusalénge ba ten kwian gdaite ngwange, amage ba gerule: “Cha tkanga tangle geruge cha kagu gerule ba ole, ama gerudu: ‘Cha chuia kle kodi jogeda, nege cha ta jogekalin ba ullage Pascua chuia ollade bdagli ule kwian geru jwannga chage ulita ole.’ ” Ba geru kete ene kwian ege.

Mateo 22:26

agwa daballa e kaire jokeda ni ama kirogwa molen gdaite muinga e giti. Gire onbre jogebakeda daballa na ama nate mo jun muinga amaña ole, agwa ama boidu salengwli ama daballa ngeru gdaboke kare, ama gdamai ulita jokeda ni muinga ko toidu kirogwage gdaite. Boidu ene ulita onbre gdaguke e ulita ole, ama ulita gdaite gdaite mo jun muinga amaña ole, muinga e chegu ama gdaguke muiralla, agwa ulita gdaguke jokeda gdaite gdaite, ni ama gdaite kirogwa molen muinga e giti.

Mateo 22:24

—Ba kwian tkanga tangle geruge, uñale bage Moisés Chube gerua degu unsuialin, chada e gerule kwian onbre jogekeda me kirogwa molen mo muira giti, gire ama daballa na kle gwade mo jwandale ñanea oli ole, ene onbre e kirogwa molen muinga e giti daballa jogebakeda alin, ene daballa olia chege gdaite muinga e giti. Moisés chadalla gerule ene.

Marcos 12:13

Kwian israelita chugagwalla mneite jo siere Jesuge ta skochie ole, ama ulita mo ta gbu Jesu tke gdege, ama takalin Jesu gerule gweale, ene Jesu tke skage Jesu gerudu giti. Malen ama ulita kwian fariseo gweale kaire kwian chugagwalla rey Herodes skatemanalla gweale kagu tienda Jesudi Jesu kle ngwadi mo chuge Jesu ole Jesu gbe gerule gweale chugagwalla kweri dollale giti.