Mateo 21:43 - Buglere

^43-44 Cha gerule ba ole ke e giti, kwian gweale joge chke dba ke e giti kwian lentige, ke e joge chke dba kwian giti kwian mnuña alin chege ke e kote. Cha salengwli ke mliabanga kare, kwian bai me cha gai ulia ama salengwli kwian u dodanga kare, kwian bai me ta cha gakalin ulia, bdagli kwian ene be boi tanre daga ngwale be chege ji chuge diali. Cha gerule ba ole, ba kle age cha ole salengwli kwian uva mananga agedu kwian uva mauña kirolla ole kare, ba me cha gakalin ulia malen Chube be mo gerua cha giti kete kwian nage kwian me israelitage, kwian e be geru e gai ulia.

Mateo 21:43 Referans Kwoze

Mateo 21:41

Kwian israelita chugagwalla ulita jaindunga Jesu kalen: —Kwian uva mauñage be chke uñale, gire ama mi tai dage kwian agedu me no ama kirolla olege, ama be kirolla jia gbe kwian e ulitage be kwian e gweda. Kaire agwe ama be kwian na gbe uva ngama manade kwian bai mo ta gbe uvagba bonga uva mauñanu kete uva mauñage uvagba joge dabe suiale.

1 Pedro 2:9

Agwa ba ulita Jesucristo gau ulia, Chube ba gau mo alin, ba Chube olia, Chube ba gau lle boangale Chugagwalla Jesucristo alin, Chube ba gau toidale no trate mo gwa giti, Chube ba gau mo alin Jesucristo giti, ba Chubenu ulia. Ngeru ba me Jesucristo uñu ba chagedu nga jereske kare, ba chagedu age me no sugekare Chubege, ba kledu ene gire Chube ba ta gbu suge Jesucristo giti salengwli jichra kle kwian gbe ten nga jereske kare, Jesucristo giti Chube ba ta blitu joge siere age me noge. Chube agedu no no ene Jesucristo giti ba alin, ama agedu ulita no ba alin ba tragadale kwian na ole.

Juan 3:3

Jesu gerudu Nicodemo ole: —Cha gerule ulia ulia ba ole, kwian me menga nabitaite me ñage joge Chube ngwadi, kwian ene me Chubenu.

Juan 3:5

Jesu jaindunga: —Cha gerule ulia ulia ba ole, kwian ulita menga nge jondege soli chebia kote, menga ene alin allabi giti kwian me Chubenu me ñage toi Chube ole, agwa kwian ulita mo ta chugadale ngwadi Chube Oñage mo ta blite, ene ama Chubenu, be toi Chube ole, e salengwli kwian menga nabitaite kare.

1 Corintios 13:2

Chube ta kete chege Chube gerua kete kwiange Chube Oña kle geru kete chege kare, chege Chube talla ulita suge trate, che geru ulita tanre uñanga Chube giti, che kwian ene agwa che me no daba na ole che kle age ngwale. Diali che Chube gai tanre ulia, ta ene ole che lle kade Chubege, uñale chege che gerule jwichuga giti Chube ole jwichuga jwen gbe nga nage, Chube age, che kwian ene agwa che me no daba na ole ngwale che kle ta dbe ene.

Mateo 12:28

Cha me kle dolla kage siere kwiange Satanás kiralla giti, me ene, Chube Oña kiralla giti cha kle dolla kage siere kwiange, e giti nege chkedale uñale ba ulitage ulia Chube cha kagu ba ulitaske aini age ama kiralla giti.

Mateo 21:42

Jesu gerudu ama ulita ole: —Ulia ba gerudu e ulia. Cha gerule ba ole, Chube be age ene kwian ole kwian bai me Chube Kirolla gai ulia. ¿Ba me nu Chube gerua batabanga? Chube gerua degaba unsuialin tangle gerule Chube Kirolla be boi giti, chada e gerule: “Kwian u dodanga ke gbu gerere, ke gbaite ama mliunga, ama gerudu ke e me no dale ke e ngwale, agwa ke e ama mliunga, ke e ma no ke na ulitage. Kwian ke gbu ulita gerere, nga bebi ke gbaite alin gere me kle kiraske, ke mliabanga gbere gerere gire u chegu kiraske. Ai ulita Chube dodadu malen nga suga noare chedige.” Chube gerua degaba unsuialin gerule ene.