Mateo 21:34 - Buglere

³⁴ Chui jo sbali gire uva mauñage chku uñale uvagba joge dabe suia chku gire uva mauña kwian lle boanga gweale mo alin kagu uvagba bonga amanu kade mo alin kwian uva manangage.

Mateo 21:34 Referans Kwoze

Mateo 22:3

Chui e chku, lle ulita kledu biale mo jwen chuia ollade gire kwian chugagwalla lle boanga mo alin gweale kagu kwian ulita kade mo lite ule mo kirolla mo jwen chuia ollade, agwa kwian ngle jo kadaba me jaindu mo lite mo jwen chuia ollade.

Mateo 21:35

Kwian lle boanga e ulita jo chke kwian uva manangadige uvagba kade uva manangage, kwian uva mananga ulita kira batu ama ulita ole, uva mananga kwian lle boanga gdaite guda, ama lle boanga gdaite lendegu, ama lle boanga gdaite skiu ke giti.

Mateo 21:38

Kwian uva mananga ulita gwagedu uva mauña kirolladi chie ama gitigu, gire ama ulita gerudu modi ongoru ongoru: “Kwian chiu e uva ngama mauña kirolla, bdagli ama be chege ama ñenua llea ulita dbia ulita mauñale. Ale ama gweda, ene lle ulita be chege chege, che be chege uva ngama ai ulita mauñale.”

Mateo 21:40

Jesu geru ñachugu ene ulita gire geru kadu kwiange: —¿Ba tañachuge mine geru e giti? Kwian uva mauñage be chke uñale boidu ulita ama kirolla ole gire ¿ama be age mine kwian uva mananga ulita ole?

Mateo 21:41

Kwian israelita chugagwalla ulita jaindunga Jesu kalen: —Kwian uva mauñage be chke uñale, gire ama mi tai dage kwian agedu me no ama kirolla olege, ama be kirolla jia gbe kwian e ulitage be kwian e gweda. Kaire agwe ama be kwian na gbe uva ngama manade kwian bai mo ta gbe uvagba bonga uva mauñanu kete uva mauñage uvagba joge dabe suiale.

Marcos 12:1

Kwian israelita chugagwalla tanre kledu mo litaba Jesudi, ama alin Jesu geru ñachuge, Jesu gerudu: —Cha gerule ba ulita ole, kwian onbre gdaite uva ngama gbu gire ama gere gbu uva ngama giti tangle, kaire ama nga dodadu uvagba chia ogangwa, kaire ama dbi gweale jigu ngwale uva ngamaske u gbangwa, ama ke ulla dodadu jeike ngaña uva ngamaske uva manangwa. Uva ngama mauña lle e bo ulita bigire ama kwian gweale gau uva ngama manangale ama uva ngama ketu kaire u uva manangwa ketu uva ngama mananga ulitage, uva ngama mauña uva ngama jigu uva manangage gire ama jo toi nga batege sbali.

Marcos 12:7

Uva mauña kirolla medu jonkare uva manangage gire uva mananga gerudu modi ongoru ongoru: “Kwian chiu e uva ngama mauña kirolla, bdagli ama be chege ama ñenua llea ulita dbia ulita mauñale. Ale ama gweda, ene lle ulita be chege chege, che be chege uva ngama ai ulita mauñale.”

Marcos 12:9

Jesu geru ñachugu ene ulita gire ama geru kadu kwiange: —¿Ba tañachuge mine geru e giti? Kwian uva mauñage be chke uñale boidu ulita ama kirolla ole gire ¿ama be age mine kwian uva mananga ulita ole? Cha gerule ulia ba ole, uva mauñage be chke uñale ama kirolla guleda gire ama be joge kwian uva mananga gweda ulita, ama be kwian na gbe uva ngama manade.

Lucas 20:9

Jesu gerudu ene kwian ole gire Jesu geru ñachugu ama ulita alin, Jesu gerudu: —Cha gerule ba ulita ole, kwian onbre gdaite uva ngama gbu, gire ama kwian gweale gau uva ngama manangale, ama uva ngama ulita jigu uva ngama mananga ulita kote gire ama jo toi nga batege sbali.