Mateo 21:22 - Buglere

²² E kare ene ba gerule Chube ole lle gweale giti ba takalin ama age ba alin kare, kaire ba mo ta gbe ulia Chube ole Chube be age ba alin ulia ba gerudu ama ole kare, ba lle kade Chubege ta ene giti gire ulia Chube be age ba alin ba takalin kare.

Mateo 21:22 Referans Kwoze

Mateo 7:7

Jesu gerudu dare kwian ole: —Ba lle kade diali Chubege, e salengwli kwian kle lle kade dabage diali kare gire lle ketakle amage, e salengwli kwian kle lle jinade nate diali kare gire lle kle skwen amage, e salengwli kwian kle ugaka dagenga kare ta jogekalin gwa daba ullage gire daba kle ugaka degenga ama alin jogedale gwa.

Marcos 11:24

E kare ene ba gerule Chube ole lle gweale giti ba takalin ama age ba alin kare, kaire ba mo ta gbe ulia Chube ole Chube be age ba alin ulia ba gerudu ama ole kare, ba lle kade Chubege ta ene giti gire ulia Chube be age ba alin ba tadukalin kare.

1 Juan 3:22

Ulia che Chubenu ulita kle Chube gerua Chube gbu che alin gai ulia, kaire che kle age ulita ama takalin kare ama gwa giti, gire ene Chube be lle ulita che kade amage ama be kete chege che kle ama gai ulia ñanale.

Mateo 18:19

Kaire cha gerule ba ulita ole, ba gdabokle alin allabi mo ta gbe ule tañachuge salengwli daba gweale giti, ba gdabonate gerule ule ama giti Chube ole, ba chudaboi kade Chubege, Chube be ta kete bage ba agedale mine daba alin.

Santiago 5:16

Che gdaite gdaite kaire kaire gerudale daba ole ongoru ongoru che agedu me no giti ene daba che agedu me no talla mlienga. Kaire che gerudale Chube ole daba giti ongoru ongoru chudaboi kade Chubege ene daba oga be joge chkeni noni kaire daba ta be chege no trate Chube gwa giti salengwli kwian oga kle joge chkeni jingme gwealegeni kare. Kwian bai mo ta gbe ulia age no trate Chube takalin kare, kwian ene gerule Chube ole chudaboi kade Chubege Chube kwian ene keruchuge Chube age kwian e kle mo ta gbe gerule kare Chube ole ene Chube ama chudaboi no no kwian kle mo ta gbe trate ulia Chube ole giti.

Juan 14:13

Lle ulita bai kaire ba ulita kade cha Ñenuage cha giti, cha be age ba alin ba gerule kare cha ole, ene cha giti kwian be gwage cha Ñenua Chube kiralladi, be gerule no cha Ñenua giti.

Juan 16:24

Sbali ba chagedu ule cha ole, ba me kle lle kade cha giti cha Ñenuage, agwa nege gwangerugu ba lle kadadale cha giti cha Ñenuage lle bai kaire ba takalinge, ene cha giti cha Ñenua be age ba alin, ene nga be suga ma no badi cha giti.

Juan 15:7

Ba ulita ta chege diali ule cha ole, kaire ba ulita mo ta gbe diali age ulita trate cha ba tku tangle kare, ene ba lle gweale kade cha Ñenuage cha Ñenua be age ba alin.

Mateo 7:11

Ba ulita talla agenga me no, agwa gire ba me lle me no kete ba kirogwallage, ba kle mo ta gbe age no mo kirogwalla alin, ba lle no ketakalin diali ba kirogwallage. Chube ba Ñenua kle nga ngaña giti, ama no trate ulita, ama ñage age ma no ulita ba alin ba kle age ba kirogwalla alinge, ama lle ma no kete bage, ama ta agekalin no no ba alin diali, ba bai lle kade Chubege Chube lle no kete bage.